Kelaatiya 2:2 - Mataafa Qulqulloota

² Ka akka Waaqa keleshaatan ana akkishe qara eeyyepa aane. Waan turan kode ka amma nefo koona akka patta'en hasnini'i, otootase a fayya an orra a Yihutaata in koddinini' torre'en, xawwaati saarra kukuttaati upnayshe.

Kelaatiya 2:2 ပူးပေါင်းရင်းမြစ်များ

Mataafa Dehaamta 10:1

Xaaja oto shittoota kara' le'ooyye akkima shittoota xaccinno mina'e, eepuma shakkaya asseew ookuma ka ulfeena nama' shakkinni.

Maatiyoosi 10:16

Kammadesa Yesuusi ikide, “Tin anti akka kaharra mina'en yoytoppopa ishin erkaay, ishina akka karra mina'e ilattaya kodda ka akka eleela mina'e naalaya kodda.

Kodampaya 15:12

Sitiiyyi xorase ka jaw kide, ka a Parnapaasi isho Pawloosi kodaddaasene orra qawwanna isho daxxowwa sene a Waaqa ishootta qudan orra a Yihutaata in koddini oppa kode a torinaaneyye dakkaysaden ka oppa qawwaawen.

Kodampaya 15:2

Qootoseti desa, Pawloosi isho Parnapaasi ka orrose oli shiishen ka oli qara nyaanynyen. Sekkammaayye, Pawloosi isho Parnapaasi akka hellaasso a kiristaana lamaya a Ansookkiya kara ca ollin Yursaalamipa aanan ka rakkoose erkamampaya isho qimoota dehayyshane opan ka piisaden.

Kodampaya 15:4

Ete Yursaalami kayeneeyye, tika kiristaana ka erkamampaya isho qimoota ka ishootta teyyatte. Isaasene erkame ka akka Waaqa ishootta olli caade ka wa kode piisa ishootta torren.

Kodampaya 18:9

Poqalla ka halkeetteeyye keleshaatoppan Pawloosi' haasawade ka kide, “An fuuran haasawado; umma jaw in kidan.

Kodampaya 23:11

Parraytaadi halkeetteeyye, Poqalla ka Pawloosi kapa qa'ade ka ishi kide, “Japaado, akkima Yursaalami kara ana maakkumte mina'e, asseew Roomi kara ana maakkuma ke parpaaccisniiy.”

Kodampaya 5:34

Ma xoori Feresitta takka Kemaaliyaali kidammo firtishoonkotoppa takka kodde ka kollissampayta seera' kodde ka samaytoppa ulfeessame qa'ade ka akka eta shakkaya erkamampaya qinda' desa kiishane' ajaje.

Roomi 9:16

Semmalla reexatta a Waaqa, diissata a Waaqatinni teyanni diisheey, heena nama isho koda namatin opa teyni in caan.

Qorontoosi a paayyota 1:23

Ino' xoori, akka Kiristoosi ino malla fannisamen kollinninna. Sede kan Yihutaata' kehayta ka orra Kirikkiti eepuma.

Qorontoosi a paayyota 2:2

An ishin olli cooyye, Yesuusi Kiristoosi maliiyyi ka xawwi' desa masqala qara' fannisama ka tootaadi maliiyyi, akkan we takkan nefo an upnaannini'i in piisadeey.

Qorontoosi a paayyota 9:24

Nyara keeritta oppaayye, akka orra piisa hirro, ishoottoppa takka' patta ka loqsha qeenno a uptane? Semmalla ishina kuli loqsha akkatta' hira.

Qorontoosi a paayyota 9:26

Anti' xoori akka nama keerittan pora oppa kayo in qapnin mina' patta an keeri an co. Umma akka nama xottooman paata patta tottoommo mina'e, an tottoommi an co.

Qorontoosi a lammatta 12:1

Kadi punu jeejjatta kela tookta in kinnini oton jeejjatta parpaaccisniiyyi, akkeeta isho keleshaata a Poqalla ana' daashen jeejjada;

Kelaatiya 1:12

Otoose a fayya Yesuusi Kiristoosi ana' akkishe diisheey, nama takka nefo qara an teyyanne; umma nama takka nefo anan kollinne.

Kelaatiya 1:16

Akkan qoota innaaditi desa otootase a fayya orra a Yihutaata in koddinini' torro'e, ete Waaqa ana qudan innaadi akkissa heennaadeeyye, anti nama takka nefo olli an oorsanne.

Kelaatiya 1:6

Sede a Waaqase daassata Kiristoosin ishin halaade kapa jarjartan xawwi' oorten ka otoota pila opa tiitaawten ana qawwanni.

Kelaatiya 2:6

Sene saarra pappaha ka akkaanna' xoori Waaqa qoota fuula nama tooyni in kinnin ka qatayma kooni in kinnin malla, aynumaaysho ana we'en; sene saarra kidame otootase a fayya an anti' torrino qara'e we takkan nefo in padaawne.

Kelaatiya 2:9

Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.

Kelaatiya 5:7

Turan keeritta fayya qara kittaneey ka kuli akka dukaata'e a ajajammini'i, ayno ishin dawre?

Filippisiyuusi 2:16

sede nefo oto' qaaletase a caatta kokkonnaysannittan ka qapannittaneeyye asse koddita. Seden oori keerittiiyyo ka kodiyyo qoota patta'en hasnin malla, awta Kiristoosi' oorrooyye, waan jeejjaada'en qapnaada kideeta.

Filippisiyuusi 2:29

Semmalla akka nama poqalla amanno mina'e, xasa kuttan isha teyyada ka orra isha pappaho piisa ulfeessa.

Teseloonqe a paayyota 3:5

Seminan qootan kulipaata duupattaan asatta malaalle malla, qoota amanteetaayshinati desa upnaattan fade ka Timootoosi ishina' erke, waan malla isha erke' nefo in fuure ka kide, “Hela takkapunu ekkaysattampaytase'e saanta Pilaatin ishootta ekkaysada koddita, yaalinno ka patta' hasa?”

Timotoosi a lammatta 4:7

Orannasene' paxaara in torpe; nyeraayyo a keeritta haka piraampirati in keere ka amanteetiyyo tooyte.

ipro 12:1

Qootan maakkiyyoosen a urratta' mina ino kapa tiitayshe piisa qapno malla, ino wa haadeta ino qara' kodde piisa ka juppoota ino quda' jaqqalte alle iskapa sekanna ka nyeroosen a keeritta ino turaayye ca duupattaan japaattaan keerra.