Efesooni 5:8 - Mataafa Qulqulloota

⁸ Xatta turan ishina a tukkanta, ma amma, qoota a Poqalla' kodditen malla a' la'ayta; semmalla akka orra la'aytoppa kalo mina kallaada.

Efesooni 5:8 ပူးပေါင်းရင်းမြစ်များ

Mataafa Masmuureta 74:20

Kodayteetaayti matta oorsado, piisse qara pora oppa tukkanta kitto piisa oppa tiyyaaw immakaadeey.

Xuuma Issayyaasi 2:5

Ishin sanynyeeta Yayqoopiiyyi, xooya! Ka la'ayta Waaqa oppa' kallaanna.

Xuuma Issayyaasi 42:16

Ka orra a ilda qara' paten pora a pari in upnin oppan aansha, ka saanta in upnin oppan ishoottan aana; ka ishootta tura tukkanta la'ayta' oorsha, ka kurtuptuppa a pora' olmina' oorsha; ka sede piisa anti'iw koda, umma alle'e ishootta an diisho.

Xuuma Issayyaasi 49:6

Waaqa kiini, “Akka kafa Yayqoopi xa'isso'e, ka peela a Isira'eeli' kalisso'e, dinissiyyo ka a porra sessekaati ca qara' kayo'e, anti mankistewwa'en la'ayta' ke koda.”

Xuuma Issayyaasi 49:9

Atti ka a hidameeti' kiita, “Natan kala!” Ka a tukkanta kara caati' kiitaawwe, “La'aytoppopa sooka!” Ikka poroppandesa damta akkadan ka irrowwa lule' qara damta teyan.

Xuuma Issayyaasi 50:10

Ishin oppaayye a Waaqa fuurro, ka afaa orxaytaaditi ajajammo ayno? A la'ayta dape ka tukkanta kara pora anno, a Waaqa amano, a kippeetaadi Waaqa qara' xaayado.

Xuuma Issayyaasi 9:2

Samayta a tukkanta kara kalo, la'ayta a kutta akke; a piita kaatta toota kara kalaati'i, la'ayta ka piire.

Xuuma Ermiyaasi 13:16

A in tukkannin loqqaassin ka irrowwa a tukkane qara in kekkehannin turanne; la'ayta a kippatten ka in tukkannin ka tukkanta daka pahato in koddinin turanne, Waaqa Poqallaassin ulfeessa

Maatiyoosi 3:8

Asseeyye, koda akka a juppootayshin oppa oorten akkinno koda.

Maatiyoosi 4:16

Samaytase tukkanta oppa kaloo la'ayta kutta akke; a piitase a kaatta toota qara pi'e, oppa kalaati'i la'ayta ka piire.” akka dikkatto malla.

Luqaasi 1:79

La'aytose ka orra tukkanta isho kaatta toota kela co piisa la'aya. ka laabbeetinno nefo, qinda pora nakayta opa qajeelsha.”

Luqaasi 16:8

Poqallaadi ka mukissampaytase amanteeta in qapnin ilattayta koddeetaadi peepe. Sede nefo orra Waaqa kapaayye orra piita akkima kallaataaysho a piitatin ilattaya koddene akkinni.”

Yohaannisi 1:9

La'aytase a dukaata nama piisa la'ayno, siti piita qaropa deena qara ca.

Yohaannisi 12:35

Yesuusi ka ishootta' kide, “Amma eta shakkaya kara'e la'ayta ishin kapa caay, akka tukkanta ishin qare in qinnin turan, a la'ayta ishin kapa cooyye pora aana. Nama tukkantoppa pora anno, pora a opa anno in upooy.

Yohaannisi 12:36

Akka hellaa la'ayta' kodditane'e, a la'ayta ishin kapa co oppanneew la'aytoseti amana.” Yesuusi ete sede haasawade kammaayye, i'aane ka ishootta tura dekade.

Yohaannisi 12:46

Nama ana amanno piisa akka tukkantoppa in kallaannini'i, anti la'aytan kodde ka piita qaropa de'e.

Yohaannisi 8:12

Yesuusi ka oppa oorew ka ishootta haasawade ka kide, “Anti an la'ayta piita, nama ana kamma deeno piisa la'ayta caatta'e akkada; umma tukkanta oppa pora in aano.”

