Kelaatiya 2:11 - Mataafa Qulqulloota

¹¹ Peetiroosi, ete Ansookkiyaapa de'eyye, kamma dapeetaadi qoota fayya akkaate malla, ildaappadesan dapoose' qara isha fuke.

Kelaatiya 2:11 ပူးပေါင်းရင်းမြစ်များ

Xuuma Ermiyaasi 1:17

Semmalla atti harmisado ka qa'ado ka waan ke ajajna' piisa ishootta' lele, diisheey tura in fuuran! A taakati akka fuulaaysho tura fuurto'en ke kodaawweey.

Xuuma Yoonaasi 1:3

Yoonaasi' xoori ete sede dakayeeyye, Waaqa turaayye piita Terseesi opa pata' xa'e. Yonaasi ka katamasene Iyyoobbe kidamma oppa orra markapa kara anta'e kaaja daasanno opa aane ka kira daassade ka terseesipa anta'e markapoppopa fayyade ka anta' xa'e.

Xuuma Yoonaasi 4:9

Waaqa ka ishi' kide'e, “Hela dahantose' toote malla' miirootta ike parpaaccisni?” Yonaasi ka kide, “Aa, haka tootati' miirootta i'ana parpaacciisni.”

Mataafa Dikoota 20:12

Yaahiwwe xoori iMuuse isho Arooni kide, “Qoota fuula samayta Isira'eeli tura'e qulqullumaayyo ulfeessa'e ana a amannin malla, piisse an ishootta daanno oppopa xora samayseti kalissa a ettanissan.”

Maatiyoosi 16:23

Yesuusi xoori alle tiitaawe ka Peetiroosi kide, “Atti seetano, ana kamma oore! Dikattose xaayti dikatta nama diisheey, a Waaqa'en; akka ana tura kehayta kodditeey.”

Yohaannisi 1:42

Se kammaayye intiriyaasi ka Simoonin Yesuusi kapopa de'e. Yesuusi ka Simooni tooyyade ka quda ilda kode ka ishi kide, “Atti a Simooni a inna Yoona ma, arepa desa ‘Kefa’' kidamta.” (Kefa kideese nefo, Peetiroosi taaki shila kideeta.

Kodampaya 11:19

Ete Istifaanosi dakkame ka to'eyye, pora daanama a xa'e minanne, orrase amanno ka pase haka Finqe ka Qobbiroosi isho a Ansookkiyaati'i aane. Umma qaaletase orra pilaati torrini in caan ma, a Yihutaata patta'e torrini.

Kodampaya 11:20

a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren.

Kodampaya 11:22

Tikase a kiristaana Yursaalami kara kitto qoota sede dakayte malla, Parnapaasi Ansookkiyaapa erkite.

Kodampaya 11:27

Sitiiyyi xuumampaya demo ka Yursaalami xata Ansookkiyaapa aanen.

Kodampaya 15:1

Orra demo ka Yihutaayye dela Ansookkiyaapa aane ka orra amanno kollissa paayye ka kiini, “Seerase Muuse daasame qara'e haka dawra qara murattan maliiyyi dina a ettanissan.”

Kodampaya 15:5

Ma xoori, orra Feresata oppa amane takka takka xa'e ka kide, “Orra a Yihutaata in koddinin akka dawra qara murado ka seera Muuse tooytaado koda parpaaccisni.”

Qorontoosi a lammatta 11:5

Ma xoori anti an erkamampayoosen kukutta' kela we takkan' nefon qaje ana' in pahato.

Qorontoosi a lammatta 12:11

Akka eepa' mina'en haasawade, ishina ka akkan asse haasawado ana kooten. A ana kalataysada allu ishina; anti katin punu we kapa an dikammi an kinniniiyyi, sene erkamampaya kukutta kidamma kela we takkan nefon an qajni an co.

Qorontoosi a lammatta 5:16

Arepadesa ino nama takka nefo qinda piita qara an tooyni an kinno, kadin punu turan Kiristoosi akka orra isha tooyno mina qinda piita' qara' tooyne nefooyye, arepa desa oori asse an koono.

Kelaatiya 1:18

Kammadesaaw para sessa kammaayye Peetiroosise keefa Kidammo akka'en Yursaalamipa aane ka eeyye isha kapa'e kuyyaata kudanka ken pire.

Kelaatiya 2:14

Eten akka kodaaysho dukaatase a otoota fayya olli anni in kinnin akkeeyye, orra piisa tura'en Peetiroosi' kide, “Atti a Yihutitta, ma taanteta Yihutaatatin a kallaanni a' kitto, a orra Yihutaata in koddininiitinni kallaanni ka kuli orra a Yihutaata in koddinin akka taanteta Yihutaatatin kallaado'e, maana'e kitteessini?”

Kelaatiya 2:5

Ino' xoori, akka dukaatase a otoota fayya ishin kara kinnaatto'e, shakkayteeta nefo'e an ishootta'en putamme.

Kelaatiya 2:7

Laaddi, akka Peetiroosi otootase a fayya Yihutaata' torro'e, akka atara ishi' daasamen mina'e, akkan otootase fayya orra Yihutaata in koddinini' torro'e akka atara ana' daasamen upnaaden.

Kelaatiya 2:9

Saarrasene tuudda pappaha ka akkaanna, Yayqoopi ka Peetiroosi isho Yohaannisi, akka Waaqa daassataadin a koda a xawwi' desa ana' daashe ete upnaadeneeyye, akka ana isho Parnaapaasi olli takkumta qapan akkissa'e, harka inooyye qeeden ka akkan ino orra a Yihutaata in koddinin oppopa anno, ishootta ka Yihutaatoppopa aanane'e, owsaden.

Timotoosi a paayyota 5:20

Orra ata hase akka fuuro'e, a juppoota koona orra piisa tura'e fuke.

Yayqoopi 3:2

Ino' piisantiiyyin a lekatin ishin dapninna; nama haasaadippa ishin dapni in kinnin, isha nama qajan qapnin a dakintaadi tooytaatta ettaninno.

Yihuta 1:3

Moottadaayye! Se turanne qoota dinase an oltura qapnooti desa ishina' taafeeta a kuttati in fade, amma xoori amanteetase a Waaqa samaytaadi takkan daashe ikka oppa' oora in qapnini desa akka a kuttati soottane'e dehaamose ishina' taafeeta'e irreeta ana qara ca.