Kelaatiya 5:1 - Mataafa Qulqulloota

¹ Kiristoosi wa malla nataan ino sookshe akkan natan kallaanno malla. Semmalla japaada ka qa'ada ka lammatta qampara karpishshuma' kela'e an qapaman.

Kelaatiya 5:1 ပူးပေါင်းရင်းမြစ်များ

Mataafa Masmuureta 51:12

Xasa dinissaayti ana' oorshe, ka hapura ke oowsannon ana kammeela qape.

Mataafa Pahana 23:23

Dukaata piddado diisheey in katan; ookuma ka fukkama isho paata qapatta kaaja kodado.

Xuuma Issayyaasi 61:1

Hapura a Waaqa Poqalla ana qara ca, maana malla akkiman teekolaya' otoota faya' torro, ka a nyarrahanaati' xasa oorsho'e, ka a poojameti' natan sooketa salisho'e, ka a hidame tika hida' kara furo'e, Waaqa ana reexadeey;

Maatiyoosi 23:4

Ishootta haadeeta ulsa ka orra miiddinitto ollopa hiddini ka xashshitta qara nama qapni, umma haadese quda qupittan teriisa ka qappatta nefo in heenan.

Luqaasi 5:38

Semmalla maaddota taadeta wayneeta, shawwa ammaytoppa qa'etta parpaaccisni.

Kodampaya 15:10

Ka kuli qamparase an aappadaanno isho ino haadeta malaalle, maana malla orra amanno qara fe'etan Waaqa ekkaysannittan?

Roomi 6:14

Amma ishina daassata Waaqa kela kaltan diisheey, seera kela a kaltaneey; juppoota ishin ukkuma isheeta parpaaccisni in kitto.

Roomi 6:18

Ka karpishshuma juppoota kela natan sookten ka orxaya hanqeeta kodditen.

Roomi 7:3

Semmalla, oton a diirtaadi cooyye diirta pila opa, hemamtaayye, dahalmayteeta kidammi. Oton xoori diirtaadi to'aayye, seerase a ishin diirtaadi quda' hidamte kelaayye ifurammi. Kadi punu oori diirta pila opa hemamtaayye, idahalsatte in kidamto.

Roomi 7:6

Amma xoori, seerase ino hide kapaayye qootan a tootan sekaatta' mina' kitto' sekaanne malla, hida a seera' kela nataan sookne; arepa desa saanta haaraya a hapuratinnin koda kooninna diisheey, saantase kerite a seera' taafamten an kooni an kinno.

Roomi 8:15

Semmalla, hapurase a innuma a' ishin “Aappo! Appo xanno” Kiitan ka haleetane' teyyatten diisheey, fuuraan kallaatta'e a lammattati hapura a karpishshuma atteyyanne.

Roomi 8:2

Seerase a Hapura Qulqulloota, caattase Yesuusi Kiristoosi qudan teyade daanno, seera juppoota isho a toota' kelaayye nata ana sookshe.

Qorontoosi a paayyota 15:58

Semmalla ishina a jaalatame hellaanno a kiristaanatiiyyi, japaada ka qa'ada ka we takkan' nefon arepa ka arepa in kidan. Ka yaala a Poqalla' yaallittan akkima patta in pannin upnaada ka a' qaatinnin mali awta piisa koda Poqalla' koda' japaada.

Qorontoosi a paayyota 16:13

Impasa ka amanteetan qa'ada, japaada ka kokkonnaada.

Qorontoosi a paayyota 7:22

Nama a karpishsha koddeeyye Poqalla isha halaade, nama Poqallaan nata sooke. Nama a karpishshuma kela in kinniniiyyi Waaqa isha halaadeew, karpishsha Kiristoosi.

Qorontoosi a lammatta 11:20

Akkimose' mina'ew, kadi nama karpishshadda ishin kodadaayye ka patta ishin qara wa' qaptane' damaayye ka ishin qara piraayye ka ishin puyadaayye, taaki ildaappa ishin kandishaayye, idduupannittan.

Qorontoosi a lammatta 3:17

Poqalla hapura; pora oppaayye hapura Poqalla co nefo oppaayye, nataan sookeeta ca.

Kelaatiya 2:4

Ma xoori, hellaanno a kiristaana a darampaya kodde ka dekandekatti ino karopa kulle takka takka, akka dawra qara murado fade. Ishootta, wa malla lettissa ino karopa kullene akka natan sookase an Yesuusi Kiristoosin akkanne alle ino qara katan ka karpishshuma kelopa ino oorshan qoota dikaden malla.

