Keleshaata 1:8 - Mataafa Qulqulloota

⁸ A amma co ka xatta co ka itturopa de'o, Waaqa, Poqalla isase we piisa ettaninno, ikiini “Alfa ka omeeka a paayyota ka a piraampira ana!”

Keleshaata 1:8 ပူးပေါင်းရင်းမြစ်များ

Mataafa Uumata 17:1

A Apraami para kunda sakali' sakali kayeeyye, Yaahiwwe isha tura akkaade ka kide, “Anti an Waaqa we piisa ettaninnooy, awta piisa ana ajajame ka dukaatan kallaado.

Mataafa Uumata 28:3

Waaqase we' piisa ettaninno, a ke' sako, Meeraayti ka saaro, sanynyeetaayti ka koopto.

Mataafa Uumata 35:11

Ka ishi' kideewwe, “Ana Waaqa a we piisa ettaninno ke' kiini, tumma dale, sanynyeetaayti ka lekaatto; samayta leka ka keppa dalado. Nuqussa ka sanynyeetayti oppa de'en.

Mataafa Uumata 43:14

Waaqa a we piisa ettaninno a karitta aapposeti ishina' nukkullaysho ikka ishin suraysado ka Simooni isho Piniyyaami ishin olli erko. Ma a xayyo ihellaa dapa' deeteey, ana alle' dapo.”

Mataafa Uumata 48:3

Ka Yoosefi' kide, “Waaqa we piisa ettaninno piita Kene'aaniti pora Loosa kidammo oppa'e ana akkaade ka ana' sake.

Mataafa Uumata 49:25

Waaqa aappaayshina'e ke qaarqaara Waaqa we piisa ettaninno moonte xata roopanne ka piita Keleela pisha paadissaan ke' saka ka horeeta ka hellaa kuli ke' daasha.

Mataafa Sooketa 3:14

Waaqa ka Muuse kide, “Anti ‘isase co ka kallaanno’ Semmalla aane ka kide, ‘isase co’ ishin kapopa ana erke.”

Mataafa Sooketa 6:3

Akkan Waaqa a we' piisa ettaninno koddennen Aprihaami ka Hisaaqi isho Yayiqoopi tura' akkaade. Ma xoori, maxxose xayyo Yaahiwwe kidamenne, an ishootta'en akkaanne.

Xuuma Issayyaasi 41:4

A sede akka asse koddito' kode, ka paayyota qara xeltada hale ayno? Ana Waaqa! Isase a paayyota ka a piraampira anti an anaaw.

Xuuma Issayyaasi 43:10

Waaqa ikiini, “Akkaman anti Waaqa kodde; akka ishina' kalto akka upnaattan ka ana amantane'e, ishina a' maakkiyyaayyo ka orxayaayyo an reexade; ana turan Waaqa a pila in co, umma itturopa nefo in caado.

Xuuma Issayyaasi 44:6

Nuqsase a Isira'eeli Waaqa, isase Isira'eeli furanno, Waaqa a we piisa ettaninno ikiini, “Anti a paayyota ka a piraampira; umma ana mali a pila in co.

Xuuma Issayyaasi 48:12

Waaqa ikiini, “Atti Yayqoopi, isase an halaade Isira'eeli, dakaye! Anti an anaaw; a paayyota ka a piraampira anaaw.

Xuuma Issayyaasi 9:6

Inna ino' dalade, inna a diirta ka ino' daasamen; hupnaadi a nuqusumaadi' nefo xashshittaadi qara ca; maxxaadi nefo, “Dehaamampayta a orra qawwanno ka hupnampayta Waaqa, ka aappa parapara ka mattitta nakayta'e” kidama.

Mataafa Dikoota 24:4

Afaa namase haasa Waaqa Poqalla dakaynooti a isase keleshaata a Waaqa we piisa ettaninnooti akkino, a isase piita pi'e ildaadika ishi panameneeti sede.

Qorontoosi a lammatta 6:18

Ka aappaayshin kodda, ishina ka hellaayyo a diira isho a tuparra' kodditan. Waaqase we' piisa ettaninno asse kiini.”

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 1:17

Eten isha akkeeyye, anka akkima nama to'e' mina'e loqqaadi kela' pi'e. Isha' xoori harkaadi a akkitta'e ana qara' qapade ka ana' kide, “in fuuran, a paayyota ka a piraampira anaay.

Keleshaata 1:4

Nakayta ana Yohaannisi kapaayye tikkasene a kiristaana tappa, piita Issiya kara caati erkame. Isase amma co ka xatta co ka itturopa de'o, kapaayye ka hapurrasene tappa sufanaadi tura ca kapaayye, a daassata Waaqa isho nakayta ishina' kodden;

Keleshaata 11:17

ka kidene, “Poqallaay, Waaqqo! Ke a we piisa ettaninno! Ka amma co ka xatta co, qoota hupnase xaayti a ukkumeeta kutta harkoppopa oorsatte ka nuqusumte malla, in ke kalataysanninna.

Keleshaata 15:3

Ka masmuureta Muuse a orxaytase a Waaqa isho masmuureta a laahoseti dawanni ka kiini, “Poqallaay, Waaqqo ke a we piisa ettaninno, kodaayti ikutti ka orra qawwanni. Ke a nuqusa leknada kodde, saantaayti saanta hanqeeta ka a dukaata.

Keleshaata 16:14

Ishootta hapurra orriyya a wa olsa paha koona. Hapurroosen nyale oranase kuyyaatase kutta a Waaqase we piisa ettaninnotiiyyi koddo'e orra ollopa oorsatta'e nuqussa a piita piisa kapopa aanan.

Keleshaata 16:7

Porase a kalisootati desaaw anka nessa a kiino, “Aa, Waaqqo Poqlo! Ke a we piisa ettaninno firteewwaatti dukaata ka hanqeeta.” dakaye.

Keleshaata 19:15

Koraateeta qaarta qapto a ishin leknada qido ka afaappa ishi sookni. Isha uleeta siplatinni ishootta ukkuma isha porase kara taadeta wayneeta diipnaan isase miirase orra fuurinno a Waaqase we piisa ettaninno akkinno'e diita.

Keleshaata 19:6

Nessa samayta kutta ka nessa fotota a pisha isho nessa a xirara kokkoka paho ka kiini, “Haalleluuyya Waaqa Poqallaanno, isase we piisa ettaninno, inuqusume! Anka dakaye.

Keleshaata 2:8

Erkampattoota a tikase a kiristaana Semirineesiti' taafe ka kide: “Sede isase a paayyota ka a piraampira kodde ka turan to'e ka caattampayta kodde kapa lelamte;

Keleshaata 21:22

Waaqa Poqalla isase we piisa ettaninno isho laahase qoota tikaadi a qulqulloota kodden malla, katamasene kara'e tika qulqulloota an akkine.

Keleshaata 21:6

Sekkammaayye i'ana kide, “Idikkatte; anti an alfa ka oomeka, a paayyota ka a piraampira. A deepode'e, anti ela pisha caatta oppaayyen kaaja takkan nefo maliiyyi patta ishi daasha.

Keleshaata 22:13

Anti an alfa ka oomeka, a tura ka a kamma, a paayyota ka a piraampira.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.