ipro 4:2 - Mataafa Qulqulloota

² Akkima ishootta otootase a fayya dakayen mina'e, ino nefo in dakayneew. Ma xoori ishootta qaaletase a dakayen qoota amanteetan in teyyannin malla ishootta qara we in nakanne.

ipro 4:2 ပူးပေါင်းရင်းမြစ်များ

Teseloonqe a paayyota 2:13

Qootaayshin mallaaw waan minan awta piisa Waaqa kalataysanninna'en qapna. Ete' qaalese a Waaqa a ino qara dakayten teyyatteneeyye qaalese ishina amane kara koda koonitto, akka qaaleta nama qara a' teyyanne ma, akka qaaleta Waaqa qara'e teyyatten. Ikkan keeto qaaleta Waaqa.

ipro 11:6

Umma amanteeta maliiyyi Waaqa xasassa opani ettaninni in caan. Nama Waaqa kapopa dehaanno, Waaqa akkima co ka orra isha faano rapno amaneeta isha faani.

ipro 3:12

Hellaanno a kiristaanatiiyyi! ishin oppaayye nama takka nefo akka karitta neeqa ka amanni in kinnin, a caattampayta Waaqa kapa nama sekanno in qapnaannini'i, tooytaada.

Timotoosi a paayyota 4:8

Kollissa a dakinta kokkonnassaatin isi kollissa shakkayta'ew we' nakanni. Waaqa fuureeta xoori, qoota caata amma isho a itturopati' kippeeta qapto malla, we' piisa'e we nessinni.

Roomi 2:25

Dawra qara muratta, oton isseera tooytite, siti ke' tookta qapnaatta; oton seera' qepinniiyyi xoori, dawra qara murattaayti, akka a dawra qara a murannin kapa'e dikammi.

Kodampaya 13:46

Pawloosi isho Parnapaasi xoori, maxanyumaanne haasawaden; ka kidene, “qaaleta Waaqa paayyota'e ishina lelama parpaaccisni, ma oto ishina kiitene, ‘An teyyanno ka akkima caatta parapara ishin parpaaccisni in kinnin isi qara' farattaneeyye’ Ino in tiitaawna ka orra a Yihutaata in koddinin oppopa anna.

Yayqoopi 1:21

Semmalla nyela isho neequmta piisa alle' pashsha. Ka qaalese a Waaqa karittaayshin kara' dishe, isase ishin dinissa ettanisso naalumaan teyyada.

ipro 4:6

Sene paayyota qara otoota fayya dakaye, qoota in ajajammin malla, porase a nessuma a Waaqa ishootta' daanno oppopa in kalle. A koddito ma akka eeyyepa kalane'e a ishootta' faqqatamte orra demo ca,

Qorontoosi a paayyota 13:3

Kadin wa an qapa piisa teekolaya' qootaayye ka dakintiyyo kuli akka apittan kupatto' daashaayye ka jaalala an qapniniiyyi, we ana qara in nakasso.

Petroosi a paayyota 1:12

Xuumampayoosen akkima ishin kela koda koonaan ka issi' kooni in kinnin, i'ishootta akkaatte; saanta a ishin ishin kela koda koden nefo, qaalese a amma Hapurase moonte lekkadenne orroose otootase a fayya ishina' torrino ishina' lele akkissaanne ishin kela koda koden. Erkampattowwa kuli ka sede kara akkeeta xajeelli.

Teseloonqe a paayyota 1:5

Ino afaa pattan otootase a fayya ishina an torrine ma, hupna ka Hapura Qulqulloota isho amanteeta immakkootannen ishina' torrini. An ishin oppa kinnooyye, ishin malla atta akkiman kallaanne i'uptan.

Kelaatiya 3:8

Waaqa akkima amanteetan orra a Yihutaata in koddinini hanqeellaya' kodo, mataafa qulqulloota turanneew akke ka turanneew Aprihaami otootase a fayya' torre ka kide, “Lekna piisa ke qudanneew saka akkada.”

Kelaatiya 4:13

Paayyota qaraayye waan minan otoose a fayya ishina' torre akka paaqiyyo minan koddite i'uptan.

Kodampaya 3:26

Semmalla Waaqa innaadi paayyota qara ishina' erke; sede nefo akka saantaayshin a neeqa qara ishin oorsho ka ishina' sako malla asse kode.”

Mataafa oppa' Ooreta 1:32

Kadi punu asse koddite nefooyye, Yaahiwwe Waaqaayshin a kippanne.

Roomi 3:3

Ka kuli Yihutaatoppaayye, oto orra demo amanama in qapniniiyyi, sede a ishootta amanama dapen, i'amanama Waaqa' hattissa?

Kelaatiya 3:2

Sede patta upnaattan faani. Hela ishina seera tooytaattaanne Hapura Qulqulloota' teyyattenem moon otootase a fayya' dakayeeta ka amaneetanne Hapura Qulqulloota' teyyatten?