Hoose'i 4:1 - Mataafa Qulqulloota

¹ Samayta Isira'eelitiiyyi, wa Waaqa qara ishin peeqna'e caay, semmalla ishina piisse oppa kala wa Waaqa kiina dakkaysada, “Ha piisse oppaayye amanamitta in kitto umma jaalala in caan umma Waaqa fuureta nefo in kitto.

Hoose'i 4:1 ပူးပေါင်းရင်းမြစ်များ

Xuuma Ermiyaasi 4:22

Waaqa ikiini, “Samaytiyyo eeppa, ana in upan; ishootta eeppa hellaa; umma paata qapatta in upan; ma xoori neequmta koda'e ookka; umma paxaarumta koda in upan.”

Xuuma Mikkiyaasi 6:2

Ishina irrowwaayye ka ishina shalalla kiritta piita' koddeetiiyyi, wa Waaqa samaytaadi qara' haasawanna ka maakkumma' dakkaysada!

Qorontoosi a paayyota 15:34

Qalpeetaayshin qaropa oora, umma juppoota an kodan. Ishin oppaayye orra a Waaqa in upnin takka takka ca. Sede nefo akka' jeertan mallan asse kiini.

Roomi 1:28

Orra qoota Waaqa upnaatta in heennin malla, Waaqa akka manynyeeruma kodane'e, dikatta neeqa' tupa desa ishootta diishe.

Hoose'i 12:2

Waaqa samayta Yihuta olli haasa qapa ka sanynyeeta a Yayqoopi akka kallaatayshoti' mina'e qara' dapa mura ka akka kodaayshoti' mina'e kateettaaysho ishootta' oorsha.

Xuuma Ermiyaasi 25:31

Waaqa ikiini, ‘Oto Waaqa haasawannooyye, nessaadi piita piisa qara'e dakaada; Waaqa mankistewwa deexa; ka ishootta qara farata; ka ukkuttowwa leysha.’

Xuuma Ermiyaasi 5:4

Anka iskaranxata kide, “Ha sene eyye ca teekolaya, umma we'en upan; maana malla ishootta saanta Waaqa ka seerase a Poqallaassoti in upnaanneey;”

Xuuma Issayyaasi 34:1

Ishina' mankistewwaayye, dehaada ka dakkaysada! Ishina samayteeyye, qanqannisso dakaya; piita isho wa kara ca piisa a dakayen, kaaskella isho wa kara' teyade piisa ka dakkaysaden.

Xuuma Issayyaasi 1:18

Waaqa ikiini, “Xooya ka oli deexna; juppootaayshin kadi punu akka qalameeta' mina tiimiiyyi, a fuuttota' mina'en attaysha ka kadi punu akka a diika' mina tiimiiyyi, a apteenta' mina attaysha.

Keleshaata 2:29

Wa a hapura tikka kiristaanati' kiina nama napahata dakaynitto qapo, a dakayo!”

Keleshaata 2:11

Wa hapura tikka kiristaanati' kiina nama a napahata dakaynitto qapo a dakayo! Nama puto, toota lammattatinni in miidamo.”

Yohaannisi 8:55

a koddito ma ishina a isha a upnaanne, anti xoori in isha upa. Kadin in kiini'i, ‘An isha an upooyye,’ Xaayshin mina'ewwen dertampayta koddini heene. Ma xoori anti in isha upa ka qaaletaadi nefo tooytini.

Xuuma Amoosi 7:16

Amma nefo wa Waaqa kiina' dakkayssado! ‘Ha atti i'ana dawrini ka kiini, Orra Isira'eeli' qara' xuuma an haasawadan; umma sanynyeeta Hisaaqi'i, qaaleta Waaqa in torraan.’

Hoose'i 5:1

Ishin qeesewwaayye, waan ishina' lella' dakkaysada! Ishina samayta Isira'eeli' koddeetiiyyiiw, matte qapnaada! ishina toolla nuqusa' koddeetiiyyiiw, sede kela' napahata kata! Ha ishina' Misippa tura'e akka naata' mina qaasamten ka Taapoori tura'e akka nyupura' mina afamten. Semmalla dapa ishin qara' murame.

Xuuma Ermiyaasi 34:4

Ma xoori atti Seteqiyaasi nuqusa Yihuta, qaaleta Waaqa dakkaysado; qootaayti desa Waaqa asse ke kiini, ‘Orannaappa a tooto.’

Xuuma Ermiyaasi 19:3

Ka kide, ‘Ishina nuqussa a Yihuta isho samayta a Yursaalami kara kalooyye, qaaleta Waaqa dakaya! Waaqa we piisa ettaninno Waaqase a Isira'eeli asse kiini, “Tin wa nama a dakayno piisa akata nappaappa neeqnada'en poroose are co oppa' koda.

Xuuma Ermiyaasi 9:20

Anka kide, “Ishina iskatteeyye qaaleta Waaqa dakaya; nappaassin ka nessa Waaqa opa panamen; ka hellaassina a tuparra pooyta kollisha, ka moottadaassin saara pooyta sahatisha.

Xuuma Ermiyaasi 7:28

Semmalla asse ishootta kide, ‘Samayse are co, afa Waaqa Poqallaassoti in ajajamme umma dehaamaadi in teyyanne; dukaata ipatte ka afaasso oppaayye dapatte.’”

