Kelaatiya 3:1 - Mataafa Qulqulloota

¹ Ishina eeppaayye orra Kelaatiyaatiiyyi, ayno tipan ishin lulshe? Yesuusi Kiristoosi, a masqala qara' fannisame ishin tura'e akkaade;

Kelaatiya 3:1 ပူးပေါင်းရင်းမြစ်များ

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Maatiyoosi 7:26

Nama qaalese xayyo dakayo ka ishin kallaanni in kinnin xoori, eepa nama a tahaytoppa tika qupade paha.

Luqaasi 24:25

Yesuusi ka ishootta kide, “Ishina a matte paata qapnaani in kinnini, karittaayshin ka wa xuumampaya haasawadene piisa amana kapa sekaade!

Kodampaya 16:6

Pawloosi isho Sillaasi akka piita Issiya kara qaalese in torrinini'i, qoota Hapura Qulqulloota ishootta dawre malla, piita Firkiya isho Kelaatiya oppanne tarpen.

Kodampaya 6:7

Qaaleta Waaqa qoota asse paldaattaan ante malla, lekuma a orra amanno ka Yursaalami kara akata koopaan aanen. Qeesewwa kuli oppaayye a akata leka ka amanen.

Roomi 10:16

Ma xoori, akkima Issayyaasi' haasawade ka kide, “Poqallaay, ayno qaaleta an haasawanne teyyade?” Mina'e, piisa otootose a fayya in teyyanne.

Roomi 2:8

Ma xoori, a tookta mattaayshoti'iw faana ka dukaata ajajammi in kinnini ka tiyya ajajamma ka orra qara' xaana qara'e, aara Waaqa isho erkannaata qita.

Roomi 6:17

Ishina turanne a karpishshadda juppoota, amma xoori, kollissoose atteyyattene'e qoota karittayshin piisan ajajamten malla, kalata a Waaqa kayo.

Qorontoosi a paayyota 11:26

Oto' laaqqotose dammittan ka tiwwoose ikkinittan piisaayye, haka Poqalla deeno kara'e, tootaadi' torritan.

Qorontoosi a paayyota 2:2

An ishin olli cooyye, Yesuusi Kiristoosi maliiyyi ka xawwi' desa masqala qara' fannisama ka tootaadi maliiyyi, akkan we takkan nefo an upnaannini'i in piisadeey.

Qorontoosi a lammatta 10:5

Shiishsha isho isipeepa a Waaqa upnaatta tura' kehayta koddina ka xaana'en qitinninna ka dikatta a nama piisa poojninna ka akka Kiristoosi' ajajamo' kooninna.

Qorontoosi a lammatta 11:3

Akkima maaka Hewaani sassapade mina'e, takka punu dikattaayshina nyapala, akka amanumase' xaayshin paxaara ka qaja in qapnin a Kiristoosi' qaptan alle' diissanen kiini ka fuurri.

Kelaatiya 1:2

ka hellaanno a kiristaana ana olli ca piisa kapaayye, tika a kiristaana a Kelaatiyaati erkame.

Kelaatiya 1:6

Sede a Waaqase daassata Kiristoosin ishin halaade kapa jarjartan xawwi' oorten ka otoota pila opa tiitaawten ana qawwanni.

Kelaatiya 2:14

Eten akka kodaaysho dukaatase a otoota fayya olli anni in kinnin akkeeyye, orra piisa tura'en Peetiroosi' kide, “Atti a Yihutitta, ma taanteta Yihutaatatin a kallaanni a' kitto, a orra Yihutaata in koddininiitinni kallaanni ka kuli orra a Yihutaata in koddinin akka taanteta Yihutaatatin kallaado'e, maana'e kitteessini?”

Kelaatiya 3:3

Ishina hapura Waaqatinni' paayyiten ka amma hupnaayshinan dikkissa faanittan! Into hakaseti'i a eeppa?

Kelaatiya 4:9

Ammaa xoori i'Waaqa upnaatten ka laadi Waaqa ka ishin upnaade. Ka kuli atta taantewwosen a piita nunukkulla ka we nakannin kinnini opa tiitaawten ka atta amma lammatta ishootta kela' karpishshadda koddeeta heentan?

