Hoose'i 11:9 - Mataafa Qulqulloota

⁹ Anti an Waaqa qulqullitta a otantaayshin oppa co diisheey, an naman. Semmalla erkannaata a miiriyyo ishin qaropa an diisho, umma an ooro ka Efreemi an pashsho ka aara miiriyyootinni ishin kapopa an de'o.

Hoose'i 11:9 ပူးပေါင်းရင်းမြစ်များ

Mataafa Dikoota 23:19

Waaqa Poqalla naman, ka darada in kodo; umma inna nama'en ka dikattaadi in pursho; hela isha wa kide kooni in co? Ka wa haasawade dikkinni in co?

Xuuma Ermiyaasi 30:11

Waaqa ikiini, “Anti ke ollin caada ka ken paha; mankistewwasene an oppandesa ishin fide piisa alle'en pira; xaayti xoori, alle an ke an pashsho; umma an ke qatta'o mali an ke an diisho; ma minaddesawwen ke qatta'a.”

Xuuma Issayyaasi 12:6

Ishina Siyyooni qara kalatiiyyi, qulqullittase a Isira'eeli ishin oppa kalo ikuttiiy, ililiwa ka xasan dawada.”

Xuuma Milkiyaasi 3:6

Anti an Waaqa an pursammi an co. Semmalla ishin hellaa Yayqoopiiyyi, ha ishina a' panne.

Hoose'i 14:4

Waaqa ikiini, “Qootan miira an ishootta qara qapo harfisade malla, samaytiyyon ana amanama diissata kela dinsha ka karittiyyo piisan ishootta jaalada.

Mataafa Saamu'eeli a lammatta 20:10

Amaasa xoori, pilla harka Iyyo'aapi oppa co in akkine; ka in tooytaanne. Iyyo'aapi ka pillasetinni, karittoppa isha dote ka piitopa kara marqina kaa'e. Umma lammatta isha in donne ikka to'e. Iyyo'aapi isho innaasso Appiisa ka Shepa'i innasene a Pikiiri fada kamaaw caaden.

Xuuma Issayyaasi 48:9

Anti maxxiyyo mallan kiini ka miiriyyo tura qapni, ka kallaatiyyo malla kiini ka akkan ishina an patinnini oopsini.

Mataafa Masmuureta 78:38

Waaqa xoori qoota suraysattan immakaade malla, juppootaysho i'ishootta' diishe, umma alle ishootta in patinne. Ka a lekatin alle' miiraadi ishootta qara tiitayshe, umma aaraadin ishootta qara in' xaane.

Mataafa Saamu'eeli a paayyota 26:8

Apiisa ka Taawwiti kide “Waaqa awwe ipaarkalaatti harkaaytippa daasheey, ana oranaadiiw qeedo ka doto ka piitoppa ollin jaqqalsho, takkasew isha kayaay; umma oppa lammassa nefo in parpaaccisto!”

Mataafa oppa' Ooreta 13:17

Yaahiwwe akka aappadaassina a xattaati xaxa kale qara'e, akka miiraadi a kutta harfo'e ikka ke diissata kodo'e ka ke suraysado'e ka ke leksho'e, wa looma kodde harkaaytippa in caannin.

Mataafa Masmuureta 46:5

Qoota Waaqa isheetta olli co malla, katamoosen in lelleehan; Waaqa paraappanne ishootta qaarqaara.

Xuuma Issayyaasi 5:24

Semmalla akka apitta irma kupno, miissa ka apittan kupanno mina'e, hittinnaasso asseew olloppa tortora; pissaaysho ka a kuyyaalayta' mina' pittinnaawa. Maana malla, seera a Waaqa Poqalla a we piisa ettaninno'e tuffadeneey ka qaaleta a qulqullitta Isira'eeli puyadeneey.

Xuuma Issayyaasi 31:1

A qaarqaarsa akkatta malla Kipsipa xata lekkanna ka fartadaasso jeejjanna ka sarakellaasso a leka isho xelaaysho a fartan torpino a kokokkoka kippanna ka qulqullitta a Isira'eeli opa tooyyanni in kinnini ka dehaama Waaqa' faani in kinnini, oo ishootta kido!

Xuuma Issayyaasi 41:14

Waaqa ikiini, “Nukkullayto Yayqoopi! Ishina' samayta Isira'eelitiiyyi, in fuuran!” A ishin qaarqaarro anaay ka a ishin furanno qulqullittase a Isira'eeli'iy.

Xuuma Issayyaasi 41:16

Akka ishootta xayyissa, xayxayta ka ishootta haada; puppeeta ka alle ishootta fiita. atti ka Waaqan xasootta; ka ana qulqullitta a Isira'eeli' jeejjatta.

Xuuma Ermiyaasi 26:3

Takka punu idakayan ka piisaniiyyi juppootaaysho oppa ooraneey; anti nefo ka waan ishootta qara' qeeda dikade alle diishaawweey.

Mataafa Masmuureta 85:4

Dinshampaytinno Waaqqo, ino oorshe; ka miira a ino qara' qapatte alle' qaatishe.

Hoose'i 12:1

Samayta Efreemi nama xayxayta qapa faano mina ka kuyyaata piisa qinda piirtota opa kamma xopta dawni ka darta isho nyiraamuma koopsade ka orra Asoori olli kodayteeta kodanni ka piita Kipsi opa sayteeta ekerta erkini.”