Hoose'i 4:9 - Mataafa Qulqulloota

⁹ Ishin qeesewwaayye waasene a samayta koona'ewwe' koonittaneey, semmalla dapan samayta qara' murro asseewwen ishin qara' mura, nama piisa ka akkima kodaadi a neeqa mina'e' qeetaadi akkada.

Hoose'i 4:9 ပူးပေါင်းရင်းမြစ်များ

Mataafa Pahana 11:31

Oto hanqeellaya piita qaraayye wa kodene kapa tooktaaysho akkannaaneeyye, tiyyoolaya isho juppoolaya desa atta koddaneew!

Mataafa Pahana 12:14

Nama afaadi a paxaara kela paxaarumta pakni; ka koda harkaadi kela tookta teyni.

Mataafa Pahana 5:22

Ukkuttoota nama neequmtaadi oppa'ew qapammi; juppootaadiw ka a wataroota mina isha qapni.

Xuuma Issayyaasi 24:2

Wa samayta qara' kayna, ishoottaaw qeesewwa qara' kaya; wa orxayta qara' kayna, ishoottaaw poqallaadi qara' kaya; wa orxayteeta qara' kayna, ishoottaaw poqolteetaadi qara' kaya; wa nama paata piddino qara' kayna, ishoottaaw a paata kanno qara' kaya; wa a leqeessanno qara' kayna, ishoottaaw a leqeessino qara' kaya; wa a nama leqa oorinno qara' kayna, ishoottaaw nama a leqa daashe qara' kaya.

Xuuma Issayyaasi 3:10

Akkima isha olikela teyto'e, hanqeellitta' lela; dalta kodaadi'i damaay.

Xuuma Ermiyaasi 5:31

Xuumampaya xuuma darta'ew haasawanni; qeesewwa ka dehaama a xuumampayaatin orra mukinni; samaytiyyo ka wa asse paha jaalanni; oto dikkattaadi kayto xoori, atta kodditan?”

Xuuma Hisqeeli 44:10

A Isira'eeleta saantiyyo qara maqqiteeyye, Lawaata a saantiyyo qara maqqite ka ana kapa sekaatte ka killanna' sakatatte in qatta'a.

Xuuma Hisqeeli 44:12

Qoota akka samayta killannaasso waaqaysado' koden malla ka samayta Isira'eeli kehaytishen ka juppootoppopa katen malla, Waaqase' piisa qara qapo ikiini, ‘Anti' qootaayshoti desa in xaxadeey, iqatta'aman.

Hoose'i 1:4

Sekkammaayye Waaqa ka Hoose'i' kide, “Maxxa innoosen xaayti, ‘Iyyisira'eli’ kide ka hale. Maana malla, Iyyu naaba Iyyisira'eli' kara'e orra leysheey, anti eta a deha oppa'en toolaadi qara' farata ka mankisteetase a sanynyeetaadi a Isira'eeli kara kitto kuli akka patto' koda.

Hoose'i 10:10

Anti akkan heeno mina'en qara' farata, juppoose' xaaysho koopte malla, samayta piita' piisan ishootta qaropa xaasha ikka qara' faratan.

Hoose'i 12:2

Waaqa samayta Yihuta olli haasa qapa ka sanynyeeta a Yayqoopi akka kallaatayshoti' mina'e qara' dapa mura ka akka kodaayshoti' mina'e kateettaaysho ishootta' oorsha.

Hoose'i 12:3

Yayqoopi a karitta aayyaassoti kara cooyye, innaasso' tura' qata fade ka kamma kaminta qape ka ete kuttadeeyyeew Waaqa soote.

Hoose'i 7:2

Umma ishootta akkan anti kodoose' xaaysho neeqa piisa tooyno in upan; juppootaaysho ka ishootta kapa tiitasse, anka kodoose' xaaysho' neeqa a koonaan piisa akkini.

Hoose'i 8:13

Ha ishootta kalisoota ana' parpaaccisnitto dehaanni ka so'aadi kuli dammi, ma xoori anti Waaqa, an qaraayye kalisootaaysho an teyyado; juppoose' xaaysho a kodenen dikada ka qara' dapa mura ikka piita Kipsi opa alle' tiitaawan.

Hoose'i 9:15

Waaqa ikiini, “A Kelkela caaneeyyew kodaaysho a neeqa piisa akkaade; anti ka eyye'ew kodaaysho a neeqa needdatta paayye ka neequmta a koden malla tikiyyo karaayye alle ishootta sookshe. Anti amma desa ishootta an jaalado, saarraasso piisa nyiraamayaaw kodden.

Hoose'i 9:9

Ishootta akkima xatta katama a Kepa'ooniti koden mina'e akata nyalaan immakaaden, Waaqa ka dapaaysho' dikada ka juppootaaysho malla qara' dapa mura.

Xuuma Sakkaariyaasi 1:6

Seeriyyo isho ajajase' xayyo a orxayaayyo an xuumampaya' qudan ishootta' daashe ete tooytaatta diisheneeyye, waan aappadaassin' qara' kide ishootta qara'en kayne? Ishootta'ew araara'e kalen ka kidene, ‘Ha Waaqase we piisa ettaninno akka piisade mina'e, kodinno isho antinno mina wa ino parpaaccisna ino qara' mure.’”

Maatiyoosi 15:14

Ishootta diisha, ishootta orra joole ka orra pila a joole pora akkinnooy; oton nama joole a joole a pila tura qanni ka ishi pora akkinniiyyi, piisani qaawa karopa sehni.”