Keleshaata 1:4 - Mataafa Qulqulloota

⁴ Nakayta ana Yohaannisi kapaayye tikkasene a kiristaana tappa, piita Issiya kara caati erkame. Isase amma co ka xatta co ka itturopa de'o, kapaayye ka hapurrasene tappa sufanaadi tura ca kapaayye, a daassata Waaqa isho nakayta ishina' kodden;

Keleshaata 1:4 ပူးပေါင်းရင်းမြစ်များ

Mataafa Masmuureta 90:2

A irrowwa in dalannin, akka piita isho moonta a' uummin turan, paraparaayye paayyatte haka paraparati'i atti a Waaqa.

Mataafa Sooketa 3:14

Waaqa ka Muuse kide, “Anti ‘isase co ka kallaanno’ Semmalla aane ka kide, ‘isase co’ ishin kapopa ana erke.”

Xuuma Issayyaasi 11:2

Hapura Waaqa; hapura a ookuma ka a paata qapatta, hapura a dehaamta ka a hupna hapura a upna ka a Waaqa tura fuureeta ka isha qara' lekkada.

Xuuma Issayyaasi 41:4

A sede akka asse koddito' kode, ka paayyota qara xeltada hale ayno? Ana Waaqa! Isase a paayyota ka a piraampira anti an anaaw.

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Mikkiyaasi 5:2

Waaqa ikiini, “Atti ke a piita Efraata kara kitto Peteleheemi, kadi punu kantada a Yihuta oppa shakkatte nefooyye, a xattati paayyatte haka paraparati'i, a saara koddo ka Isira'eeli mukshon keppaayye xaasha.

Xuuma Sakkaariyaasi 3:9

Tin daka takka an Iyyaasu tura' qaatishe ca; dakoose qaraayye qindadda tappa ca. Waaqase we piisa ettaninno ikiini, anti dakoose qara'en taafeta poja ka kuyyaata takka oppa'ew dapa a piitooseti alle' tawsha.

Xuuma Sakkaariyaasi 4:10

Ata ayno kuyyaata a oppa we shakkaya kodammaan puyade? Orra oto tumpeeta harka Sarupaapeelippa akkooyye, ixasooda wossen qara ipsa xaaynaane tappa, ilda a Waaqa a piita piisa qara anna ka qinda pisa opa akkina”

Xuuma Sakkaariyaasi 6:5

Erkampattootase ka ana' oorisse ka kiite, “Sene hapurrasene a moonta afuri, isasene Waaqa poqallasene a piita piisa tura qa'anna'e sooke ka deeni.

Yohaannisi 1:1

Paayyota qara qaaleta ca. Ini qaaleta kidamo nefo Waaqa kapa ca, qaalese nefo Waaqa.

Kodampaya 19:10

Pawloosi haka para lakki mina kitto kara'e kodoose kode. Sitiiyyi Yihutaata isho orra Yihutaata in koddinin a Issiya kara kalo piisa ka qaaleta Poqalla dakaya ettanshe.

Kodampaya 2:9

Ino piita Baarte ka a Meedi ka a Elaami ka a Mosoppotaamiya ka a Yihuta ka a Qebbedooqiya ka a Baantoosi ka a Issiya

Roomi 1:7

Semmalla, ishina Roomi kara kala, a Waaqa ishin jaalade ka akka Qulqullowwa kodditane ishin halaade pisaayye, Waaqa Aappinno isho Poqallaanno Yesuusi Kiristoosi kapaayye a daassata isho nakayta ishina' kodden.

Qorontoosi a paayyota 1:3

Waaqa Aappinno isho Poqalla Yesuusi Kiristoosi kapaayye, a daassata isho nakayta a ishina' kodden.

Qorontoosi a lammatta 1:2

Waaqa aappinno isho Poqalla Yesuusi Kiristoosi kapaayye, daassata isho nakayta a ishina kodden.

ipro 13:8

Yesuusi Kiristoosi xala ka awwe ka haka paraparati ishaaw umma pursammi in co.

Yayqoopi 1:17

Dassata paxaara isho saka a qaja in qapnin piisa, Waaqa kapa deeni. Ka Waaqase a kaatta mina tittiitaawa ka puppursama isha kapa in kinnin Aappase a la'ayta kapa deeni.

Keleshaata 1:1

Akka wa dehaynittoppa' kodda orxayaadi akkisho'e, kelashaatase a Waaqa Yesuusi Kiristoosi' daashe sede, Yesuusi Kiristoosi ka erkampattootaadi erke ka kelashaatose orxaytaadi Yohaannisi akkishe.

Keleshaata 1:11

“Wa akkinitta mataafoppa' taafe ka tikkasene a kiristaana tappa erke, ishootta' nefo, Efesooni ka Semirineesi ka Perkamooni ka Tiyatirooni ka Sardeesi ka Filadelfiya isho Lodooqiya.”

