Hoose'i 7:2 - Mataafa Qulqulloota

² Umma ishootta akkan anti kodoose' xaaysho neeqa piisa tooyno in upan; juppootaaysho ka ishootta kapa tiitasse, anka kodoose' xaaysho' neeqa a koonaan piisa akkini.

Hoose'i 7:2 ပူးပေါင်းရင်းမြစ်များ

Mataafa Iyyoopi 34:21

Maana malla ildaadi laabbeeta nama piisa'e akkini ka koda nama piisa' tooyniiy.

Mataafa Masmuureta 10:11

Ukkuttootase a nama ka issi' kiini, “Ha Waaqa kodiyyo in upo, ka fuulaadi qara dekade; umma pakkanna paata akkini in co.”

Mataafa Masmuureta 25:7

Juppowwaayyo an innume kode isho ishin dapaytiyyo ana qara'en dikadan; oo Waaqqo! Akka xoonaatti a koope ka akka diissataayti' mina'e, ana dikado.

Mataafa Masmuureta 50:22

Semmalla ishina ana Waaqa teymina' piisantiiyyi sede upnaada; a taakati olikelan ishin nyifaay; umma nama ishinan paho in caado.

Mataafa Masmuureta 9:16

Ha Waaqa dukaata mureetanne upnaysammi; ukkuttowwa ka wa harkaayshotin kodene oppa'ew qapammi.

Mataafa Masmuureta 90:8

Atti ishin dapaytinno istura' xaayatte ka juppootinno a dekatte fuulaayti turopa sookisse.

Xuuma Issayyaasi 1:3

Xorma aappaaysho'e upa, harreeta kuli ka taamara a aappa isheetta sikinno' upta; Isira'eeli' xoori in upto, samaytiyyo umma sede matte in qapo.”

Xuuma Issayyaasi 26:16

Oo Waaqqo, ete rakkadeneeyye, ke faden; ka ete ishootta fukkiteeyye, qinseetan kepaaw ullupen.

Xuuma Issayyaasi 44:19

A upna kara akkeeta qapnaade ka dikade ka kide, “Qoyrase' quda paka takka apittoppa'en xaayye ka poroodaadin laaqqota palaysade ka qara' so'a waatade ka dame ka kuli attan pakaadi a ata hase wa jippameeti' kodada? Ka kurpana shakkayta tura' pi'a?

Xuuma Issayyaasi 5:12

Sankultaaysho oppa, pekena ka maasinqoota ka timpa ka luuttota isho taadeta wayneeta'e ca. Ma xoori, koda a Waaqa we kapa in dikne; umma koda harkaadi' matte in qapnaanne.

Xuuma Ermiyaasi 14:10

Waaqa qoota samaytosetiti desa asse kiini, “Akata rarrataawa jaalanni; umma loqqaasso pora takka qapanni in caan; semmalla Waaqa ishootta teyyanni in co; amma oori juppootaaysho'e matte oorsada; ka kapa ishootta qatta'a.”

Xuuma Ermiyaasi 16:17

Iltiyyo wa koonaane piisa akkini; umma ana tura in dekanne; umma juppootaaysho iltiyyo tura in juutamme.

Xuuma Ermiyaasi 17:1

Waaqa ikiini, “Samayta a Yihuta juppootaaysho qudan puqqo, ka akka nama urtoota sipla a qarta qapton dakadda qaqqaaha qara paata pojno mina'e karittaaysho isho kaassa pora kalisootaayshoti qara pojamte.

Xuuma Ermiyaasi 2:19

Neequmtaayti ke qattaani, amanteeta dapnaatti ka ke peeqni, ana Waaqa Poqallaatti alle diissataayti akkima neeqi ka haddaawnitto tooye ka upnaado; ha ana fuureeta ke kara in kitto. Ana Waaqase Poqalla we piisa ettaninno asse kiiniiy.

Xuuma Ermiyaasi 32:19

wa koda qapatte ikutti; kodaayti nefo ikokkoki; ildaatti saanta nama piisa'e akkini; akka nama piisa'e, a saantaadi ka a kodaadi mina' daani.

