Hoose'i 7:1 - Mataafa Qulqulloota

¹ Awtan samaytiyyo a Isira'eeli' poojama kelaayye kalsho ka ishootta dinissa faanooyye, juppoota Efreemi isho neequmta a Samaariya i'akkaatta. Ha ishootta dartaaw kooni ka tikkaappa paata hanni; xolmatoomaya nefo ka porraappa orra sarri.

Hoose'i 7:1 ပူးပေါင်းရင်းမြစ်များ

Xuuma Issayyaasi 28:1

Piitase a Samaariya kappataytase a naaba qareela kitto; a saarraadi a taadeta wayneetatin maashshoonna isheetta jeejjannaan, a ulfeenaadi a pisa' mina seehno, oo isheetta kido!

Xuuma Issayyaasi 59:12

Ishin dapaytinno fuulaayti tura ikoope, juppootinno ka ino qara' maakkummi; umma ishin dapaytinno ino quda in mayne, anka ishin dapaytinno upna.

Xuuma Issayyaasi 59:13

In Waaqa marmanne ka ishi ishin dapne ka Waaqinno kamma alle iskammandesa oorre; falqannen xaane ka miiddota haasawanne ka darada an karittinno kara qapna' haasawanne.

Xuuma Issayyaasi 59:14

Mooraappa qoota dukaata dapatte malla, taanteta ka tooytammi in kinnin malla, mura dukaata idapaden, hanqeeta ka ino kapa sekaatte.

Xuuma Ermiyaasi 51:9

Kalayta eyye kara kalo ikiini, “Ino Paapilooninnin paheeta ekkanne; ma xoori, isheettan paha'e in koddine; firteetaadi qoota oraara kayte ka eeyye tarpite ka moonta kayte malla, alle isheetta diinna nama piisa ka piitaadipa kalo.”

Xuuma Hisqeeli 16:46

Enentaayshina a kutta Samaariya ka tuparraadi ollin keeyye qinda qutattatin kalta; enentaayshina a shakka Sottoomi ka tuparraadi ollin keeyye qinda tupattatin kalta.

Xuuma Hisqeeli 23:4

Enenta a kutta maxxaadi Ohoola, isheetta nefo Samaariya; enentaaysho a shakka maxxaadi Oholipa, isheetta nefo Yursaalami; anka ishootta lakki piisa heme; ikka hellaa diira ka a tuparra ana' xaayen

Xuuma Hisqeeli 24:13

Qoota paalakumte malla nyalte; allu ke jaqqaan fade, atti ka nyalaattippa jaqqama tiitteey, hakan miiriyyo ke qara' paafanno kara'e arepadesa a jaqqamto.

Hoose'i 10:5

Qoota ulfeena killootase Peti'aweniiyyi pahana innayya sa'atini koden qaraayye qeedamo malla, samayta katama Samaariyaati kalo ifuurri ka piisantiiyyi pooyni; qeesewwaasso ka mallaaw pora pooyni ka ullupni.

Hoose'i 11:12

Waaqa ikiini, “Samayta Efreemi dartanne ana kapa tiitayshe, samayta Isira'eeli'iw sassapaanne ana kapa tiitayshe; Yihuta'ew ana afaa dakayni in kitto umma ana Waaqa qulqullitta amanammi in kitto; Yihuta' xoori akkan anti ishi' kiino qara'e saantiyyon anni ka ana Waaqa qulqullitta'e amanammi.

Hoose'i 11:8

Ata Efreemi! Attan ke qara karitta kutada ka alle ke diisha? Ata Isira'eeli! Attan orra pilaati ke tarpisha ka daasha? Ka atta akka katama a Taama isho a Sepooymi' mina alle ke pashsha? Ha jaalala an ke' qapa' qoota dikkeeti kutti malla, sede ke qara' koda'e karittiyyo in ettaninne.

Hoose'i 12:1

Samayta Efreemi nama xayxayta qapa faano mina ka kuyyaata piisa qinda piirtota opa kamma xopta dawni ka darta isho nyiraamuma koopsade ka orra Asoori olli kodayteeta kodanni ka piita Kipsi opa sayteeta ekerta erkini.”

