Keleshaata 10:4 - Mataafa Qulqulloota

⁴ Ete xirarase tappa haasawadeeyye, anti allu taafaan dikade ma, nessan moonte dakaye ikka kiini, “Wa xiraroose tappa haasawade juuttotan qapado diisheey, in taafan.”

Keleshaata 10:4 ပူးပေါင်းရင်းမြစ်များ

Xuuma Issayyaasi 29:11

Keleshaata a wossen piisa ishin tura'e, mataafa a ollopa marrammo a ashshakame kodda; oto mataafose marrammo nama nappapeeta saho daassan ka kiitane, “Ino nappapeeyye” I'ishina kida, “I'ashshakameey, nappapa an ettansho.”

Xuuma Issayyaasi 8:1

Semmaliiyyi Waaqa i'ana' kide, “Shalala palda qeede ka fitalla akkaannatin qara' taafe ka kide, ‘Poojeta ijarjarte, sara ka ariiren.’”

Xuuma Issayyaasi 8:16

Maakkumose ollopa marre ka hidde ka kollissoose tamaarewwaayyo otantoppa' kobbeetan toomme.

Xuuma Taani'eeli 12:4

Ka ana' kiite “Atti Taani'eeli haka piraampira kaynitto kara'e, qaaleta mataafose kara kitto alle' dufe ka leloose a xuuma fayya isi kara' qapado! Sitiiyyi orra olkelanne pora yaaqyaaqa; upna nefo ka koopan.”

Xuuma Taani'eeli 12:9

Erkampatootase ka ana' kiite, “Taani'eeli qoota leloose haka piraampira kaynitto'e eeyye' juutamo ka dufamo malla, atti amma tiitaawe ka alle aane.

Xuuma Taani'eeli 8:26

Kelashaatose a' qoota kalisoota a tekkanta isho a kallaptati desa akkite maana akka koddite wa a' dakayte, dukaata ma xoori qoota sapanna kamma oorshaati koddito malla isi kara' qapado.

Mataafa oppa' Ooreta 29:29

“Wa a juutame a Yaahiwwe Waaqinno wa laka sooke xoori, akkan qaalewwa a seeroseti piisa koono'e ino isho hellaanno'e haka paraparati daasame.

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 1:19

Semmalla wa akkite wa amma ca ka kuli kammaayye de'a' taafe.

Keleshaata 10:8

Sekkammayye nessase an turan moonte dakaye ka lammatta ana haasawadeew ka kiini, “Aane ka mataafase ollopa marrammo paname harka a erkampattootase pakateeta isho piita qara qa'atte oppaayye qeede.”

Keleshaata 22:10

Ka kammadesa ana kiite, “Etasene qoota dehaaden malla qaaleta xuuma a mataafoseti kobbeetan in dufan;