Keleshaata 10:6 - Mataafa Qulqulloota

⁶ ka maxxa a Waaqase haka paraparati kallaanno ka moonta isho wa isheetta kara ca uume ka piita isho wa isheetta kara ca uume ka pakateeta isho wa isheetta kara ca uumen xaxatte ka kiite, “Are kulipaata in jarto.

Keleshaata 10:6 ပူးပေါင်းရင်းမြစ်များ

Mataafa Uumata 14:22

Apraami ka ishi oorshe ka kide, “Inna! Waaqase kutta piita ka moonta uume, a sede ana qara dawro;

Mataafa Sooketa 20:11

Maana malla Yaahiwwe kuyyaata lehi kara'e piita isho moonta ka pakateeta ka wa ishootta kara ca piisa uume ka kuyyaata tappattati nessadeey; semmalla anti Yaahiwwe kuyyaase a tappatta in sake ka qulqullayshe.

Mataafa Sooketa 6:8

Ka piitase an xaxade ka kide, ‘Aprihaami ka Hisaaqi isho Yayiqoopi'in daasha’ oppopa ishin kalsha; ka akka' lehattane ishina' daasha; anti an Yaahiwwe.’”

Xuuma Hisqeeli 20:5

Ka ishootta' kide, Waaqase' piisa qara qapo ikiini, ‘Kuyyaata an oppa Isira'eeli reexadeeyye sanynyeeta Yayqoopi'in xaxade; ka piita Kipsi kara ishootta isi upnayshe ka ishootta' xaxade ka kide, Anti an Waaqa Poqallaassin.

Xuuma Taani'eeli 12:7

Erkampattootase ohaata paxaara uwwisatte ka kirra qara xata qa'atte ka harka lakki piisa moontopa xa'isse ka maxxa Waaqase a paraparatin reersatte ka kiite “Para sessa ka pakoppa'e dikkadan. Oto rakkoota a samayta Waaqa rakkanno dikkattooyye, wossen piisa dikkada.

Mataafa Dikoota 14:30

Kaalepi inna Yifuuni isho Iyyaasu inna Newwe maliiyyi piitase an akkan kara ishin kallaacciso xaxade karopa, ishin oppa nama takka nefo in kalo.

Keleshaata 1:18

Anti an caattampayta. Turan into'e ma xoori tin haka paraparati an caattampayta. Ka toota isho si'ooli qaraayye hupna ukkumeeta' qapa.

Keleshaata 12:12

Semmalla moontadaayye ka ishina a kara kala piisaayye, xasooda! Taaploosi akkima eta shakkayaaw ishi hasene upnaade ka miira kuttan ishin oppopa lekkadeey, piita isho pakateeteeyye oo ishin kido!”

Keleshaata 16:17

Erkampattootase a tappatta'ew xayxaytoppe'e kuppayyaadi tuqte. Suufaanase tika qulqulloota kela co qara desa nessa kuttayta a kiino “Idikkatte.” ka dakaade.

Keleshaata 21:6

Sekkammaayye i'ana kide, “Idikkatte; anti an alfa ka oomeka, a paayyota ka a piraampira. A deepode'e, anti ela pisha caatta oppaayyen kaaja takkan nefo maliiyyi patta ishi daasha.

Keleshaata 4:10

qimayasene kunda lakki afuri, isase sufaanaadi qara' kute'e ka paraparaayye haka araparti' kallaanno tura'e kilpiippanni ka fuula piitan kayni ka ishi' sakatanni ka kullewwasene' xaaysho a nuqusa sufaana tura' xaayni ka kiini,

Keleshaata 4:11

“Poqallaanno ka Waaqinno, qoota we piisa uumte malla, we piisa ka heennaatin uumamen. Ka caaden malla, kuttuma ka ulfeena ka hupna ke'e parpaaccisni.”

Keleshaata 4:9

Uumatase caata qapo oto isase sufaana qara' kute'e ka a paraparaayye haka paraparati' kallaanno'e kuttuma ka ulfeena isho kalata kalinnaan piisaayye,

Keleshaata 6:11

Ishootta matta mina'e mehadda a kalsadane a a'ata ka ishootta daasamen. Haka dikootase a hellaasso a kiristaana a ollin orxaya Waaqa' koddene ka itturopa leysama immakaannitto kara'e akka shakkayteeta asadane'e ishootta' lelamte.