Hoose'i 4:2 - Mataafa Qulqulloota

² Orra kodayteeta a xaxa'e pooni ka darta kodeeta ka oli lessaata ka hatanta ka almaluma ka karpa koda kammaaw anni, oli lessaata nefo ka koopte.

Hoose'i 4:2 ပူးပေါင်းရင်းမြစ်များ

Mataafa Uumata 4:8

Qa'eli ka innasene xaaysho Apeeli' kide, “Xooye ka kappina oppopa anna.” Ete kappina oppa kayeneeyye, Qa'eli kussittase' xaadi qara'e xa'e ka ishshe.

Xuuma Issayyaasi 24:5

Piita, qoota orra isheetta kara kalo seera Waaqa qepshe ka taantewwa isho kodayteetase' xaadi a parpara' poote minanne nyalte.

Xuuma Issayyaasi 48:1

Ishina a samayta Yayqoopi kodde ka maxxa Isira'eelitin halaamma, ka kafa Yihuta oppa' dalade, ka a dukaata ka hanqeetan in koddinin mali, maxxa Waaqatin xaxanna, ka Waaqa Isira'eeli' tura upnanna, sede dakaya!

Xuuma Ermiyaasi 51:5

Kadi punu piitaaysho fuula a qulqullitta Isira'eeli tura a dapan immakaatte koddite nefooyye, Waaqa Poqallaasso a we piisa ettaninno Isira'eeli isho Yihuta in teymine.

Xuuma Ermiyaasi 6:7

Akkima ela pisha paadino mina'e, neequmta ishootta kara paadini; tiyya isho pateetta ka ishootta kara dakaanni; surumtaadi isho faykaadi ka kuyyaata piisa ana akkaanni.

Pooyta Ermiyaasi 4:13

Ma xoori, qoota juppootase a xuumampayaadi ka dapase a qeesewwaadi, isasene diika hanqeellaya isheetta kara ca patta' tuqe malla, asse koddite.

Xuuma Hisqeeli 7:23

Piita ishin dapayta a diika tuqaatinni immakaatte; katama ka karpaan immakaadeneey, sansalaata tume.

Hoose'i 10:13

Ma xoori ishina hupnaayshin isho lekumta xormewwasene' xaayshin a oranna'e' kippatten ka neequmta aylatten ka juppoota feratten ka dalta dartaayshina' damten.

Hoose'i 10:4

Ishootta afa pattanne kippeeta daanni ka dartan pora xaxanni ka kodayteeta kodanni. Semmalla akka jabba qundeeta duloppa dapanni in kinnin mina'e, erkannaatiyyo ishootta qara in dapatto.

Hoose'i 11:12

Waaqa ikiini, “Samayta Efreemi dartanne ana kapa tiitayshe, samayta Isira'eeli'iw sassapaanne ana kapa tiitayshe; Yihuta'ew ana afaa dakayni in kitto umma ana Waaqa qulqullitta amanammi in kitto; Yihuta' xoori akkan anti ishi' kiino qara'e saantiyyon anni ka ana Waaqa qulqullitta'e amanammi.

Hoose'i 12:14

A koddito ma samayta Efreemi akata Waaqa miirayshe, isha ka dapase a diika tuqen ishootta qaropa oorshe ka sede a isha oten malla, ishootta qara' dapa mura.

Hoose'i 5:2

Nyiraamaya nefo kodaaysho a orra lessaata ikoopsheneey, anti ishootta piisa qara'en dapa mura.

Hoose'i 6:8

Kele'aadi katama orra neequmta koono ka diikaaw tuqnon immakaade'e koddite.

Hoose'i 6:9

Akkima xolmatoomaya orra tura' lessaata asannaan mina'e, kita qeesewwa kuli asseew kooni ka pora Sekemipa anno oppa'e orra tura' asani ka nama ikanni ka dapa akata neeqa kooni.

