Hoose'i 7:7 - Mataafa Qulqulloota

⁷ Ha ishootta piisantiiyyi akka payqa kisa qara' qa'en mina'e kupaden ka orra ishootta mukinno alle' piren ka nuqussaasso' nefo alle' leyshen umma ishoottoppa nama qaarqaarsaayyo kaassade takka nefo in co.”

Hoose'i 7:7 ပူးပေါင်းရင်းမြစ်များ

Mataafa a Nuqussa a paayyota 15:28

A Aasa nuqusa Yihuta koddeeyye para sessattatiiyyi, Pa'isha Nataapi ishshe ka pakkaadippa nuqusume.

Mataafa a Nuqussa a paayyota 16:18

Semiri akkima katamasene qapamene akke ka kawwattase tika mankisteeta kapa kitto karopa kulle ka tikase a mankisteeta oppa apitta qape ka kara to'e.

Mataafa a Nuqussa a paayyota 16:22

Ma xoori a Omiri quda kodde'e Tipiini a innasene a Kinaati quda kode qaropa kokkonnuma jaale. Tipiini ka to'e. Omiri ka nuqusa kodde.

Mataafa a Nuqussa a lammatta 10:14

Ikka ajaje ka kide, “Ishootta ca qaqqapa!” Ikka qaqqapen ka tika sikmaya kahirra kapaayye qaawa pisha kapa'e, nama kunda afuri lakki leyshen umma nama takka nefo in hattinne.

Mataafa a Nuqussa a lammatta 10:7

Ete taptaappese ishootta qara kayteeyye, kutkuttowwasene ka hellaasene a diira a nuqusa kunda tappa qaqqapen ka leyshen ka mattaddaasso sataradda kara xaayen ka Iyyisira'elipan Iyyu kapopa erken.

Mataafa a Nuqussa a lammatta 15:10

Inna Yaapeshi Shaalumi ka isha sule ka samayta tura isha ishshe ka pakkaadippa nuqusume.

Mataafa a Nuqussa a lammatta 15:14

Minaahemi inna Kaati ka katama Tirisaati xa'e ka Samaariyaapa aane ka eyye'e, Shaalumi inna Yaapeshi ishshe ka pakkaadippa nuqusume.

Mataafa a Nuqussa a lammatta 15:25

Saarraadi a xela oranna oppa Faaquhe inna Remaaliya ka orra Kele'adi nama kunda ken isquda qeede ka isha sule ka mishshikeeta tika mankisteeta a Samaariya kara nuqusase Feqaahiya ka Arkoopi isho Haariyye olloppa leyshe ka isha pakkaadippa nuqusume.

Mataafa a Nuqussa a lammatta 15:30

A Iyyo'atami inna Oosiya Yihuta qara nuqusume para kunda lakkattatiiyyi Hoose'i inna Eella nuqusase Faaquhe qara'e sullaatan xa'e ka ishshe. Ka isha pakkaadippa nuqusume.

Mataafa a Nuqussa a lammatta 9:24

Iyyu ka paantaadi titte ka Iyyoraami tupa otantatoppa pokke. Lawase ka sataatoppan ishi sooke ikka sarakellaadi karanxataaw pi'e.

Mataafa a Nuqussa a lammatta 9:33

Iyyu ka ishootta kide, “Isheetta kamma xata kata.” Ishootta ka kamma xata katen. Diikaadi ka kawwatta isho fartada qarandesa fidame; Iyyu ka qarandesa fartada qule ikka qara diddiiten.

Mataafa Iyyoopi 36:13

A Waaqa teymina' xoori miirootta quda'e tawni. Umma oto Waaqa ishootta qattaanooyye, qaarqaarsa Waaqopa pooyni in caan.

Mataafa Masmuureta 14:4

Neequmta kodampayasene, isasene akkima dama dammaan mina orriyyo damma, ka Waaqa haleeni in kinnini, hela upna in qapane?

Xuuma Issayyaasi 43:22

Waaqa ikiini, “Ma xoori atti Yayqoopi, a ana' haleene; Isira'eeli, atti qootiyyo desa inukkullaatte.

Xuuma Issayyaasi 64:4

Xattaaw ke maliiyyi Waaqa a isha kippanna ka a isha asanna' qaarqaarro a pila, nama takka nefo apari napahatan an dakayne ka iltan an akkine.

Xuuma Issayyaasi 64:6

Ino' piisantiiyyin nyalle, kodinno a hanqeelluma kan soddinka uta; anka piisani a haashsha' mina oline, neequmtinno ka a puppeeta mina ino haate.

Xuuma Issayyaasi 64:7

Qoota fuulaayti ino tura quu'ite malla ka akkan harka ishin dapaytinno oppa pi'ino' koote malla, nama maxxaayti haleeno ka ke qapatta isi kokkonnanno takka nefo in co.

Xuuma Issayyaasi 9:13

Umma samayta Waaqase ishootta qattaano opa in tiitaawne, umma Waaqase we' piisa ettaninno in faane.

Xuuma Hisqeeli 22:30

An piitoose an patinnin turanne, anka ishootta oppaayye nama kawwatta katama akara xata qitte kara' oorsho ka qinda ishin qitte oppa ana tura' qa'ado ka akkan ishootta an patinnini'i, samayta' qaton fade; umma nama takka nefo an teyne.

Xuuma Taani'eeli 9:13

Akka seera Muuse qara' taafamte mina'e, rakkoose' piisa ka ino qara' kayte; kadi puno rakkoose piisa ino qara' kayte nefooyye dukaataayti a Waaqa Poqallaanno an dikanne ka ke kapa diissata an qinsanne.

Hoose'i 13:10

Ishina ana' qinsatten ka kiitene, ‘Nuqusa isho saarra ino' daashe.’ Ata kuli nuqusase ka saarrasene a katamaddaassina a ishinan paha amma ayshaayye caan?

Hoose'i 5:15

Haka dapaaysho a koden upnaannaan ka pora ana faanaane'e, anti eyye'en jaw kida. Ha oto rakkoota ishootta qara' kooptooyye, mikte ana fadan.”

Hoose'i 7:10

Ha samayta a Isira'eeli isi kukuttissaaysho'e ishootta qara' maakkummi, wossen kodde pisa oppaayye, ana Waaqa Waaqaaysho opa in tiitaawne, umma anan faane.

Hoose'i 7:14

Qoollaasso oppandesa pora pooyni diisheey, karittaaysho kareela anopa qinsanni in caan. Unta isho taadeta a wayneeta akkatta malla olopa deeni diisheey, i'ana' tulta katen.

Hoose'i 8:4

An anti ishootta'en lellin maliiyyi nuqusa nuqusumsaden ka a ana in kaassannin maliiyyi saarra reexaden ka pateettayshoti'i warqewwaasso isho dakaraasso a pirreeta oppaayye killowwa tumaden.

Xuuma Mikkiyaasi 2:1

Orra neequmta koda dikanno ka oto mukaneeyye neequmse oppaaw dikanno, oo ishootta kido! Wa koda dikadene' piisa ikodan ka oto paritooyye, wa dikadene' koda qara nakayshan.