Hoose'i 2:4 - Mataafa Qulqulloota

⁴ Hellaadi nefo qoota almaluman xaayte malla an suraysado.

Hoose'i 2:4 ပူးပေါင်းရင်းမြစ်များ

Mataafa a Nuqussa a lammatta 9:22

Iyyoraami ete Iyyu akkeeyye, ikaassade ka kide, “Hela Iyyu nakayta'ewwe deeni?” Iyyu ka ishi oorshe ka kide, “Haka killanna sakatatta isho suuma aayyaasina a Elsapeeli asse koopeeyye, nakayta maana'e ca?”

Xuuma Issayyaasi 27:11

Taammaadi oto kokaneeyye, iqeqqepan; iskatta ka qorootada ka xaayyada; ishootta samayta matte qapnaanni in kinniniiy, semmalla a ishootta uume ishootta in suraysado; umma a ishootta kode ishootta in kaassado.

Xuuma Issayyaasi 50:1

Waaqa ikiini, “Warqata a ishin aayyaassin diisamte, an ishin alle isheetta daane, ayshaayye ca? Taaki oton in ishin kateeyye, a kaaja ana leqeesse oppaayye, a xaame'en ishin kate? Tin, ha neequmtaayshinanne' katamten, aayyaassin ka juppootayshin minan alle' daanamte.

Xuuma Issayyaasi 57:3

Ishin hellaa a so'ayatiiyyi ka sanynyeeta dahalmayteeta ka a sharmuutitteetatiiyyi, arepa desa dehaada!

Xuuma Ermiyaasi 13:14

Waaqa kiini, “Nama takka a pila ollinnin tooma ka aappada isho hellaasso a diira ollin tottooma; ka ishootta nyarraha ka suraysatta isho isheetta diissata mali alle ishootta pira.”

Xuuma Ermiyaasi 16:5

Maana malla Waaqa asse kiini, “Qootan samayse qaraayye nakaytiyyo ka jaalalaayyo isho suraysattiyyo mayshe malla, atti tika pooyta opa in kullan ka nama pooya ka nyarraha'en aanan.

Xuuma Hisqeeli 23:25

Akka ishootta miiran ke qara' xa'ane'e, anti yootiyyon ke' qeeda ikka soonaatti isho nappaatti quuran; a ke kara peela hasna ka koraatetan piraman; ishootta hellaatti a diira ka a tuparra'e poojan; isasene peela hase ka apittan kupadan.

Xuuma Hisqeeli 8:18

Semmalla miiriyyonnen ishootta qara' de'a; umma karittiyyo ishoottan suraysado; umma diissata an ishootta an kodo. Kadi punu nessa kuttan anopa ullupannaaneeyye, ishootta an dakayo.”

Xuuma Hisqeeli 9:10

Ma xoori anti kodaaysho kapa'en ishootta qatta'a diisheey iltiyyo ishoottan suraysatto; umma karittiyyo ishootta'en nyarraho.”

Hoose'i 1:2

Waaqa Hoose'ippanne hellaa Isira'eeliti' haasawatta paayye ka ishi' kide, “Samaytiyyo qoota ana Waaqa kapa sekaade ka almaluma akata neeqa koda qara co malla, atti aane ka almalitteese a iskatteeta' heme ka isheettoppa almalewwa hellaa' xaayado.”

Hoose'i 1:6

Komeri ka a lammattati hitteew ka enenta xaayte. Waaqa ka Hoose'i' kide, “Maxxa enentose' xaayti, ‘Looruhaama’ kode. Maana malla anti ammadesa samayta Isira'eeli an suraysado ka ishootta' diissata an kodooy.

Hoose'i 5:7

Ishootta' qoota Waaqa in amanammin malla, hellaa xaadi in koddinini'i xaayan; semmalla ishootta isho piitaaysho ollinni xa'atima a leyooseti oppa'ew alle' piraman.

Xuuma Sakkaariyaasi 1:12

Sekkammaayye erkampattoota a Waaqa ka oorisse ka kiite, “Oo Waaqqo ke a we pisa ettaninno, ata sene a haka para kunda tappa kara ishootta qara' miirootte, katamaddoosen a Yursaalami isho a Yihuta'e, haka aytamiti'i ishootta suraysatta diissa?”

Yohaannisi 8:41

Asseeyye oori, ishina koda aappaayshina'e koonittan.” Ishootta ka ishi kidene, “Ino an tiqaalla dahalaan deladee'enne, ma aappa ino xaaye takkan qapna, isha nefo Waaqa.”

Roomi 11:22

Semmalla xoona Waaqa isho fuurissaadi tooya. Waaqa isasene' pi'e' qara'e fuurissaadi akkinni ka xoonaadi ishina akkinni. Sede nefo oto' ishina isha amaneetan kokkonnaannittan ka kallaannittaneeyye asse koda; oton a kokkonnaanni a kinnin xoori, ishina' kuli alle'e' muramtan ka pi'itan.

Roomi 9:18

Semmalla Waaqa nama ishi' diissata heeno'e, idiinni ka nama a kamtoollayta koda heeno kamtoollayta' kooni.

Yayqoopi 2:13

Firteeta Waaqa nama nama diissata kooni in kinnini, diissata kooni in kitto. a kodditoma diissata firteeta punni.