Hoose'i 1:2 - Mataafa Qulqulloota

² Waaqa Hoose'ippanne hellaa Isira'eeliti' haasawatta paayye ka ishi' kide, “Samaytiyyo qoota ana Waaqa kapa sekaade ka almaluma akata neeqa koda qara co malla, atti aane ka almalitteese a iskatteeta' heme ka isheettoppa almalewwa hellaa' xaayado.”

Hoose'i 1:2 ပူးပေါင်းရင်းမြစ်များ

Mataafa Otoowwa a lammatta 21:13

ma xoori saanta a nuqussa a Isira'eeli opanne ante ka akkima sanynyeeta Aki'aapi akka Isira'eeleta piisa killanna sakatatto koote mina'e; atti nefo asseewwe akka samayta Yihuta isho a Yursaalami killanna sakatado koote; ka hellaassin a ollin dalatene a qalpeetan ke kapa aaka isho sanynyeeta aappaayshina lesse ka pirte.

Mataafa Masmuureta 106:39

Ka kodaaysho a mattaayshotitin nyalen ka kodaaysho a kodenenne, iskatteeta dahalsannitto pahanaaden.

Mataafa Masmuureta 73:27

A ke kapa sekaanna ipatan; maana malla, atti a ke' amanammi in kinnini' piisa' patinniiy.

Xuuma Ermiyaasi 2:13

Ha samaytiyyo juppoota lakki kode anase paada pisha caatta kodde alle' diishe; ka qaawwa pisha a kaamade ka kelan faqinna issi qotade.

Xuuma Ermiyaasi 2:20

Atti xattaawwe isi qara qampariyyo qeqqepisse; ka haatiyyo isi qudaayye meete. Ka kiite, ‘Anti ke kela'e an orxummo.’ Ka kunkunnawwa a deddera isho paajanna qora piisa kela'e a sharmuutitteeta mina qullatte.

Xuuma Ermiyaasi 2:23

Atti ikiite, ‘An nyalle umma killanna pa'aali kamma pora an keerre’ Ma xoori wa naaba kara koddite matte oorsado; ka wa' koote upnaado. Akka akkooteta kaala a tulafte mina'e arepa ka arepa keerri;

Xuuma Ermiyaasi 3:9

Umma jeera nefo isheetta'en dakaanne, ma dakadda isho qora waaqaysattaanne piita nyalisse.”

Xuuma Hisqeeli 6:9

Ishin oppaayye a toota kela pahe ka piita pila opa poojame, piitase a oppopa poojameneeyye, matte ana oorsadan ka ete ana jippen ka killanna' sakatadeneeyye, a atta kitto akkima ana nyarrahasiisen upnaadan ka nyalaasso isho neequmtaaysho a koden piisa minanne isi nefo jippan.

Hoose'i 2:7

Isheetta kaarayyowwasene kamma pora keerta, umma ishootta in qaqqaapto. Ka pora ishootta faata umma in teyto. Ka oori' kiita, “Toolumiyyo a xatta'ew ana wayyiiy, ana diirtiyyo a xatta' kelopaaw alle' kalo.”

Hoose'i 3:1

Waaqa i'ana' kide, “Isira'eeleta kadi punu killowwa heente kelopa ante ka qoomayta a dalta a wayneeta kalisoota' ishootta' dehasse nefooyye, anti sede qaran desan isheetta jaalanni. Atti aane ka amma nefo iskatteese' xaayti pora almalummitto jaaladoow.”

Hoose'i 5:3

Anti qoota Efreemi desa we' piisan upa, Isira'eeli' nefo ana tura dekatta in ettanisso. Atti Efreemi amma i'almalumte, Isira'eeli'iw inyalte.”

Mariqoosi 1:1

Sede paayyotase a otootase a fayya a qoota Yesuusi a inna Waaqa a Kiristoosi.

Mataafa oppa' Ooreta 31:16

Yaahiwwe ka Muuse kide, “Tin, atti dehaynittoppa'e akka aappadaassina mina toota; samayse ka xa'a ka killowwa a piitase a karopa kalo kara caati sakatattaan nyala; ka alle ana diisha ka kodayteeta an isha olli kodade alle poota.

Petiroosi a lammatta 2:14

Ka iskatta a akken piisa ilda sharmuutumatin tooyni, umma juppoota koda qaatinni in caan; umma xajeeltaaysho a juppoota koda faakni in caan. Ka orra amanteetannen qimmin sassapanni. Ka kaaja kakaabbini. Ishootta orra a jiijame.

Keleshaata 17:5

Fuulaadippaayye maxxa juutota a kiino “Paapilooni a kutta aayya opa sharmuutta isho a nyala piita.” ka taafame.