Kelaatiya 5:11

Hellaanno a kiristaanatiiyyi! anti haka ammati'i, kadin torrina ka kiina, “Dina'e dawra qara muratta parpaaccisniiyyi.” maana'en haka ammati pora daanammi? Kadin sede qara'e kiiteeyye, helani masqala Kiristoosi orra tura kehaytan koddo.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Efesooni 4:14

Arepa desa oorii, xayxayta isho puppeeta a pakateeta qara a kollissa sassapa a ilattuma isho a pappahanassa namatin kodame ka akka kamma dapane'e orra koononne a nyoqqawwa' mina'e a arepa ka arepa daysamma an koddino.

Efesooni 5:15

Semmalla akka orra ookuma qapo diisheey akka orra ookuma in qapnin mina'e akka a' kallaannini'i, akka kallaannittan qanqannissa isi tooytaada.

Mataafa oppa' Ooreta 32:6

Ishina a qalpeeta in qapnini eeppa a samaytatiiyyi, saantosetinni Yaahiwwe oorissane? Isha aappaayshin ka uumampaytaayshinanne? Isha ishin in koone ka ishin in kokkonnanne?

Teseloonqe a lammatta 1:8

Isha hapulpula apittatinni moonte xata akkaada ka orra a Waaqa in upnin ka otootase a fayya a poqallaanno a Yesuusi' ajajammi in kinnini qatta'a.

Timotoosi a paayyota 6:4

isha, nama a ispeepaan kofkofe ka we' takkan' nefo in upnin. Ma xoori, xajeelta neeqa, a qoota qaalewwaati desa oli shiisheeta ka oli peeqa'e isha qapade; sede kammaayyeew wa deena yoota ka peeqqa ka otitta ka oli sooteeta a neeqa

ipro 11:8

Aprihaami, akka sooko ka piitase a lehanda teyyado oppopa aano'e ete halaameeyye, ayshopa akkima anno kadi punu in upniniiyyi, amanteetanne anta' ajajame.

ipro 5:9

Ka ete a qaja in qapnin kodde kammaayye, orra ishi ajajammo piisa'e, wa a minan dina parapara akkadane ishootta kodde.

Petroosi a paayyota 1:22

Akka orra amanno jaalala dukaata' qapnaattane'e, dukaata ajajamaanne napseetaayshin iqulqullassen; semmalla karitta piisanne a kuttati ol jaalada.

Petroosi a paayyota 4:17

Eta a oppa firteeta paayyatto, idehaatte. Firteese nefo, orra Waaqa qara paayyita ka kuli oto firteeta ino qara paayyinittooyye, orra otoota a fayya a Waaqati ajajammi in kinnin piraampiraaysho maana kodda?

Petiroosi a lammatta 2:18

Ka a orra kamma dapaytan kallaanno kela qahe ka a de'eneeyye shakkayta nefo in jarriniti afa isi peepa a paata pattatin haasawanni, ka xajeelta sharmuutuma isho a sootattaatinni ishootta warahasanni ka ishootta sassapanni.

Keleshaata 18:3

Taadetase xaadi a wayneeta a sharmuutumaadi orra maashshannitto lekna piisa ikisse, nuqussa piita ka isheetta olli sharmuutumen. Nakkaatewwa piita ka kallaataadi a akata ettante qaran xaate'e teyantoodene.”

Keleshaata 2:20

Ma xoori waan ke qara' puyanna takkanen qapa. Sede nefo Elsaapeeli iskatteetase ‘An xuumampayteeta’ issi kiinitto, ittuffatte ka kela duupatte isheetta akka orxayaayyo sharmuutuman ka damta killana kalisoota kalte damane ishootta kollisse ka akka kamma dpane' koote;

Mataafa Saamu'eeli a paayyota 13:13

Saamu'eeli ka Saa'ooli kide, “Eepuma koote umma ajaja a Poqalla Waaqaayti ke ajaje a tooytaanne; katin ittooytaatte kiiteeyye, helani isha Isira'eeli qara'e mankisteetaayti haka paraparati qaatinni heene.