Hoose'i 7:1

Awtan samaytiyyo a Isira'eeli' poojama kelaayye kalsho ka ishootta dinissa faanooyye, juppoota Efreemi isho neequmta a Samaariya i'akkaatta. Ha ishootta dartaaw kooni ka tikkaappa paata hanni; xolmatoomaya nefo ka porraappa orra sarri.

Hoose'i 7:3

Waaqa amma nefo ikiini, “Ha ishootta neequmtanne nuqusa xasanni ka darta kodaan saarra xasanni.

Hoose'i 7:4

Ishootta piisani almalewwaaw, ha ishootta payqa kisa qara' qa'en a kupade, a haka daamma laaqqota' porjinaan kara'e kamma apitta opanni in kinnini pahan.

Xuuma Mikkiyaasi 3:2

Ishina' xoori' koda fayya' koda' tiitten ka neequmta kamma anten ka samaytiyyo a co quda koka qalten ka lafaasso' quda so'a qo'issen ka pirten.

Xuuma Mikkiyaasi 3:9

Ishina dukaata tura miinta quu'ina ka haasa fayya alle' quqquu'ina, mukissampaya hellaa Yayqoopi ka saarra samayta Isira'eelitiiyyi, are dakkaysada!

Xuuma Mikkiyaasi 6:10

Hela amma anti xawwi teyantose a karpampayta karpan tikaadi karopa pootade ka taarose a kura a darta a paatan kuradenen teyma xawwa?

Xuuma Mikkiyaasi 7:2

Ha nama Waaqa isi daashe piita qara idapade umma nama dukaata koono in co; orra piisa oli kaatini ka oli lessaata kammaaw anni.

Xuuma Sofooniyaasi 3:1

Katamasene a Yursaalami juppootan nyale ka nyiraamumaan immakaade ka orraadi kuli payyahinna, oo ishootta kido!

Xuuma Sakkaariyaasi 5:3

Isheetta ka ana' kiite, “Ha sene jiijasene piita piisa qara' de'a akka mataafose qara qinda takkan taafamte mina'e, nama hanno piisa ipata; akkimoose' mina'ew akka qinda pilaatin taafamte mina'ew, nama dartan xaxanno piisa ipata.

Xuuma Sakkaariyaasi 7:9

“Waaqase we piisa ettaninno ikiini, ‘Dukaata mura ka mattaayshina ishina oli suraysada ka diissata olli' koda.

Maatiyoosi 23:35

Seminan diikase a Apeeli a hanqeellittati paayyatte haka diika a Sakkariyaasi a inna a Paraakiyya, isase a tika qulqulloota isho a pora kalisootatiiyyi otanta kara ikasseneti'i, diika hanqeellaya a piita qara' tuqame piisa kapa'e, akka qatta'amtan.

Kodampaya 7:52

Kamtoollayaay, aappadaassin ayno kamma pora in daannin? Ha aappadaassin xuumampayasene turan qattishe ka akkima hanqeellaytase de'o' lele'e leyshen. Ishina ka amma hanqeellittase toota' daassen ka ikassen.

Mataafa oppa' Ooreta 5:11

Anti Yaahiwwe nama a maxxiyyo patta xa'inno an qatta'o mali an diinni an cooy, maxxiyyo a Yaahiwwe Waaqaayshina patta in xaashan.

Mataafa oppa' Ooreta 5:18

In sharmuutuman.

Mataafa oppa' Ooreta 5:19

In hatan.

Teseloonqe a paayyota 2:15

Yihutaata isheetta Poqalla Yesuusi isho xuumampaya leyshe ka alle' piitoppa ino daane; ishootta orra a Waaqa nyarrahasiisno ka orra piisa needdanno.

Keleshaata 17:6

Anka isheeta diika qulqullowwa isho diika a orra qoota Yesuusi malla maakkumen maashshootte akke. Eten akkeeyye, anka akata oppa qawwaawe.