Hoose'i 5:9 - Mataafa Qulqulloota

⁹ Kuyyaata an dapa murrooyye, Efreemi, lulle hasta anti sede akka kaffa Isira'eeli' qara' dukaatan koddito'en piisade.

Hoose'i 5:9 ပူးပေါင်းရင်းမြစ်များ

Mataafa Iyyoopi 12:14

Oton isha qishshaayye, a ela oorissa ka qupa ettaninno in co; oton isha nama tura' dufaayye, a pana ettaninno in co.

Xuuma Issayyaasi 37:3

ishootta ka Issayyaasi' kidene, “Hisqiyaasi ikiini, ‘Kuyyaase kuyyaata nyarrahata ka a fuka ka a jeera ka iskatteeta a eta xaaya' kayte ikka hupna ishin xaayto dapte pahata.

Xuuma Issayyaasi 46:10

Paayyota'ewwen wa piraampira qara kodda' haasawade, ka xattaaw wa ata in koddinini' lele, ka kide, “Dehaamiyyo ikokkonnaada, ka koda qapade' dikkisha.”

Xuuma Issayyaasi 48:3

Waasene a xatta an turan upnayshe, afaayyoppa sooken anka salishe; ka a isqara a upnin mali kode, ikka dikkaden.

Xuuma Issayyaasi 48:5

Akka a kiinini, ‘Killootiyyo sede kode, pahanaayyo an xefade isho pahanaayyo a sipla ka sede ajajen,’ Anti xattaawwen sede ke' lele; ka a in koddinin turan ke' upnayshe.

Xuuma Issayyaasi 7:16

Ma xoori innoosen a neequmta tiitta ka paxaarumta rexatta in upnaannin turanne, piitadda a nuqussoosene lakki a' fuurritta lulle hasan.

Hoose'i 5:12

Semmalla anti Efreemeta'e akka itteeta ka Yihutaata'e akka tummaysa' mina'en kodde.

Hoose'i 5:14

Anti Efreemeta qara akka karma' mina'en kodda ka Yihutaata qara'e akka haaritta a karma' mina kodda ka ishootta qeqqepsha ka alle ishoottan aana; umma nama ishoottan paho takka nefo in caado.

Hoose'i 7:12

Anti porra oppandesa annaane' piisa oppa'en ishootta tura' turuura qaasa ka akka a xampira' mina moonta quda piitopa ishootta tita ka kodaaysho a neeqa malla qara' dapa mura.

Hoose'i 8:8

Samayta a Isira'eeli orra Waaqa amanni in kinnininni qara pirama ka akka mehadda we' nakanni in kinnini mina' koddan.

Hoose'i 9:7

Kuyyaata oppa dapa muramo akka kayte, kuyyaata oppa haalota pooyyamto ka dehaatte samayta a Isira'eeli a upnaado. Juppootaayshin qoota koopte, paarkaalummaataayshin ka akata kokkoki malla, xuumampayta akka eepa' mina'e' dikten ka nama hapura Waaqa' qara co akka taarayta' mina dikten.

Xuuma Amoosi 3:7

Ha dukaatan Waaqase piisa qara qapo wa koda dikade a turandesa xuumampayasene orxayaadi koddeeti in lellin maliiyyi, we takkan nefo kooni in co.

Xuuma Amoosi 7:17

Semmalla Amesiyaasi! ha Waaqa ike' kiini, ‘Iskatteetaayti katamaappandesa pora dahalsatta; hellaatti a diira isho a tuparra orannaappa'e le'an, dullaatti nefo orra pila'e teepaan qootada; atti' nefo piita orra a Waaqa amanni in kinnin oppa'e' toota; samayta Isira'eeliiw piitaaysho oppaayye alle'e' poojama.’”

Xuuma Amoosi 7:9

Porra sakatatta a Yayqoopi isho sanynyeetaadi oppa sakkattinnaan tura alle qitqishsha ka porrasene qulqullaawe a isira'eli alle' pashsha ikka onan; mankisteeta a Iyyorpi'ami nefo orannaannen alle' pashsha.”

Xuuma Mikkiyaasi 6:13

Semmalla anti juppootaayshin malla ishin patissa'e in piisade.

Xuuma Sakkaariyaasi 1:6

Seeriyyo isho ajajase' xayyo a orxayaayyo an xuumampaya' qudan ishootta' daashe ete tooytaatta diisheneeyye, waan aappadaassin' qara' kide ishootta qara'en kayne? Ishootta'ew araara'e kalen ka kidene, ‘Ha Waaqase we piisa ettaninno akka piisade mina'e, kodinno isho antinno mina wa ino parpaaccisna ino qara' mure.’”

Yohaannisi 16:4

Waan malla sede ishina' lella' xoori, oto Etosen kaytooyye, waan ishina' lele akka matte oorsattan malla. Kamma' desa Yesuusi ikide, waan malla se turan sede piisa, ishina an lellini, qootan ishin olli co malla.”