Keleshaata 11:3 - Mataafa Qulqulloota

³ Maakkiyyasene xayyo lakki akka mehadda dapteeta kalsadan ka kuyyaata kuma ka dippa lakki kunda lehi xuuma haasawadane'en ishootta hupna daasha.”

Keleshaata 11:3 ပူးပေါင်းရင်းမြစ်များ

Mataafa Uumata 37:34

Ka oori nyarrahata'e, mehadda isi quda kakkaa'e ka mehadda dapteeta kalsade ka nyarrahe ka kuyyawwa lekaya pooye.

Mataafa Saamu'eeli a lammatta 3:31

Taawwiti ka Iyyo'aapi isho orrase isha quda co piisa kide, “Mehaddaassin isquda kakkaa'a ka mehadda dapteeta kalsada ka Apeneeri pooya. Nuqusase Taawwiti ka mattaadi pukka Apeneeri kamma qate ka olli aane.

Mataafa a Nuqussa a paayyota 21:27

Aki'api ete qaalese dakayeeyye, meehaadi a kalsade alle isquda kaa'e ka mehadda dapteeta kalsade ka damta musade ka mehadda dapteetatinniiw mukni ka fuula poornayshe ka nyarrahatanneew pora anni.

Mataafa a Nuqussa a lammatta 19:1

Nuqusase Hisqiyaasi ete sede dakayeeyye, mehadda isquda kakkaa'e ka ohawwa dapteeta uwwisade ka tika Waaqa kelopa kulle.

Mataafa Otoowwa a paayyota 21:16

Taawwiti ete opeela tooyyadeeyye, erkampattoota a Waaqa a piita isho moonta otantoppa qa'atte ka koraateta yukamte harkoppa qapatte ka qinda Yursaalami opa oorsatte akke; sitiiyyi Taawwiti isho qimaya ka mehadda dapteeta a kalsadenetin piitopa seehen ka fuula piitan kayen.

Mataafa a Nehimya 9:1

Leyoose oppaayyeew kuyyaata kunda lakki afrattatiiyyi samayta a Isira'eeli takka'e olopa sooke. Ka akka juppootaaysho ishootta' dakaatte ikka nyarrahen akkissa'e, mehadda a dapteeta' kalsaden ka matta qarandela tara fidaden ka damta musaden.

Mataafa Iyyoopi 16:15

Japarra dapteeta'en isquda' heddisade. Ka ulfeeniyyo piita' kate.

Mataafa Masmuureta 69:11

Eten mehadda dapteeta' kalsannooyye, sede qora xosaltati ana' oore.

Xuuma Issayyaasi 22:12

Awsetiiyyi Waaqa Poqalla a we piisa ettaninno, akka nyarrahatan ka pooytan ka mattaayshin kooshattan ka mehadda a dapteeta' kalsattane'e ishin ajaje.

Xuuma Ermiyaasi 1:10

akka' shukkito ka alle' pootto'e ka patisso ka karkalisso ka dishto ka qupto'e, tooy anti mankistewwa isho samayta piita qara'en ke shuume.”

Pooyta Ermiyaasi 2:10

Qimaya enenta Siyyooni, jawi kiden ka piitoppa' qaa'en, ka kuyyaalayta mattoppa' fidaden ka mehadda dapteeta' kalsaden. Tuparra issin ca a Yursaalami, mattaaysho'e kumpaapshen.

Xuuma Hisqeeli 4:6

Oto kuyyawwosen pirtooyyeew qindaayti a akkitta qara'e' mukkitaaw ka qitaateta a samayta Yihuta' haadattaaw; parra a kara juppoota koden kapa'e kuyyaata takka takkan ke dikeey kuyyaata kunda afuri kara'e qitaatetaaysho' haadatta.

Xuuma Taani'eeli 12:7

Erkampattootase ohaata paxaara uwwisatte ka kirra qara xata qa'atte ka harka lakki piisa moontopa xa'isse ka maxxa Waaqase a paraparatin reersatte ka kiite “Para sessa ka pakoppa'e dikkadan. Oto rakkoota a samayta Waaqa rakkanno dikkattooyye, wossen piisa dikkada.

