Kelaatiya 2:9 - Mataafa Qulqulloota

⁹ Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.

Kelaatiya 2:9 ပူးပေါင်းရင်းမြစ်များ

Mataafa a Nuqussa a lammatta 10:15

Iyyu ete eeppa xa'e ka annooyye, Iyyonataapi inna Rekaapi a isha turopa deeno mina kaye ka isha qara nakayta kaassade ka kide, “Anti wa atti koonitta piisa in teyyanniiy, hela atti asseewwe waan anti koona piisa teyyanni?” Iyyonataapi ka isha kide, “Aa in teyyanni.” Iyyu ka ishi kide, “Harka olli qeennanka!” Ikka harka olli qeeden. Iyyu ka oori sarkeella qaropa isha fayyishe ka iskapa kutiishe.

Maatiyoosi 16:18

Anti nefo in ke kiini, atti a Peetiroosi! Anti shilose qara'en maapariyyo a amanteeta qaatisha, umma hupna neequmta nefo maaparose puta in ettansho.

Luqaasi 22:8

Yesuusi ka Peetiroosi isho Yohaannisi erke ka ishootta kide, “Akkan eetotose a qaran tarpeeta dammo'e aana ka ino' harmisha.”

Yohaannisi 1:42

Se kammaayye intiriyaasi ka Simoonin Yesuusi kapopa de'e. Yesuusi ka Simooni tooyyade ka quda ilda kode ka ishi kide, “Atti a Simooni a inna Yoona ma, arepa desa ‘Kefa’' kidamta.” (Kefa kideese nefo, Peetiroosi taaki shila kideeta.

Kodampaya 12:17

Isha xoori akka jaw kidane'e harkan ishootta akkishe ka Poqalla atta akka tika hida kela isha sookshe ishootta torre ka ishootta kide, “Wossin Yayqoopi isho orra a amanno a ata hase' lela.” Ka ishootta kapa pora pila opa aane.

Kodampaya 15:13

Ete ishootta haasawaden ka dikkishen kammaayye, Yayqoopi ka oorshe ka kide, “Hellaanno a kiristaanati! intoonno ana dakkaysadaay!

Kodampaya 15:7

Ete a kuttati oli shiishen kammaayye, Peetiroosi ka xa'e ka ishootta kide, “Hellaanno a kiristaanati, orra a Yihutaata in koddini akka ana qudan qaalese a otoota fayya dakayo ka amano'e se turanne Waaqa akkima ishin oppa ana ree'ade i'uptan.

Kodampaya 4:36

Lawitta takka Yoosefi kidammo, qobbiroosi delade ka ca. Erkamampaya ka isha haleeni ka kiini, “Parnapaasi” Se kideese nefo, “Inna a xasan oorsadene” Kideeta.

Roomi 1:5

Qoota maxxa Kiristoosi desa orra a Yihutaata in koddinin piisa akka amano ka ishi ajajamo koda'e, isha minannen daassata a erkamampayaadi koddeetoppan ino kayto teyyanne.

Roomi 12:3

Semaliiyyiiw ishina takka takkaayye akka amanteetase a Waaqa ishina' daashe kitto mina'e, naalumaan dikada diisheey, qoota mattaayshinati desa a ishina' parpaaccisnitto qaropa isi peepaanne an dikadanen kiini ka daassata Waaqa a ana' daasamten ishina' lelli.

Roomi 15:15

We takka takkanen ishina' matte oorissa fade ka daassata a Waaqa ana' daashenne, erkanoosen maxanyumaan ishina' taafe.

Qorontoosi a paayyota 15:10

Amma xoori waan kodde daassata Waaqatinnin kodde. Umma daassase ana' daasamte dalta mali in hasne; laadi a taakkane qaran qapto'en yaale; ma xoori a sede koote daassatase a Waaqa' ana olli kitto diisheey, anan.

Qorontoosi a lammatta 11:5

Ma xoori anti an erkamampayoosen kukutta' kela we takkan' nefon qaje ana' in pahato.

Qorontoosi a lammatta 12:11

Akka eepa' mina'en haasawade, ishina ka akkan asse haasawado ana kooten. A ana kalataysada allu ishina; anti katin punu we kapa an dikammi an kinniniiyyi, sene erkamampaya kukutta kidamma kela we takkan nefon an qajni an co.

Qorontoosi a lammatta 8:4

Ka qaarqaarsa a kiristaana piita Yihuta kara co' pohammo oppaayye akka orra a daanno oppa an hasnini'i a kuttati ino naappaden.

Kelaatiya 1:16

Akkan qoota innaaditi desa otootase a fayya orra a Yihutaata in koddinini' torro'e, ete Waaqa ana qudan innaadi akkissa heennaadeeyye, anti nama takka nefo olli an oorsanne.

Kelaatiya 1:18

Kammadesaaw para sessa kammaayye Peetiroosise keefa Kidammo akka'en Yursaalamipa aane ka eeyye isha kapa'e kuyyaata kudanka ken pire.

Kelaatiya 2:1

Para kudan ka afur kammaayye Yursaalamipan tiitaawe. Ka sitiiyyi Parnaapaasi ollin anne. Ka Tiito kuli isiquda' qeedeew ka ollin anne.

Kelaatiya 2:2

Ka akka Waaqa keleshaatan ana akkishe qara eeyyepa aane. Waan turan kode ka amma nefo koona akka patta'en hasnini'i, otootase a fayya an orra a Yihutaata in koddinini' torre'en, xawwaati saarra kukuttaati upnayshe.

Kelaatiya 6:3

Nama takka oton a wa ishin orra qara jaalla a in qapnin mali dikanni ka kiini, “Anti orra qara in qapaayye,” isi sassapanni.

Efesooni 2:20

Ishina kiritta a erkamampaya isho a xuumampaya qara'e qupamten; dakase kiritta qeppeelitta' kodde nefo Yesuusi Kiristoosi.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Qolaasiisi 1:29

Waaqa qoota hupnaadi a kuttan ana kara koda koono malla, akkan hupnoosetin kodoose' dikkisho'en sooni ka yaalli.

Yohaannisi a paayyota 1:3

Akka ino olli takkumta qapnaattane'e, wa an akkine ka dakayne'en ishina' lellinna. Takkumtinno nefo Waaqa Aappa isho innaadi Yesuusi Kiristoosi olli.

Keleshaata 3:12

Nama puto, anti tikase a qulqulloota a Waaqiyyo kela'en tuuda isha koda, umma pakkanna kelaayye in sooko. Anka maxxa Waaqiyyo isho maxxa katama Waaqiyyo isha qara' taafa. Katamoosen nefo, Yursaalami haraya, isase moonte xata Waaqiyyo kapa lekkannitto. Anka maxxase xayyo haaraya isha qara' taafa.