ipro 2:3 - Mataafa Qulqulloota

³ Ka kuli ino, oton dinoose asse kutta puyannooyye, attan kela pahana? A paayyota qara dinose torre mattaadi Poqalla. A isha kela dakaye ka turaayye sedeew ino kokkonnayshen.

ipro 2:3 ပူးပေါင်းရင်းမြစ်များ

Xuuma Issayyaasi 12:2

Ha tin, Waaqa anan pahe; anti ishan kippada umma an fuuro; Waaqa kokkonnumaayyo ka hupniyyo kodde, Waaqa ka anan pahe.”

Xuuma Issayyaasi 20:6

Awsetiiyyi, orra a piisse pakateetase' kapandesa kitto oppa kalo ikida, ‘Orrase an kippanne ka akka nuqusa a Asoori' kela inon pahane'e qudopa oorre qara wa kaye tooya! Ka kuli ino attan pahana?’”

Xuuma Issayyaasi 51:5

Hanqeetiyyo idehaanni, dinissiyyo nefo eeyye deeni, hupniyyo ka samayta qara' farata; a piitadda pakateeta kara ca' qara kala, ana kippanni, ka hupniyyo asanni.

Xuuma Issayyaasi 51:8

Itteeta a ohaata' mina ishootta dama, punaata ka a suufa mina ishootta pira; ma xoori hanqeetiyyo haka paraparati'i kallaatta, dinissiyyo ka xeltada piisa qara kaya.”

Xuuma Issayyaasi 62:11

Tin, ha Waaqa piitadda sekaati'i salishe ka kide, “Enenta Siyyooniti' kida'e, ‘Tin, dinshampaytaayti are deeni;’ Xaayyaatti harkaadippa caan, qeraytaayti ka isha kapa ca.”

Xuuma Hisqeeli 17:15

Nuqusa Yihuta' xoori tiyya'e nuqusa Paapilooni' qara' xa'e ka akka fartada isho xela oranna a kutta isha' daashane'e, piita Kipsi opa saarraadi erkade; ma hela kuli i'olkela ishi' teyta? Hela nama wa asse paha' kodo iqitaateta kela paha? Hela nama a kodayteeta alle' poote iqitaateta kela pahani?

Xuuma Hisqeeli 17:18

Tin a olli' kalen kammaayye, ete xaxaadi puyade ka kodayteetaadi poote ka sene piisa kodeeyye, qitaateta kela in paho.”

Maatiyoosi 23:33

Ishina maakaddaay ka nyalqa puutotati, Firteetase a apitta libbini in kinnin kela atta pahatan?

Maatiyoosi 4:17

Sitiiyyi paayyatte Yesuusi ka torra paayye ka kide, “Mankisteeta a Waaqa idehaatteey, juppootayshin oppaayye oora.”

Mariqoosi 1:14

Ete Yohaannisi hidame kammaayye, Yesuusi Kelilaapa aane ka otootase a fayya a Waaqa torrini

Luqaasi 1:2

Orra erkanosen ino tarpishe nefo a paayyote paayyatte a wossen ildaan akke ka qaalese torrina.

Luqaasi 1:69

Sanynyeetase a orxaytaadi a Taawwiti oppaayye dinshampayta a hupna qapo ino xaasheey.

Luqaasi 24:19

Yesuusi ka ishootta kide, “Ata wossen maana?” Ishootta ka ishi oorshen ka kidene, “Waasene Yesuusise a Naasirati qara kodde'enne? Isha xuumampayta a fuula Waaqa ka a orra piisa tura qaaleta ka kodaan kokkooka.

Yohaannisi 15:27

Ishina'ew, qoota' paayyote paayyiten ka ana olli kinnaatten malla, immaakkummittaneew.”

Kodampaya 1:22

ka eta Yohaannisi pishaan orra jaqnooyye paayyatte, haka Yesuusi moontopa fayyade kara'e; orra ino olli co oppaayye, nama takka tootoppa xaana Poqallaatti ino olli maakkitta koddeeta parpaaccisni.”

Kodampaya 2:22

“Ishina orra Isira'eelitiiyyi, qaalese dakkaysada! Akka ishina mattaayshina uptan mina'e, aynuma a Yesuusise a Naasireti qudanne Waaqa otantaayshin oppa' kodaddaasene kukutta ka orra qawwanna isho milikkitadda a kodeetin akkishe.