Keleshaata 1:17

Eten isha akkeeyye, anka akkima nama to'e' mina'e loqqaadi kela' pi'e. Isha' xoori harkaadi a akkitta'e ana qara' qapade ka ana' kide, “in fuuran, a paayyota ka a piraampira anaay.

Keleshaata 1:20

Juuttota a hikkasene tappa a harkiyyo a akkitta oppa akkite isho a meehase qara ipsa xaaynaan a warqeeta tappa sede; hikkasene tappa, erkampattowwa a tikkasene a kiristaana tappaati. Meehase qara ipsa xaaynaan tappaaw, tikkasene a kiristaana tappa.”

Keleshaata 1:8

A amma co ka xatta co ka itturopa de'o, Waaqa, Poqalla isase we piisa ettaninno, ikiini “Alfa ka omeeka a paayyota ka a piraampira ana!”

Keleshaata 1:9

Anti innasene xaayshin a kiristaana Yohaannisi; isase Yeuusi Kiristoosi qudanne rakkootaadi ka mankisteetaadi isho duupattaadi oppaayye ishin olli qoottanno, qaaleta Waaqa isho Yesuusi maakkuma minannen, piitase otanta pakateeta' kara kitto ka Fitmo kidammitto kara' hidame.

Keleshaata 16:5

Anka erkampattoota a pisha qara hupna ukkumeeta qapto a kiinitto, “Qulqullitto, Poqallaay ke a amma co ka xatta co, qoota asse faratte malla, atti a hanqeelitta.

Keleshaata 2:12

Erkampattoota a tikase kiristaana a Perkamooniti' taafe ka kide, Sede isase koraateta paka lakkin qarta qapto qapade kapa lelamte.

Keleshaata 2:18

Erkampattoota a tikase a kiristaana a Tiyatirooniti' taafe ka kide: “Sede innasene a Waaqa, ilda opaya apitta paha qapa, loqqaadi ka sipla a porooda apitta oppa' pale pahane qapa kapa lelamte.

Keleshaata 2:8

Erkampattoota a tikase a kiristaana Semirineesiti' taafe ka kide: “Sede isase a paayyota ka a piraampira kodde ka turan to'e ka caattampayta kodde kapa lelamte;

Keleshaata 22:16

Anti Yesuusi akka maakkumoose ishina daasso'en erkampattootiyyo tikka kiristaana opa erke. Anti an meera ka sanynyeeta Taawwiti ka an hikkitta para mina a la'ayno.”

Keleshaata 22:8

A wessen akke ka dakaye, ana Yohaannisi. Eten wessen dakaye ka akkeeyye, erkampattootase ana wessen akkisse sakatatta'en loqqaadi kela pi'e;

Keleshaata 3:1

Erkampattoota a tika kiristaana a Serdeesiti' taafe ka kide: “Sede isase hapurrasene a Waaqa tappa isho hikkasene tappa qapade kapa lelamte. Kodaayti in upa, maxxa'e ikkitta, ma xoori ittoote.

Keleshaata 3:14

Erkampattoota a tikase a kiristaana a Lodooqiyaati' taafe ka kide: “Sede isase ‘Ameeni’ kodde ka maakkittase amaname ka a dukaata kodde, uumata Waaqa piisa ka isha quda teyade kapa lelamte.

Keleshaata 3:7

Erkampattoota a tika kiristaana a Filadelfiyaati' taafe ka kide: “Sede isase qulqullitta ka dukaallayta kodde ka fura a tika Taawwiti qapo kapa lelamte. Wa ishi' dufa nama takka nefo panni in co umma wa ishi' pana nama takka nefo dufni in co.

Keleshaata 4:5

sufaanase qudaayye, hankaada ka nessa xirara isho a qaqawwa ka deeni. sufaanase turaayye ila opayna tappa ka caan. Ishootta' nefo hapurrasene a Waaqa tappa.

Keleshaata 4:8

Pinaanoosen afuri, matta mina' xoolla lehi lehi qapan ishootta isqudandela ka iskaranxata ildaanne immakaaden. Umma halkeetta ka kuyyaata'e “Qulqullitto, qulqullitto, qulqullitto, Waaqa Poqalla isase we piisa ettaninno. A xatta co ka amma co ka itturopa de'o.” kideeta qaatinni in caan.

Keleshaata 5:6

Sekkammaayye anka suufaanase isho uumatase caata qapo afuri otanttoppaayye ka qimayasene otanttoppaayye, a laha qalame paho ka qa'ade akke. Laahose' nefo, kaassa tappa ka ilda tappa qapa. Ishootta' nefo hapurrasene a Waaqa tappa piita piisa qaropa erkame.

Keleshaata 8:2

Anka erkampattowwasene tappa a fuula Waaqa' tura qa'ade akke. Turumpadda dawamma tappa ka ishootta' daasamen.