Hoose'i 12:2

Waaqa samayta Yihuta olli haasa qapa ka sanynyeeta a Yayqoopi akka kallaatayshoti' mina'e qara' dapa mura ka akka kodaayshoti' mina'e kateettaaysho ishootta' oorsha.

Hoose'i 4:17

Efreemi' qoota killowwa' sakatatta quda' kokte malla, tupadesan alle isheetta diisha.

Hoose'i 4:2

Orra kodayteeta a xaxa'e pooni ka darta kodeeta ka oli lessaata ka hatanta ka almaluma ka karpa koda kammaaw anni, oli lessaata nefo ka koopte.

Hoose'i 5:1

Ishin qeesewwaayye, waan ishina' lella' dakkaysada! Ishina samayta Isira'eeli' koddeetiiyyiiw, matte qapnaada! ishina toolla nuqusa' koddeetiiyyiiw, sede kela' napahata kata! Ha ishina' Misippa tura'e akka naata' mina qaasamten ka Taapoori tura'e akka nyupura' mina afamten. Semmalla dapa ishin qara' murame.

Hoose'i 6:4

Waaqa ikiini, “Ata Efreemi ka Yihuta, hela attan ishin koda? Ha jaalala ana qaptane akka urratta ka a tadahata teykanta' mina'e ennoow alle' panni.

Hoose'i 7:13

Ishootta' qoota ana kapa alle' sekaaden malla, oo ishootta kido! Ishootta' qoota ana qara' nyiramaya' ooren malla, a pateetta ishootta qara' kayto. Ha anti ishoottan pahan fade, ishootta' xoori darta ana qara' haasawanni.

Hoose'i 8:5

Ishina samayta a Samaariyaatiiyyi, killoose' pahana innaya sa'ati' kodattenen alle' tawsha, miiriyyo ka akka apitta' mina ishin qara' opaya. Ata allu haka aytamiti'i jaqqaysuma juppoota' kodatta alle' diissan?

Hoose'i 8:9

Ka akka harretiita xawwaati mayyaaqe' mina'e orra Asoori kapopa aanen ka akka mankisteese olli moottumane'e, Efreemeta ittura' qattishen ka harka poornayshan kedaden.

Xuuma Amoosi 3:10

Waaqa ikiini, “Orra wa a karpa isho a saraatin tikkaasso immakno, wa paxaara koda in upo.”

Xuuma Amoosi 3:9

Orra piitadda Ashtooti isho a Kipsi kara kalo piisa' salisha ka kida, “Irrowwa piita Samaariya qaropa ollopa xorri ka neequmta isho karpa ishootta karaayye kodamma' tooya.”

Xuuma Amoosi 8:14

Orra killootase a Samaariya ka a Taaniti isho a Persapehiti' kiino, ‘Atti a waaqa’ Ka ishin xaxanno piisa ipi'a umma lammatta in xa'o.”

Xuuma Mikkiyaasi 6:16

Wa malla sede piisa ishin qara' kayta' qoota aata ka saanta a nuqussasene Omiri isho a Aki'aapi kidamma' teyyatten ka ishin kallaannittan ka kollumaasso kamma anten mallan ishin pira ka orra paleese' kara kalo, orra piisa tura' jeersha ka akka pakka samaytiyyo otammo oppa otamtane' koda.”

Maatiyoosi 23:37

Kammaddesa Yesuusi ikide, “Oo Yursaalami! oo Yursaalami! Ke a xuumampaya lennitto ka a ke karopa erkame dakaan dakkinitto ka lennitto, akka lukkalitteeta jiwjiwaadi xoolla kelopa oorsannitto mina'e, meeqaannen hellaatti ollopa oorsatta fade; atti xoori a heennaanne.

Luqaasi 13:34

“Oo Yursaalami! oo Yursaalami! Ke a xuumampaya lennitto ka a ke karopa erkame dakaan dakkinitto, akkima lukkalitteeta jiwjiwaadi xoollaadi kelopa ollopa oorsannitto mina'e, anti meeqaannen hellaatti iskelopa oorsatta fade. Ke isho samaytaayti xoori ittiitten.

Luqaasi 19:42

Ka kide, “Atti wa nakaytaayti parpaaccisna katin awwe nefo upnaatte maana in kinnin; amma xoori wossen ildaatti tura ijuutamen.