Xuuma Taani'eeli 7:25

Ka Waaqase kutta kuli qara isi peepa ka qulqullowwasene a Waaqase kuttati kuli rakkacciisa ka seeraaysho isho xayso nessumadaasso kuli alle' purissa fada. Qulqullowwa ka haka para sessa ka a pakati ishi' piddaman.

Xuuma Taani'eeli 8:14

Ikka ana' kide, “Teykanta isho kallapta kuma lakki ka dippa sessa kamma dikkadan; sekkamma tika qulqlloota iqulqullaawta.”

Xuuma Iyyu'eeli 1:13

Qoota kalisoota unta taaki a taadeta wayneeta a tika Waaqa opa dehassan in kinnin malla, ishin qeesewwaayye pora pooya, ishina orxaya' koda a Waaqa' koona'ew, mehadda dapteeta' kalsada ka halkeetti pooyni rafa, ishina porase' qara kalisoota dehannaan qara koda koona'ew, asseew pora pooya.

Xuuma Yoonaasi 3:5

Orra Nenewwe ete erkanasene a Waaqa' dakayeeyye, iteyyade. Ka oori akka nama piisa damta musado' salisade. Ka hellaa shashakkaati paayyatte haka orra qiqqimeeti' mehadda a dapteeta' kalsaden.

Xuuma Yoonaasi 3:8

ka mehadda a dapteeta' kalsattan ka horeetaayshin kuli qara' ohaata dapteeta uwwissan; nama piisa a karitta kareela Waaqopa qinsado ka kodaadi a neeqa oppa alle' ooro ka juppoota koda diisho.

Mataafa Dikoota 11:26

Qimayasene oppa xoori nama lakki a Eldaadi isho Medaadi kidamma ka safaroppa hasen; ishootta qimayaasene oppa'ew dikamen ma tukkanopan anne; a safara kara caaneeyye, hapura ka ishootta qara lekkade ikka eyye kara xuuma haasawaden.

Maatiyoosi 11:21

“Oo ke kido koraasini, oo ke kido Peetesayda! Katin kodaddasen orra qawwanna a ishin kara kodame'e, Tiroosi isho Sidoona kara kodde kiiteeyye, orraaysho helani esse xattaaw mehadda dapteeta kallsaden ka tara isqarandela pulanden ka juppootaaysho oppa oori heenen.

Maatiyoosi 18:16

Oton ke'e in dakaynin xoori, haasa maakkitta lakki taaki sessa maakkuma idukaysatammiiy, nama takka taaki lakki isquda qeedeew.

Luqaasi 10:13

Kamma'ew Yesuusi ikide, “Oo ke kido Korasini! Oo ke kido Peete sayda! Katin daxxowwosene ishin kara kodame'e, Tiroosi isho Sidoona kara kodame kiiteeyye, orra siti ishootta kara kalo, helani esse xattaaw ohawwa dapteeta uwwisanni heenen ka tarappa kutiini heenen, ka juppootaaysho oppa oorri heenen.

Luqaasi 24:48

Sede piisa'e ishina kan a maakkiyya.

Yohaannisi 15:27

Ishina'ew, qoota' paayyote paayyiten ka ana olli kinnaatten malla, immaakkummittaneew.”

Yohaannisi 3:27

Yohaannisi ka ishootta oorshe ka kide, “A Waaqa nama daasho mali, nama we takkan nefo qapnaatta ettaninni in co.

Kodampaya 1:8

Ma xoori, oto Hapura Qulqulloota ishin qara' lekkadooyye, hupna akkattan ka sitiiyyi Yursaalami isho piita Yihuta' pisa oppa Yihuta pisa oppa'e ka Samaariya isho piita piisa oppa'e maakiyyaayyo kodditan.”

Kodampaya 13:31

Isha ka isasene Kelilaayye desa Yursalami opa isha olli de'eti'i, kuyyawwa lekaya akkaade. Ishootta amma samayta tura maakiyyaadi.

Kodampaya 2:32

Waaqa Yesuusise tootoppa xaashe. Ino piisanti anka an sedeeti maakkiyya.

