Hoose'i 2:8 - Mataafa Qulqulloota

⁸ Ha isheetta unta a dammitto ka sayteeta ekerta a daatannitto ka taadetase a wayneeta a iknitto ka dakara isho warqeewwa a killootase' xaadi pa'aali kiinaaneti kalinnitta piisa, akkan anti isheetta' daashe in upto.

Hoose'i 2:8 ပူးပေါင်းရင်းမြစ်များ

Xuuma Issayyaasi 1:3

Xorma aappaaysho'e upa, harreeta kuli ka taamara a aappa isheetta sikinno' upta; Isira'eeli' xoori in upto, samaytiyyo umma sede matte in qapo.”

Hoose'i 13:2

Amma nefo juppoota qara'e juppootaaw kooni ka dakara pirreeta liilsaden ka killowwa tumaden ka pahanadda harmuman xefaden; ha sene piisa wa harka namaatin kodene, orra ka ishootta' kiini, “Wossen harkan kodeneeti, kalisoota dehaaysha! Orra ka killootase pahana innayya sa'atin koden dinkado!”

Hoose'i 8:4

An anti ishootta'en lellin maliiyyi nuqusa nuqusumsaden ka a ana in kaassannin maliiyyi saarra reexaden ka pateettayshoti'i warqewwaasso isho dakaraasso a pirreeta oppaayye killowwa tumaden.

Hoose'i 4:11

Waaqa amma nefo ikiini, “Ha koda almaluma isho kokteeta ka maaddota a taadeta wayneeta ikayta kamma anta samaytiyyo qara qalpeeta pashshe.

Roomi 1:28

Orra qoota Waaqa upnaatta in heennin malla, Waaqa akka manynyeeruma kodane'e, dikatta neeqa' tupa desa ishootta diishe.

Luqaasi 15:13

Kuyyawwa lamaya kammaayye, kussittase ka kaajaadi piisa ollopa oorsade ka piita seka opa aane ka piisseti'i, kaajasene xaadin kahade ka piisa pire.

Xuuma Inpaqoomi 1:16

Ishootta wa ishootta parpaaccisna ikka damta heenane' qoota ishin akkannaan malla, nyupuraddaassoti'i sakatanni ka kalisoota ishootta' kalinni.

Hoose'i 2:5

Aayyaasso qoota almalitteeta koddite malla, almalumanne helloosen hitte. Ha isheetta ikiite, “Kaarayyowwaayyo ana quda sira ka waan dama ka ikka ka sayteeta ekerta isho taadeta wayneeta ana' daashaay, ishootta kamma'en aana.”

Xuuma Taani'eeli 5:23

Ka laaddi aappa moonta' qara isi peepte ka isi kukuttisse ka mehaddasene a warqeeta tika qulqllootati sarame, qeedacciiste ka tanynyadaatti ka iskattaayti isho iskattaayti a pila ollin oppa ikkayta ikten ka ete ikkayta ikten kamma waaqaddasene dakara pirreeta ka warqeeta ka sipla pora ka sipla ka qora isho dakaddaappa kodame, paata akkini in kinnini ka dakayni in kinnini ka we in upnini kalataysatten. Ka Waaqase ke caassa taaki ikassa ettansho ka napseetaayti harkoppa qapo a ulfeessinin.

Xuuma Ermiyaasi 7:18

Hellaa qora qoroonni; aappada apitta qaptinni; iskatta killoota a nuqusitteeta moontati'i laaqqota laaqqa'e puullota puullini; ka ana miirassa'e, killowwa pilaati'i kalisoota ikkayta kalinni.”

Xuuma Issayyaasi 46:6

A korojaasso' kara warqeeta pootanna, ka hiilan dakara pirreeta ekkaysanna, nama warqeeta tummo xaayyanni, isha ka killoota kooni ka ishootta tummi; ishootta ka tura' seehni ka ishi' sakatanni.

Mataafa Taanynyada 9:27

Ka pisanti dullaasso oppopa sookaden ka wayneeta pohen ka diipen ka xayso nessuma a xasa kodaden ka tikase xaaysho a killoota kelopa kalen ka damta dammi ka ikkayta ikinni ka Apemeleki onni.

Hoose'i 10:1

Samayta a Isira'eeli akka qoyra wayneeta a dalta horkookte qapo mina paha ka akka daltase' koopte mina'e asseew pora a kalisoota killowwa' lekaysade ka akka piitaaysho' teyantan immakaatte mina'e, tuuddasene porase oppa killoota sakatannaane' kela ca siraan immaken.

Mataafa oppa' Ooreta 8:18

Ma xoori akka awwe koddite mina'e akka kodayteetase a aappadaassina a xattati xaxa kale immako'e, akka teyanta kodattane'e a hupna ishina daanno akka Yaahiwwe Waaqaayshin kodde matte oorsada.

Xuuma Hisqeeli 23:41

Ka looshsha paxaara qara' kutiiten ka tarabeesase a damta a turan qara tankartiyyo ka sayteetiyyo xaayiten ittura' xaayten.

Xuuma Taani'eeli 3:1

Naapukedenasoori pahana a warqeetoppa kodame ka moontandela deruma' dikla kunda lehi ka xaltandesa palduma' dikla lehi mina' ca'e piita Paapiloonitiiyyi laka “Tura” Kidammo oppa' qaatishe.

Hoose'i 13:1

Efreemeta oto haasawannittooyye, orra Isira'eeli ishootta tura xarri ka ulfeessini, ma xoori' qoota killootase a pa'aliti' sakatattaan juppoota koden malla ile'en.

Mataafa Otoowwa a paayyota 29:16

Oo Waaqa Poqallaanno! Maxxase xaayti qulqullaawe'e tika qulqulloota qupa'e kodattese asse kutta an ollopa qobbeessine piisa xaaytiiw ka harkaaytippaayyeew deete.

Mataafa Iyyoopi 19:8

Akkan an tarpinini'i, poriyyo oppa kawwatta kate ka saantadaayyo tura tukkantan deke.