Kelaatiya 1:7 - Mataafa Qulqulloota

⁷ Waan malla asse kide' nefo orra ishin tura ollin patinno ka otootase a fayya a Kiristoosi qindandesa quu'ino demo ca diisheey, otoota a fayya kelaayye takkaaw.

Kelaatiya 1:7 ပူးပေါင်းရင်းမြစ်များ

Xuuma Ermiyaasi 23:26

xuumampayoosen xuuma darta haasawanna ka karittaaysho kareela xuuma sassapa haasawanna, daradaasso haka aytamiti'i karittaaysho kara tawan?

Xuuma Ermiyaasi 23:36

ma xoori arepadesa ‘haadeta Waaqa’ a kiitan ka a haasawattan; maana malla nama afaadi isha qara haadeta koddiniy, ishinakka afa a caattampaytase a Yaahiwwe a Yaahiwwese we piisa ettaninnooti qindandesa quu'inittaneey.

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Kodampaya 13:10

“Atti inna taaploosi paarakaala a dukaata piisa! A sassapa isho neequmtan immakaade, saantase a Poqalla jib kiite torkookkassa kamma a'oorto?

Kodampaya 15:24

Ino oppaayye orra takka takka an ino ishootta an ajajnin mali, akka ishin oppopa de'en ka qaaleta ishina lelenenne, ishin payyahashen ka akka kamma daptane koden in dakayne.

Kodampaya 20:30

Laadii orra takka takka ishin oppa xa'a ka kollissa a quumade kollissan orra amanno lekayta issipa tita.

Qorontoosi a lammatta 11:13

Orroose asse paho, erkamampaya darta ka kodampaya a orra sassapanna, a erkamampaya Kiristoosi pahanaatta isi purinna.

Qorontoosi a lammatta 2:17

Ino akkima isaasene leka qaaleta Waaqa akka meeha nakata' mina caraccarra' minan ma xoori Kiristoosinnin orra taanteta a Waaqa kapa erkame koddine ka fuula Waaqa' tura' haasawanninna.

Qorontoosi a lammatta 4:2

Waasene' juutame ka orra jeerinna alle'en diinne. Umma sassapaan an kooni an kinno ka qaaleta Waaqa qindandesa an quu'ini an kinno. Sekapaayye dukaatan laka' sookinninna ka haasawanninna ka akka orra piisa qootinno desa dikatta paxaara qapnaado'e, fuula Waaqa' tura isi akkaatinninna.

Kelaatiya 1:6

Sede a Waaqase daassata Kiristoosin ishin halaade kapa jarjartan xawwi' oorten ka otoota pila opa tiitaawten ana qawwanni.

Kelaatiya 2:4

Ma xoori, hellaanno a kiristaana a darampaya kodde ka dekandekatti ino karopa kulle takka takka, akka dawra qara murado fade. Ishootta, wa malla lettissa ino karopa kullene akka natan sookase an Yesuusi Kiristoosin akkanne alle ino qara katan ka karpishshuma kelopa ino oorshan qoota dikaden malla.

Kelaatiya 4:17

Orrose, issipa ishin oorsatta'e, ishin yaatanni. A koddito ma a paxaara' malla yaatanni in caan. Ishootta wa faanaane akka ishina ino kapa xawwi' oortan ka qootaayshoti desa yaatattaan japaattan malla.

Kelaatiya 5:10

Ma xoori semmaliiyyi ishina akka dikatta pila a' qapnaannin poqallaan kippanni. Nama a ishin tura ollin patinno piisa qitaatetaadi akkada.

Kelaatiya 5:12

Semmalla, sene ishin tura ollin patinna, oton iheenaneeyye dawra qara muratta patta a in koddinin maliiyyi, kadi alle' kunaya isi koonaan in heena.

Kelaatiya 6:17

Anti milikkita Kiristoosin dakintiyyo quda qapaay, arepa desa nama takka nefo anan payyahinnin.