Kelaatiya 3:25

Amma xoori, qoota amanteeta deete malla, seeran qara tooyaminno ihase.

Kelaatiya 4:26

Yursaalamise a moonta' xoori, nataanne kitta. Isheetta' nefo aayya a ino piisa.

Kelaatiya 4:31

Semmalla hellaanno a kiristaanatiiyyi! ino an hellaa iskatteeta shetteeta in koddinini' diisheey, an hellaa shetteeta'en.

Kelaatiya 4:9

Ammaa xoori i'Waaqa upnaatten ka laadi Waaqa ka ishin upnaade. Ka kuli atta taantewwosen a piita nunukkulla ka we nakannin kinnini opa tiitaawten ka atta amma lammatta ishootta kela' karpishshadda koddeeta heentan?

Kelaatiya 5:13

Hellaanno a kiristaanatiiyyi! ishina natan kallaatte'e' halaamten; semmalla jaalalan olkela koda koda diisheey, natan sookeese' xaayshin xajeelta so'a immaka'en kodan.

Efesooni 6:14

Semmalla dukaata akka sinnaara' mina surraappa' hidada ka hanqeeta sipla a kessoppa' qaarannaan mina' qaarada.

Filippisiyuusi 1:27

Ishina' xoori akka otootase a fayya a Kiristoosi parpaaccisnitto qara' kallaada; sitiiyyi oori kadin punu de'a ka ildaan ishin akkaayye, taaki ishin kapa sekaada ka qootaayshinaayye desa dakayna nefooyye, akka hapura takka qara kokkonnaatten ka qa'atten ka karitta takkan amanteeta otootase a fayya orra qaran kaya' soonnittan in upnaada.

Teseloonqe a paayyota 3:8

Poqalla Yesuusin japaattaayshin ka qa'attaayshin ino' caatta.

Teseloonqe a lammatta 2:15

Se malla hellaanno a kiristaanatiiyyi! japaada ka qa'ada ka kollissoose an afaan ishina' lelle taaki erkana an ishina' tarpinne kokkonnaysada ka qapada.

ipro 10:23

A qaaletose a kippeeta ino' daashe qoota a amaname kodde malla, kippeetose an amma amanne ka maakumminno an arepa ka arepa an kiini maliiyyi kokkonnaysanna ka qapanna.

ipro 3:14

Oton in amanteetase' xanno an paayyota qara qapno haka piraampirati kokkonnaysanne ka qapanneeyye, Kiristoosi olliiyyin lehampaya koddina.

ipro 3:6

Kiristoosi' xoori, akka inna tika' mina'e tika Waaqa kara amaname. Tikoose' nefo ino; ino' nefo oton waan qara' xasa xaayanninna ka jeejjanninna isho waan ishin maxanyumminna'en qapanninnaayyen tikaadi koddina.

ipro 4:14

Se malla qoota an saara qeesewwa a kutta a moontopa fayyade qapno malla. amanteetinno kokkonnaysanna ka qapanna. Saarose a qeesewwa nefo Yesuusi innasene a Waaqa.

Petroosi a paayyota 2:16

Akka orxaya Waaqa' mina kodda ka nataan kallaada diisheey, nataan kallaattaayshinan neequmta tura an dekan.

Petiroosi a lammatta 2:19

Ka kiini “Nata sooktan” Ka kippeeta ishootta daanni. Nama oto putamooyye, qoota a isha pute kela karpishsha koddino ka piddammo malla, ishootta mattaayshoti karpishshadda a juppoota.

Yihuta 1:3

Moottadaayye! Se turanne qoota dinase an oltura qapnooti desa ishina' taafeeta a kuttati in fade, amma xoori amanteetase a Waaqa samaytaadi takkan daashe ikka oppa' oora in qapnini desa akka a kuttati soottane'e dehaamose ishina' taafeeta'e irreeta ana qara ca.

Keleshaata 2:25

Ma xoori hakan deeno kara'e wa' qaptane kokkonnaysada ka qapada.

Keleshaata 3:3

Semmalla kollissa atta paho akkima' dakayte ka teyyatte matte oorsado ka tooyte ka juppootaaytippa oore. Oton a impasni a kinnini xoori, akka kera' mina'en a isi qara a upnin mali ke qara de'a, umma saateta a xaame oppa akkiman de'o a upnaatto.