Kodampaya 4:12

Semmalla dina isha mali nama pila takka nefon in co. Maana malla, maxxa an ishin dinno, a Waaqa orra' daashe kaaskeella piisa qara isha mali takka nefo in cooy.”

Roomi 11:14

Waan malla sede kide' nefo, akkan samaytase' xayyo an oppa dalade yoota' nyarsho ka seden takka punu ishootta oppaayye orra demo dinissa ettansho malla.

Roomi 2:3

Atti namo! Ke a orra asse koono qara' faranno ka aren waasene a ishootta' koonaane' koono, a' firteeta Waaqa' kela pahato ke' pahata?

Qorontoosi a paayyota 1:21

Orra piisseti akka ookumaayshotin Waaqa upnaatta in ettaninnini'i, Waaqa ookumaadinni ishootta' tura' dufe. Ma xoori, otootase a fayya an kollinninno akka eepuma' mina' dikammittonne, orra amanno dinissa'e, heenna Waaqa'e koddite.

Teseloonqe a paayyota 5:3

Oto orra, “We piisa nakayta ka ipaxaari” Kiinooyye, akkima iskatteeta yetettan qapamte mina'e, a ishootta isqara in upnin maliiyyi pateeta ishootta qara' kayta. Umma pakkanna kela in pahan.

Timotoosi a paayyota 1:15

Qaalese' kiinitto, “Yesuusi Kiristoosi juppoolaya dinissa malla piita qaropa de'e,” qaaleta dukaata, a nama piisa teyyatta isha parpaaccisnitto. Juppoolaya pisa oppaayye, a juppoota koda' jaale kan ana.

Tiito 2:11

Waaqa saanta a ishin orra piisa dinsho akkissaanne akka xoonampayta kodde upnayshe.

ipro 1:1

Waaqa sapanna xattatiiyyi porra lekayaappanne a lekati xuumampaya qudan aappadaanno' haasawade.

ipro 1:14

Ka kuli erkampattowwa piisa, hapurrasene Waaqa kela koda koona, a Waaqa akka orra a dinno kela koda kodane'e pora ishootta erkanna'enne?

ipro 1:2

Amma xoori, sapannoosen kamma oorshaatiiyyi, innasene' xaadi a lehampayta we' piisati' kodde qudanne, ino' haasawade. Piita piisa ishanneew uume;

ipro 12:25

Akka sede haasawanno dakaya a tiinnini'i istooytaada. Orrase wa Waaqa piita qaraayye nama qudan ishootta' haasawanna, dakaya tiite ete in pahaniniiyyi ka kuli ino a moonte xata ino' haasawanno, oton an dakayni an kinniniiyyi attan paha ettaninna?

ipro 4:1

Se malla porase a nessumaadi a ino' daanno oppopa kalta'e, kippeeta an teyyanne qoota amma ikkiti kitto malla, ishin oppa nama takka nefo a nessumaadi oppopa kalta'e faroota in dapnini'i piisani tooytaanna.

ipro 4:11

Se malla akka nama takka nefo ajajama diissata a orrooseti kamma in annin ka in pi'inini'i, poroose a nessuma a Waaqa oppopa kalta' japaanna.

ipro 5:9

Ka ete a qaja in qapnin kodde kammaayye, orra ishi ajajammo piisa'e, wa a minan dina parapara akkadane ishootta kodde.

ipro 9:28

Akkimoose mina'ew Kiristoosi, juppoota orra lekayta' patissa'e takkan kalisoota' kalsame. Arepa desa oori juppoota haadatta'en ma, a isha asanna dinissa'e lammatta' oora.

Yohaannisi a paayyota 1:1

Qoota qaalese a caatta' paayyota qaraayyeew kitto desa in ishina' taafninna. Qaalese a caata' nefo isase an dakayne ka ildaannon akkine ka quda tooyne ka harkaannon quda qappanne.

Yihuta 1:17

Ishina' moottadaayyooyye! Xoori qaaleta a turan erkamampayasene a Poqallaanno a Yesuusi Kiristoosi haasawaden matte oorsada.

Keleshaata 7:10

Ka nessa kuttaytan ullupni ka kiini, “Ishin pahatta, a Waaqase xanno sufaana qara' kute'eti isho a laahaseti!”