Timotoosi a lammatta 2:18

Orroose, “Tootoppa xaana a orra le'eti xattaaw koddene” kiini ka shiishshaan dukaata kapa sekaaden. Ka amanteeta orra demo patinni.

Yohaannisi a paayyota 2:26

Orrase ishin sassapanno mallan sede ishina' taafe.

Yohaannisi a paayyota 4:1

Moottadaayyooyye! piita qara'e, xuumampaya darta' lekaya xa'eey, hapura piisa an amanan; sekkapaayye hapura, akka a Waaqa kodde ka in koddinin kara qora.

Yohaannisi a lammatta 1:10

Nama otoon kollissoose'e in qapnin ka ishin kapopa de'aayye xaykuma isha in teyyadan. Umma harka nefo ishi an qeedan.

Yohaannisi a lammatta 1:7

Orra akka orra kamma dapo' koono ka akka Yesuusi Kiristoosi nama kodde ka dakintan akkaade amanni in kinnini lekayta piita qara' xa'e. Nama asse paho, sassapampayta ka toorampayta Kiristoosi.

Yihuta 1:4

Akkima ishootta qara' faratamto, orra a xattaaw ishootta qara' taafamte demo lohe ka ishin karopa kulle. Ishootta orra a Waaqa waaqumsanni in kinnin ka daassatase a Waaqinno wa ishin nyalaasso koda kammaaw caadaneeti' kodanno ka Yesuusi Kiristoosi isase a isha' patta mukissampaytinno ka Poqallaanno kodde marmanno.

Keleshaata 12:9

Pofase kutta ka kumpaappe katame. Isha nefo maakaase a xatta, isase taapiloosi taaki seetana kidammo ka halaammo ka akka piita piisa kamma dapto koono. Isha piita qaropa katame. Erkampattowwaadi ka isha olliiw katamen.

Keleshaata 13:14

Waasene orra qawwanna a pakka pinantase a paayyota oppa akka kodo'e ishi faqqatamte minanne, ikka akka orra piita qara kalo kamma dapo kooni. Ka ulfeena pinantase koraatetan mataawe ka dineeti'i akka waakka kodane'e orra piita qara kalo ajaje.

Keleshaata 19:20

Ma xoori pinantase iqapamte; isheetta quda'ew xuumampaytase a darta turan fuulaadi tura wa orra qawwanna lekaya koono ka qapameew. Isha wossen orra qawwanna a koonaatin orra milikkitase a pinantaseti teyyade ka waakkasene a pinantasetiti sakatanno akka kamma dapo kooni, ishootta lakki pakateetase a'apitta daka apittatin opaynitto oppopa akka caanen katamen.

Keleshaata 2:2

kodaayti ka kokkonsattaayti isho duupattaayti in upa. Ka akkima ukkuttowwa kela duupatta a ettaninni a kinnin ka a erkamampayaayyo in koddinin mali ‘An erkamampaya Yesuusi’ issi' kiina kara qorte ka akkima darampaya kodden qara' kayte in upa.

Keleshaata 2:20

Ma xoori waan ke qara' puyanna takkanen qapa. Sede nefo Elsaapeeli iskatteetase ‘An xuumampayteeta’ issi kiinitto, ittuffatte ka kela duupatte isheetta akka orxayaayyo sharmuutuman ka damta killana kalisoota kalte damane ishootta kollisse ka akka kamma dpane' koote;

Keleshaata 2:6

Ma xoori, wa minan kalataysamta takkane ca, sede nefo, kodase a Niqolaata an anti needdanno, inneeddatte.

Keleshaata 20:3

Haka parase kuma dikkanno kara'e, pofase akka samayta kamma dapo akka in koonini'i, erkampattootase hiwwalaalla karopa isha katte ka tura dufte. Ka qara kobbeeta toommite. Sekkammaayye eta shakkaya kara furama isha parpaaccisni.