Xuuma Ermiyaasi 6:13

A shakka ka a kutta piisa tookta juppoota kammaaw pora keeri; qeesewwa isho xuumampaya kuli ka daradaaw kooni.

Xuuma Ermiyaasi 4:28

sede minan piita ipooyta; moonta ka illi xata tukkanta; in haasawadeey, dikattiyyo an pursho; in piisadeey, iskammopa an ooro”

Xuuma Ermiyaasi 2:4

Ishina sanynyeeta Yayqoopiiyyi, ka ishina a kaffa Isira'eeli koddeetiiyyi qaaleta Waaqa dakaya

Xuuma Issayyaasi 66:5

Ishina qaaleta Waaqa' turaayye xarra, qaaletaadi dakaya. Waaqa ikiini, “Hellaasene xaayshin a diira ishin needdanna ka maxxiyyo malla alle ishin daanna, ikidane, ‘Akkan ishina a xasoonna akkino'e, intoonno Waaqa a ulfeenaadi akkishooy;’ Ma a jeera qara' pi'a ishoottaaw.

Xuuma Issayyaasi 34:8

maana malla Waaqa kuyyaata oppa haalota pooyyo qapaay ka para oppaayye Siyyooni qara qato qapadeey.

Xuuma Issayyaasi 28:14

Semmalla ishina samayta Yursaalami kara kalo mukinna seesampayaayye, qaaleta Waaqa' dakaya.

Xuuma Issayyaasi 5:3

Moottiyyo ka kide, “Ishina a Yursaalami kara kala ka samayta Yihutaatiiyyi, intoonno ana isho duliyyo a wayneeta otantoppa farataay!

Xuuma Issayyaasi 1:10

Ishina mukissampaya a Sotoomitiiyyi, qaaleta Waaqa' dakaya; ishina' samayta Kamooratiiyyi, seera Waaqinno dakkaysada.

Mataafa a Nuqussa a paayyota 22:19

Mikkiyaasi ka ishi kide, “Semmalla nessa Waaqa Poqalla dakaye, a Waaqa Poqalla sufaanetaadi qara kuti'en akke. Xela moonta piisa ka akkitta ka pittittan isha kapa qaa'ade.

Xuuma Issayyaasi 59:4

Nama takka' nefo saanta dukaatatin kisseeta dehanni in co; umma nama takka' nefo dukaata qara' tika taanynya opa anni in co ka paata patta kippanni ka darta haasawanni ka rakkoota hinni ka neequmta xaayni.

Xuuma Issayyaasi 59:8

Saanta nakayta in upan, umma saantaaysho oppa mura dukaata in caan; porraasso a quqquumadeeti'i kodaden, umma a oppan anno nakayta qapnaanni in co.

Xuuma Ermiyaasi 9:3

Waaqa ikiini, “Akka nama paanta pokka' harmisade mina'e; arrapaaysho asseew darada haasawwatta' harmisade; dukaata kapa dartanne piisse oppa' pooren; ka neequmta qara neequmtaaw koopsaden; umma ana in upnaanne.

Xuuma Ermiyaasi 51:5

Kadi punu piitaaysho fuula a qulqullitta Isira'eeli tura a dapan immakaatte koddite nefooyye, Waaqa Poqallaasso a we piisa ettaninno Isira'eeli isho Yihuta in teymine.

Xuuma Iyyu'eeli 1:2

ishina qimayaayye are dakaya! Ishina a piita Yihutaati kala' piisani are erkanosen kela' napahata kata. Hela wa asse paha i'apari xeltaayshin taaki xelta xatta a aappadaassinati koddene?

Mataafa Masmuureta 81:9

Waaqa hapta, ishin oppa in akkaannin; umma Waaqa pilaati in sakatadan.

Xuuma Ermiyaasi 2:9

Semmalla Waaqa ikiini, “In ishin xasasa ka oopaddaassin kuli mina tamaakkada.

Xuuma Ermiyaasi 9:7

Semmalla Waaqa poqallase we piisa ettaninno asse kiini, “Tin ishoottan liilsha ka ishootta ekkaysada diisheey, qoota juppoota samaytiyyo malla a pila maanan koda ettansha?

Xuuma Ermiyaasi 11:7

Hakan aappadaassin a xatta Kipsi kara sookshe paayyatteeyye haka awweti'i, oppa'en o'oore ka kokkonnayshe ka kide, ‘Ana ajajama!’

Xuuma Hisqeeli 16:35

Atti' sharmuuto! qaaleta Waaqa' dakaye!

Hoose'i 5:4

Qoota dikatta almaluma ishootta kara co malla, Waaqan upan, kodoose' xaaysho ka Waaqopa ooreta ishootta dawre.

Hoose'i 12:3

Yayqoopi a karitta aayyaassoti kara cooyye, innaasso' tura' qata fade ka kamma kaminta qape ka ete kuttadeeyyeew Waaqa soote.

Xuuma Amoosi 3:1

Ishina a Waaqa piita Kipsi kara ishin sookshe hellaa Isira'eelitiiyyi piisantiiyyi, wa Waaqa ishina qara' haasawanna dakkaysada.