Keleshaata 10:5 - Mataafa Qulqulloota

⁵ Sekkammayye erkampattootase pakateeta isho piita qara qa'atte an akka ka harkaadi a akkitta moontopa xa'isse;

Keleshaata 10:5 ပူးပေါင်းရင်းမြစ်များ

Mataafa Uumata 14:22

Apraami ka ishi oorshe ka kide, “Inna! Waaqase kutta piita ka moonta uume, a sede ana qara dawro;

Mataafa a Nehimya 9:6

Sekkammaayye, hellaa Isira'eeli ka Waaqa qinsaden ka kidene, “Waaqqo! Ke mali Waaqa pila in co; moontada ka moonta moontada isho wa quda ca ka piita isho wa piita qara ca ka pakatewwa isho wa kara ca piisa' uumte ka piisa' caatta daasse. Uumata a leka a moonta' piisa ka ke' sakatanni;

Mataafa Masmuureta 146:5

Nama a Waaqa Yayqoopi qaarqaarsaadi kodde, ikka Waaqa Poqallaadi kippanno i'oloode.

Mataafa Sooketa 20:11

Maana malla Yaahiwwe kuyyaata lehi kara'e piita isho moonta ka pakateeta ka wa ishootta kara ca piisa uume ka kuyyaata tappattati nessadeey; semmalla anti Yaahiwwe kuyyaase a tappatta in sake ka qulqullayshe.

Mataafa Sooketa 6:8

Ka piitase an xaxade ka kide, ‘Aprihaami ka Hisaaqi isho Yayiqoopi'in daasha’ oppopa ishin kalsha; ka akka' lehattane ishina' daasha; anti an Yaahiwwe.’”

Xuuma Hisqeeli 20:15

Ma xoori piitase a hiira an reexade a aanna isho takma oppa' puren piisa qaropa qapto an ishootta' daanno karopa akkiman ishootta an kalinnini'in koommaytoppa ishootta' xaxade.

Xuuma Hisqeeli 20:23

Semaliiyyiiw akkiman mankistewwaappa ishootta' pasisho ka piitaddaappa ishootta fido'e, koommayta oppa'en ishootta' xaxade.

Xuuma Hisqeeli 20:28

Piitase an akkan ishootta' daasho' xaxade oppopa eten ishootta kalinnooyye, pora oppa kunkunnawwa deddera taaki qoyra a haashsha qapo a akkinaan piisa kela'e kalisootaaysho' kalshen ka kalisoowwasene' xaaysho kupanna a anan miirayshene dehayshen ka tankartase' xaaysho alaawnitto qayyayshen ka kela' kalisoose' xaaysho a ikkayta tuttuqen.

Xuuma Hisqeeli 20:42

Oton piitase an akkan ishootta' daasho aappadaassina' xaxade a Isira'eeli oppopa ishin kalsho, ishina ka akkan anti Waaqa kodde upnaattan.

Xuuma Hisqeeli 20:5

Ka ishootta' kide, Waaqase' piisa qara qapo ikiini, ‘Kuyyaata an oppa Isira'eeli reexadeeyye sanynyeeta Yayqoopi'in xaxade; ka piita Kipsi kara ishootta isi upnayshe ka ishootta' xaxade ka kide, Anti an Waaqa Poqallaassin.

Xuuma Hisqeeli 36:7

Semmalla Waaqase' piisa qara qapo ikiini, ‘Akka mankistewwa a ishin kapandesa ca' piisa mattaayshoti'i nyoqqofaman miiddamane'en ishina xaxanni.

Xuuma Hisqeeli 47:14

Piisse an anti akkan aappadaassina a xattati' daasho' xaxade, ishina oli qitteeta qootada; piisse ka lehandaassin koddito.

Xuuma Taani'eeli 12:7

Erkampattootase ohaata paxaara uwwisatte ka kirra qara xata qa'atte ka harka lakki piisa moontopa xa'isse ka maxxa Waaqase a paraparatin reersatte ka kiite “Para sessa ka pakoppa'e dikkadan. Oto rakkoota a samayta Waaqa rakkanno dikkattooyye, wossen piisa dikkada.

Kodampaya 14:15

“Ishina orraayti, maana'e sede koonittan? Ha ino xaayshin mina'ewwen an orra. Ha ino waan malla arepa deene akka ishina wessene a paata patta kapaayye sekaattan ka caattampaytase a Waaqa moonta ka piita isho pakateeta ka wa kara ca piisa uumepa tiitaawtane'en otoota fayya ishina torreeta malla.

Kodampaya 17:23

Eten katamaassin oppa tittiitaawno ka wa ishi Waaqaysannittane tooynooyye, pora kalisoota a qara taafen ka kidene ‘Waaqa a opa in upnini'in’ akke. Semmalla amma anti, waaqoose a' ishina a upnin mali Waaqaysannitane desan ishina' lela.

Roomi 1:20

A piita uumamte paayyatte qalpeetase a Waaqa orra akkaanni in kinnin, sede nefo hupnase' xaadi a parapara isho Waaqumaadi, wa sene a isha' uume qudanne fayya akkaanni. Semmalla orra ishin dapayta a kode wa ishin marmada in qapo.

Mataafa oppa' Ooreta 32:40

Anti harkiyyon moontopa xaasha, ka xaxada ka kida, anti an caattampayta Waaqa, a haka paraparati kallaanno.

ipro 6:13

Waaqa ete Aprihaami' kippeeta daasheeyye, nama isha qara qapo a ishin xaxado a pila qoota in kinnin malla, issinni xaxade ka kide,

Keleshaata 1:18

Anti an caattampayta. Turan into'e ma xoori tin haka paraparati an caattampayta. Ka toota isho si'ooli qaraayye hupna ukkumeeta' qapa.

Keleshaata 10:2

Erkampattootase, mataafa a ollopa marrammo a paname shakkayta harkoppa qapta. Ka loqtaadi a akkitta pakateeta qara xaayatte ka a pittitta piita qara xaayatte.

Keleshaata 14:7

Ka nessa kuttan kiite, “Waaqa fuura ka isha ulfeessa, saateta firteetaadi idesa kayteey. Waaqase moonta isho piita ka pakateeta isho ella pisha uume sakatada!”

Keleshaata 16:17

Erkampattootase a tappatta'ew xayxaytoppe'e kuppayyaadi tuqte. Suufaanase tika qulqulloota kela co qara desa nessa kuttayta a kiino “Idikkatte.” ka dakaade.

Keleshaata 4:11

“Poqallaanno ka Waaqinno, qoota we piisa uumte malla, we piisa ka heennaatin uumamen. Ka caaden malla, kuttuma ka ulfeena ka hupna ke'e parpaaccisni.”

Keleshaata 4:9

Uumatase caata qapo oto isase sufaana qara' kute'e ka a paraparaayye haka paraparati' kallaanno'e kuttuma ka ulfeena isho kalata kalinnaan piisaayye,