Kelaatiya 3:8 - Mataafa Qulqulloota

⁸ Waaqa akkima amanteetan orra a Yihutaata in koddinini hanqeellaya' kodo, mataafa qulqulloota turanneew akke ka turanneew Aprihaami otootase a fayya' torre ka kide, “Lekna piisa ke qudanneew saka akkada.”

Kelaatiya 3:8 ပူးပေါင်းရင်းမြစ်များ

Mataafa Uumata 12:3

Orra ke' saknooti in saka; ka a ke jiijno jiija; ke malla orra piita qara co piisa ka saka akkada.”

Mataafa Uumata 18:18

Sanynyeeta Aprihaami akata koopta ka lekaatta. Isha minanne, samayta piita piisa ka saka akkaada.

Mataafa Uumata 22:18

Qoota' waan ke' kiina' dakayte malla, orra piita qara co piisa sanynyeetaayti minan sakama.’”

Mataafa Uumata 26:4

Sanynyeetaayti akka hiikka moonta mina'en leksha ka piisse are kitto piisa ishootta' daasha. Samayta a piita qara co piisa ka sanynyeetaayti minan saka akkada.

Mataafa Uumata 28:14

Sanynyeetaayti akka hinkaajjeta daka kela' mina'en leksha, ishootta ka piita piisa qara piran. Orra piita qara co piisa ka ke ka sanynyeetaayti minan saka akkada.

Mataafa Uumata 49:10

Haka piddampayta a samayta piita piisa isha'ew ajajama' deeno kara'e, nuqusuma harka Yihuta oppa'ew tawa, uleeta a siltaana (a nuqusuma) umma nama a harkaadi oppa poqqisho in caado.

Mataafa Masmuureta 72:7

Hanqeelluma ka sapanaadippaayye pooran; haka leya pirammo kara'e, nakayta ka koopa.

Xuuma Issayyaasi 6:13

Kadi punu piisse oppaayye nama kudani oppa takka' peela hasaayye, piita ikki'i lulle hasa tupaaw caatta; ma xoori, akkima oto qoyra hilteeta taaki a leya' muraneeyye kurpana a fujuqno hasno mina'e, xottoosen qulqullaawe' nefo asseew kurpana a fujuqno koddan ka piisse oppa' hasan.”

Xuuma Issayyaasi 65:9

Anti hellaan Yayqoopi' daasha ka Yihuta'e a irrowwaayyo lehada' daasha; an reexade ka piita lehadan, orxayaayyo ka eeyye kara' kallaadan.

Xuuma Ermiyaasi 4:2

kadi dukaata ka hanqeeta, isho taantetan xaxannitta ka kiinitta ‘Maxxa Waaqatinnin xaxanniiyyi!’ Samayta piita ishinni eeppisama ka isha jeejjaada.”

Yohaannisi 19:37

Mataafa qulqulloota kara pora pila oppaayye ikiiniwwi, “Isase a dotene akkan.”

Yohaannisi 7:38

Nama ana amanno, akka mataafa qulqulloota kiino mina'e, ‘Paada pisha caatta'e isha karaayye paadaay.’”

Yohaannisi 7:42

Kiristoosi akka sanynyeeta Taawwiti oppa delado ka Peetelehemi katama sene a Taawwiti oppaayye de'o, mataafa qulqulloota qara intaafamme?”

Roomi 9:17

Seminanne qoota nuqusa Kipsiti desa mataafa qulqulloota oppa'e qaaleta a kiinitto, “Ken hupniyyo akkissa'e ka maxxiyyo akka piita piisa qara upnaysamo' koda mallan ke nuqusumshe;” taafame.

Roomi 9:30

Semmalla oori maanan kiina? Orrase Yihutaata in koddinin a hanqeellumaan in kallaannini hanqeelluma teye; hanqeellumoosen nefo, hanqeellumasene amanteetan teyanna.

Kelaatiya 3:16

Waaqa akkimoose' mina'ew Aprihaami isho sanynyeetaadi' kippeeta daashe. Mataafa qulqulloota Aprihaami kammaayye nama a ishi' kippeese' daasamte orra lekayta koonin co ka “Sanynyewwaatti” kiini in co ma nama takka'e kooni ka kiini “Sanynyeetaayti.” Isha' nefo kan, Kiristoosi.

Kelaatiya 3:22

Ma xoori kippeetase Yesuusi Kiristoosi amaneetan teyannitto akka orra amanno' daasamto'e, akka mataafa qulqulloota' kiino mina'e piita piisa juppootan hidame.

Kelaatiya 4:30

Ma xoori, Mataafa Qulqulloota maana kiini? Mataafa Qulqulloota ikiini, “Inna shetteeta xaayte, inna a shetteeta in koddinin xaayte olli qoota in lehannin malla, shetteese innaadi ollin alle' daane!”

ipro 4:2

Akkima ishootta otootase a fayya dakayen mina'e, ino nefo in dakayneew. Ma xoori ishootta qaaletase a dakayen qoota amanteetan in teyyannin malla ishootta qara we in nakanne.

Keleshaata 11:15

Erkampattootase a tappatta ka turumpaadi dawte. Moonteeyye nessada kukutta ka kiini, “Mankisteeta piita a Waaqa Poqallaanno isho a Kiristoosi koddite, isha ka paraparaayye haka paraparti nuqusuma.” ka dakaaden.