Keleshaata 10:1 - Mataafa Qulqulloota

¹ Se kammaayye, anka erkampattoota a pila a hupnampayteeta koddite ka oraarta uwwisatte a moontexata lekkannitto akke. Pankaallata ka mattaadi kapa qorrasse; fuulaadi piirtota paha. Loqqaadi ka tuudda apitta pahan.

Keleshaata 10:1 ပူးပေါင်းရင်းမြစ်များ

Mataafa Masmuureta 104:3

Ka pishasene moonte ca' qara'e xarina a tikaayti katte, ka oraarta kaanketa' kodatte, ka xoolla a xayxayta qara anni.

Mataafa Masmuureta 97:2

Urratta isho oraarta poora'e isha kapa tiitayshe, kiritta sufaanetaadi, ha hanqeelluma isho dukaata.

Mataafa Sooketa 16:10

Ete Arooni samaytase a Isira'eeli piisa haasawannooyye, ikka koommaytanxata tooyyaden ka ulfeena Yaahiwwe oraaraappa akken.

Masmuureta a masmuurewwa piisa qara jaallitto 5:15

loqqaadi tuudda ipnepereti takkan kiritta warqeeta qara' qaqaatishene'e pahan. Pahanaadi irroota Lipaanoosi a qora talta siratte pahan

Xuuma Issayyaasi 19:1

Sene erkanasene qoota Kipsiti desa lelame. Tin, Waaqa oraara qara'e kuti'a ka jarjartan piita Kipsi opa de'a; killanna a piita Kipsi ka isha tura xaran; karitta orra Kipsi ka tammaqtan shama.

Xuuma Issayyaasi 54:9

Sede ana'e akka xelta Nooheeyye koddite mina'e pahanaatta; akka pisha a sapana Noohi lammatta piita qara in pirrini'i, akkan xaxade mina'e, akkan ke qara an miironnini ka ke an fuknini'i, asseewwen ke' xaxada.”

Pooyta Ermiyaasi 3:44

Ka akkima qinseetinno ke kapa in kaynini'i, urrattan isquda dekte.

Xuuma Hisqeeli 1:28

La'ayta a kapa tiitayshe pankaallata kuyyaata roopati oraaraappa akkaannitto paha; sede nefo ka pahana ulfeena Waaqa' pahata. Eten sede akkeeyye anka piitopa pi'e ka fuula piitan kaye ka nessa a nama takka haasawanno dakaye.

Xuuma Taani'eeli 10:6

Namoose dakintaadi a daka paltitta' mina'e pippildaawni, fuulaadiiw, a hankaada' mina'e ildaappa orra' qinni, ildaadiiw, apitta opayno pahan, harkaadi isho loqqaadiiw, akka sipla poora a laajene pahan, nessaadi akka nessa a orra leka' mina'e dakaanni.

Xuuma Taani'eeli 7:13

Anti anka halkeette kelashaatoppan a inna nama' paho ka moonte urrattoppa deeno akke. Ikka isase haka parraparati' kallaanno turopan aanen.

Mataafa orra Lewi 16:2

ka ishi kide, “Anti porase a diissata qareelan urrattan akkaadaay, innaassin Arooni akka eta ishi aaka oppaayye kaatasene akata qulqullaawe kaaranta kara ca, a karaayye dufanasene a diisata a taapota qaraayye co kara ca kelopa tupa desa in kullinin ka in toonin'i ishi lele.

Maatiyoosi 17:2

Pissaadi ka ishootta tura pursame; fuulaadi ka akka piirtota mina la'aye, mehaddaadi a kalsade ka attaaden ka a la'ayta mina la'ayni.

Luqaasi 21:27

Sitiiyyi orra ka inna a nama a oraarappa hupna ka ulfeena kuttan deeno akka.

Kodampaya 26:13

Nuquso, eten poroppa cooyye, olliqqootta kuyyaatatiiyyi, anka la'ayta, a pirtota qara qapo akke. La'ayse nefo ana isho orra ana olli anno qara'e moonte xata la'aye.

Keleshaata 1:7

Tin isha oraaraappa deeni, orra piisa ka isha akka. A isha dote' kuli ka isha akkan. Samayta piita' piisa ka isha minan pooya. Sede nefo dukaata. Ameen!

Keleshaata 18:1

Sekkammayye anka erkampattoota pila a hupna ukkumeeta a kutta qapto a moonte lekkannitto akke. Pippildaawa ulfeenaadi qaran xaate'e piita ka la'ayte.

Keleshaata 18:21

Sekkammaayye erkampattoota takka kokkoka ka daka takka daka yomatta a kutta mina co qeette ka pakateeta karopa shuulite ka kiite, “Katamasene kutta a Paapilooni tooy, asse hupnan shuulaman ka patan. Umma arepadesa in teyadan.

Keleshaata 20:1

Sekkammaayye, a erkampattoota fura hiwwalaalla isho sansalaata a kutta harkoppa qapatte ka moonte xata lekkannitton akke.

Keleshaata 4:3

Isase sufaana qara kuti'e nefo, pahanaadi dakaddasene heraan kokokkoka a iyaasbidi isho a serdinooni'i paha. sufaanase kapan desaaw pankaallata a dakase heraan kokkoka merkidi pahato ca.

Keleshaata 5:2

Anka hupnampayteeta erkampattoota takka a nessa kuttan haasawannitto ka kiinitto, “A kobbewwosen paneeta ka mataafose ollopa marrammo paneeta isha parpaaccisnitto ayno?” akke.

Keleshaata 8:13

Sekkammayye eten tooynooyye, kawwaarayta a moonta quda keerro ka nessa kuttan ullupno ka kiinoo, “Oton erkampattowwa ata hase sessa turumpaaysho' dawnaaneeyye, orra piita qara kalo oo ishootta kido ! Oo ishootta kido! Oo ishootta kidon!” dakaye.