Xuuma Ermiyaasi 4:18

Saantaayti isho kodaayti ke qara sede qeede; sede kan neequmtaayti, ka haddaawni, ka ke tupa karitta donni.”

Xuuma Ermiyaasi 44:21

“Tankartase a ishin ka aappadaassin ka nuqussaassin isho samayta piita katamadda a Yihuta isho porra Yursaalami oppandesa qayyassen, hela Waaqa mattoppopa deeni in kinnin ikka matte oorsanni in kinnini ishina' pahata?

Xuuma Hisqeeli 21:29

Koraateta Paapilooni orrase nyale ka ukkuttowwa kodde a katama Amooni'i xolmaandesa quurta; etaasso a qatta'ama idehaaden; qoota koraatetoseti desa keleshaata a akken darada; qoota wa koddaati desa ete killannaasso' kaassadeneeyye, wa ishootta oorshene sassapa.

Hoose'i 12:2

Waaqa samayta Yihuta olli haasa qapa ka sanynyeeta a Yayqoopi akka kallaatayshoti' mina'e qara' dapa mura ka akka kodaayshoti' mina'e kateettaaysho ishootta' oorsha.

Hoose'i 4:9

Ishin qeesewwaayye waasene a samayta koona'ewwe' koonittaneey, semmalla dapan samayta qara' murro asseewwen ishin qara' mura, nama piisa ka akkima kodaadi a neeqa mina'e' qeetaadi akkada.

Hoose'i 6:2

Ha isha kuyyaata lakki kammaayye ino' hupna daasha ka kuyyaata a sessattatiiyyi ino xaasha; anka fuulaadi turaayye caanna.

Hoose'i 8:13

Ha ishootta kalisoota ana' parpaaccisnitto dehaanni ka so'aadi kuli dammi, ma xoori anti Waaqa, an qaraayye kalisootaaysho an teyyado; juppoose' xaaysho a kodenen dikada ka qara' dapa mura ikka piita Kipsi opa alle' tiitaawan.

Hoose'i 9:15

Waaqa ikiini, “A Kelkela caaneeyyew kodaaysho a neeqa piisa akkaade; anti ka eyye'ew kodaaysho a neeqa needdatta paayye ka neequmta a koden malla tikiyyo karaayye alle ishootta sookshe. Anti amma desa ishootta an jaalado, saarraasso piisa nyiraamayaaw kodden.

Hoose'i 9:9

Ishootta akkima xatta katama a Kepa'ooniti koden mina'e akata nyalaan immakaaden, Waaqa ka dapaaysho' dikada ka juppootaaysho malla qara' dapa mura.

Xuuma Amoosi 8:7

Waaqase a Yayqoopi isho a sanynyeetaadi peepannaan, isha' maxxaadin xaxade ka kide, “Dapoose' xaaysho a koden piisa an teymo.

Xuuma Yoonaasi 1:2

“Yoonaasi xa'e ka katamasene kutta a Nenewwe opa aane ka salishe ka kide, neequmtaayshin a' koonittan piisa in akke.”

Mataafa Dikoota 32:23

Ma xoori oton asse a kooni a kinniniiyyi, tin Yaahiwwe'e ishin dapnittaneeyy akka juppootaayshin ishinaaw teyto upnaada.

Luqaasi 12:2

Wa qara dekame panamaysho hasni in co, umma wa juutame upnaatamaaysho hasni in co.

Qorontoosi a paayyota 4:5

Semmalla, a eta in kaynin Poqalla ka firteeta in deenin turanne, nama takka nefo qara in faratan. Isha oto de'ooyye, juuttotase tukkanta kara' dekatte la'aytoppopa sooksha ka dikatta nama a karitta kara' juutame laka' sooksha. Sitiiyyi nama piisa ka matta mina Waaqa kapaayye kalataadi teyaay.

Mataafa oppa' Ooreta 32:29

Kadin ookka kiiteeyye, sede ishootta kalli heente; ikka piraampiraaysho akkini heenen!

ipro 4:13

Uumata fuula Waaqa' turaayye dekanno takka nefo in co. Ildaadi turaayye we' piisa lulle caani ka lakoppa' piini ka akkaanni. Ino' nefo isha tura' malseeta oorsatta ino parpaaccisni.