Kodampaya 3:15

Ka isase caatta daanno ikassen, Waaqa xoori tootoppa isha xaashe. Qootoseti desa ino an maakkiyya.

Qorontoosi a paayyota 12:28

Semmalla Waaqa tika kiristaana karaayye matta nama' mina'e akka kodadda karkar qapnaadane kode. Ka paayyota qara erkamampaya ka a lammattati'i xuumampaya ka a sessattati kollissampaya shuume ka kamma'ew, a wa orra qawwanna' koona ka kamma'ew a daassawwa dinissa' qapa ka a dassata orra qaarqaara' qapa ka mukissampaya isho a afaa ika lekaytan haasawanna' kite.

Qorontoosi a lammatta 13:1

Semmalla ini tooy ishin kapopa deenaayyo a sessatta, we' piisa dukaata koddeetaaysho maakiyya lakki taaki sessaanne upnaysammi.

Efesooni 4:11

Isha akka a demo erkamampaya koddan, a demo ka xuumampaya koddan, a demo ka a otootase a fayya' torrina koddan, a demo ka a orra amanno siknna koddan, a demo ka kollissampaya koddane'e daassawwa daashe.

Mataafa oppa' Ooreta 17:6

Namoose ikannaan oton maakkitta lakki taaki sessa isha qara maakkumaayye, alle ishsha diisheey maakkitta takka pattan nama in ishshan.

Mataafa oppa' Ooreta 19:15

Oton nama takka a pila qara'e dapa kodaayye, haasoosen olkela oorissa'e maakitta lakki taaki sessa parpaaccisni diisheey, takka patta in kayo.

Keleshaata 1:5

ka Yesuusi Kiristoosi, isase maakkitta amaname kodde ka tootoppa xaanaan' qaarta kodde ka nuqussa piita' mukinno ka ino jaalanno ka juppootinno oppa diikaadin nata ino sookshe kapaayye, daassata Waaqa isho nakayta a ishina' kodden.

Keleshaata 11:2

Ma xoori porase tika qulqullootati laka tulan co alle diishe. Sede orra a Yihutaata in koddinini'i daasameey sede an ekkaysadan. Orra a Yihutaata in koddinin leya kunda afuri lakki kara'e katamasene a qulqulloota iskelopa yatada.

Keleshaata 11:6

Kuyyawwosen a ishootta oppa xuuma haasawadane karaayye, akka roopa in roopnini'i moonta dufa'e hupna ukkumeeta'e qapan. Ka akkimoose mina'ew pishadda diikopa purissa'e ka eta a heenaneeyye erkannawwa ika heenten piita da'issa'e hupna ukkumeeta qapan.

Keleshaata 12:6

Iskatteetase ka koommaytoppa pora oppa kuyyaata kuma ka dippa lakki kunda lehi tura tooyamto a Waaqa ishi harmishe oppopa qahate.

Keleshaata 13:5

Afa ishin isipeepa ka paatan ota ka pinantaseti daasamen, akka leya kunda afuri lakki hupna ukkumeetatin koda kodo'e ikka ishi faqqatamte.

Keleshaata 19:10

Anti ka erakampattooseti sakatatta'e, loqqaadi kela pi'e ka fuula piitan kaye; isheetta xoori, i'ana kiite, “Diishe asse in kodan! Ha anti ke isho hellasene xaayshin a kiristaana maakkuma Yesuusi qapade olliiyyiiwwin an orxayteetaay! Waaqa sakatado maakkuma Yesuusi, hapurase a xuuma'ey.”

Keleshaata 20:4

Sekkammaayye suufaanaddan akke suufaanaddasene qara'ew orra akka faratane'e hupna ukkumeeta ishootta daasame ka kukkuti'e anka akke. Anka napseewwa a oorra qoota Yesuusi desa maakkuma malla ka qoota qaaleta Waaqa malla mattadaasso qara quuramene akke. Ishootta orra pinantase isho waakkaadi in sakatannin ka milikkitaadi fuulaaysho isho harkaasso quda in kodannini. Ishootta tootoppa xa'en ka Kiristoosi olliiyyi para kuma nuqusumen.