Kelaatiya 6:9 - Mataafa Qulqulloota

⁹ Oton xasa, an murriniiyyi oto etaadi kaytooyye qootan feranno malla, koda paxaara koda'e nukkullaatta diinna.

Kelaatiya 6:9 ပူးပေါင်းရင်းမြစ်များ

Mataafa Uumata 29:7

Yayqoopi ka ishootta' kide, “Letta in dehan ka kalissa in kayneey, pisha a ikissan ka deettaappan desa a' qultane.”

Mataafa Masmuureta 104:27

Akka eta parpaaccisna oppa ishootta' damta daasso'e, sene piisa kew kippanni.

Mataafa Masmuureta 126:5

A ilmaamaan aylaanna, ililittanne feranni.

Mataafa Masmuureta 145:15

Ilda nama piisa kepaaw tooyanni; atti ka kiseetoppa'e damtaaysho ishootta' daanni.

Mataafa Pahana 11:18

Ukkuttoota nama tookta akkanno we nakanni in kitto; a hanqeelluma aylino xoori tooktaadi pata in qapto.

Mataafa Dehaamta 11:1

Damaatti pisha qara' kate, kuyyawwa lekaya kamma i'akkattaawweey; ikkaamaatti duloppa' ayle, kuyyawwa lekaya kammaayye damta koddan akka akkattaay.

Xuuma Ermiyaasi 45:3

atti ikiini, ‘Waaqa surumta qara'ew ana nyarrahata padaawe, anka pooytiyyon kafade ka nessuma dapeey, oo ana kido!’”

Mataafa orra Lewi 26:4

etaadi oppa'en ishina roopa daasha, piita ka unta palassa; qora ka daltaaysho dalan.

Xuuma Sofooniyaasi 3:16

Ha awsetiiyyi iYursaalami' kidane, “Siyyooni, arepa desa in qaapan! Meellaatti nefo in kafannin.

Xuuma Milkiyaasi 1:13

Waaqase we piisa ettaninno ikiini “Ha ishina ikiitene, ‘waadi i'orra pakshen.’ Ka ana qara seesten. Ka horeeta a saramte ka a toonnaawte ka a paaqnitto kalissota ana dehannitaneey, hela an sede harkaassin oppaayye teyyado ishina pahata?”

Maatiyoosi 10:22

Orra piisa ka ana malla ishin needdada. Ma xoori nama haka piranpirati kokkonnaanno, isha paha.

Maatiyoosi 24:13

Ma xoori, a haka piraampirati duupattaan kokkonnaado, isha paha.

Maatiyoosi 25:17

Namase pirreeta warqeeta kuma lakki teyyade ka kela pirreeta warqeeta kuma lakki tookta qeedeew.

Maatiyoosi 9:19

Yesuusi ka oori xa'e ka isha olli aane tamaarewwaadi kuli ka olliiw aanen;

Mariqoosi 3:3

Yesuusi ka namase a harkaadi toonnaawe kide, “Xooye ka otantoppa qa'ado,”

Luqaasi 18:1

Se kammaayye, Yesuusi akka a in kafannin mali, kuyyaata piisa qinsatta ishootta parpaaccisnitto kollissa'e pahanoosen ishootta' lele ka kide,

Roomi 2:7

Orra koda paxaaran japaattaan a kalata ka ulfeena isho caattase panni in kinnin faano, Waaqa caatta parapara'e ishootta' daasha.

Qorontoosi a paayyota 15:58

Semmalla ishina a jaalatame hellaanno a kiristaanatiiyyi, japaada ka qa'ada ka we takkan' nefon arepa ka arepa in kidan. Ka yaala a Poqalla' yaallittan akkima patta in pannin upnaada ka a' qaatinnin mali awta piisa koda Poqalla' koda' japaada.

Qorontoosi a lammatta 4:1

Waaqa qoota diissataadin kodoose ino' daashe malla, an xasa an murri an kinno.

Qorontoosi a lammatta 4:16

Semmalla xasa an murri an kinno; kadi punu dakintinno a laka tula' pannittaayye, dakintinno a karan xata kuyyaata mina'e haaraya koddini.

Qorontoosi a lammatta 9:6

Deymatteese kiinitto, “A shakka aylaade a shakka'e feranni, a kutta aylaade ka a kutta' feranni.” matte oorsada.

Efesooni 3:13

Rakkoota an anti ishin malla teyyanno ulfeenaayshin; semmalla, rakkootiyyo malla xasa an muranen kiini ka ishin' naappanni.

Mataafa oppa' Ooreta 11:14

akka unta ferattane'e ka dalta wayneeta isho a ekertaayti pohatto'e, isha etaadippa'e roopa para ka a hakayta piitaayti oppa roopsha.

Teseloonqe a lammatta 3:13

Ishina' xoori, hellaanno a kiristaanatiiyyi! in kafanne an kidan ka koda paxaara kodeeta alle an diishan.

ipro 12:3

Semmalla, a' paknin ka xasa a' murrin maliiyyi Yesuusise toorosen a juppoolaya' piisa duupade quda tooya.

ipro 12:5

Waaqa isase a hellaadi mina ishin dehaame ka kide, “Innaayyo, dehaamta Poqalla in tuffadan, ka oto ke fuknooyye, xasa an muran.

ipro 3:14

Oton in amanteetase' xanno an paayyota qara qapno haka piraampirati kokkonnaysanne ka qapanneeyye, Kiristoosi olliiyyin lehampaya koddina.

ipro 3:6

Kiristoosi' xoori, akka inna tika' mina'e tika Waaqa kara amaname. Tikoose' nefo ino; ino' nefo oton waan qara' xasa xaayanninna ka jeejjanninna isho waan ishin maxanyumminna'en qapanninnaayyen tikaadi koddina.

Yayqoopi 5:7

Amma oori hellaanno a kiristaanatiiyyi! haka Poqalla deeno kara'e duupattaan asada. Qotampayta haka piitaadi roopa para isho a hakayta akkannitto kara'e duupanni ka miillatase heraan kokkoka a piitaadi palannitto asanni.

Petroosi a paayyota 2:15

Wa paxaara' kodeetanne akka haasa eeppa a we in upnini jaw ki'issane'e, heenna Waaqa.

Petroosi a paayyota 3:17

Oton iheenna Waaqa' kodditeeyye, ishina a wa neeqa' koda minan rakkoota teyyattan kapaayye, a wa paxaara' kootan ka rakkoota teyyattane wayyi.

Petroosi a paayyota 4:19

Semmalla, orra heenna Waaqa qara' rakkoota teyyanno, a isi piisa uumampaytase amaname atara' daasho ka koda paxaara kodeeta in diinnin.

Keleshaata 2:17

Wa hapura tikka kiristaanati' kiina, nama napahata dakaynitto qapo, a dakayo! Nama puto'e, mennasene' juutame' qudaayyen ishi' daasha. Ka daka ata, a qara maxxa haaraya taafame ishi' daasha, umma nama teyyado maliiyyi, nama pila takka nefo in upnaado.”

Keleshaata 2:3

Duupattaan japaattaayti ka a' paknin mali maxxiyyo malla rakkoota teyyattaayti in upa.

Keleshaata 2:7

Wa hapura tikka kiristaanati' kiina nama a napahata dakaynitto qapo a dakayo. Nama pute, akka dalta qoyra caatta a Kennete a Waaqa kara kitto damo'en ihsi' daasha.”