Kodampaya 17:30

Semmalla wa orra sapanna xattaati upna mali kode, Waaqa ituffade ka qaran tarpe; amma xoori orra a piitadaappa kalo piisa akka juppootoppa ooro'e ajaje.

Kodampaya 26:18

Akka ishootta ildaasso panta ka tukkantoppa la'aytoppopa ishootta sookisso'e, ka hupna seetana kela Waaqopa ishootta oorisso'en koda. A ishootta ka ana amana minanne, haseenta juppoota akkadan ka orrase ana amane ka qulqllaawe olliiyyi lehanda qoottadan.’”

Roomi 1:21

Ishootta a Waaqa upan kapaayye, ulfeena isho kalata a Waaqumaadi' parpaaccisno isha in daanne. Ka dikattaayshotin paata patta dikaden. Karittase' xaaysho matte paata qapnaanni in kinnin ka lule.

Roomi 13:12

Halkeetta tarpa qara kitta, kuyyaata ka dehaatteey, semmalla koda tukkanta kara kodammo alle' diinna ka mehadda oranna a la'ayta' hidanna.

Roomi 2:19

ka kiini, “Orra a ildaan pate'en pora akkinni ka a tukkantoppa caati'i la'ayta kodde;

Qorontoosi a paayyota 1:30

Waaqa xoori, akka ishina Yesuusi Kiristoosi olli takkumta qapnaattane'e kode. Semmalla Waaqa, akka Yesuusi Kiristoosi ookuminno ka hanqeellumaanno ka qulqullumaanno isho waan ishin furamma' koddo'e kode.

Qorontoosi a lammatta 3:18

Semmalla oori ino, piisantiiyyin fuulinno a qara in dekamminin akka kaawwatoppa tooynaan mina'e, ulfeena Poqallaatin oyna. Ka pahanasene a Poqalla hapura kodde pahanaatta'e ulfeene desa ulfeenopa pursamma.

Qorontoosi a lammatta 4:6

Waaqase haasawade ka kide, “La'ayta a tukkantoppa' la'ayo,” La'aytase a ulfeena Waaqa upnaatta'e, isase pahana Kiristoosin la'ayno, akka ino' daasamo'e isha akka la'aytaadi karittinno kara' la'ayo kode.

Qorontoosi a lammatta 6:14

Orra amanni in kinnin olliiyyi kallaata a parpaaccisni in kinninitin takkumta in qapnaadan. Hanqeeta isho juppoota atta ollin parkuma ettanshan? La'ayta isho tukkanta atta ollin kallaatta ettanshan?

Kelaatiya 5:25

Oton Hapurannen kallaanninnaayye, Hapura kamma anna.

Efesooni 2:2

Ka sitiiyyi saantase a piisseti neeqa kamma annittan ka isase hupnaddasene a hapura xayxaytoppa ca ukkummooti ajajammittan. Isha' nefo hapurase neeqa orra ajajammi in kinnin kara koda koono.

Efesooni 4:18

Mattaaysho itukkane; upna dapnaasso isho kamtoollumaasso minanne caatta Waaqa kapaayye isekaaden.

Efesooni 5:2

Kiristoosi akka ino jaalade ka daassata isho kalisoota alaawnitto ka Waaqa xasannitto isi kode ka daashe mina'e, ishina' kuli asseew jaalalaan kallaada.

Efesooni 6:12

Orannaanno orra ollin ma, mukissampaya ka piddampaya a ukkuumampaya ka a sapanoose a tukkanta, isho hupnada a piisiti; se kideese nefo, xela oranna a hapurra nenneeqa a moonteeyye ca, olin torpininna.

Qolaasiisi 1:12

Ka Waaqa Aappa, isase mankisteeta la'ayta karaayye qulqullowwa olli lehanda qoottattappan ishin kaye, xasan kalataysada.

Qolaasiisi 1:13

Isha hupna tukkanta' kela ino sookshe ka mankisteeta a innaadi a jaalatameeti oppopa ino kalshe.

Tiito 3:3

Ino' nefo setturanne an eeppa a ajajammi in kinnini ka a kamma dape ka a xajeelta ika lekayta isho xasa so'aati karpishshume. Ka falqa ka yootan kallaanna ka needdatame ka oli needdanna.

Yohaannisi a paayyota 1:7

Ma xoori akka isha' la'aytoppa co mina oton la'aytoppa' kallaanninnooyye, oli turaayye takkumta in qapnaanna. Diika innaadi a Yesuusi ka juppootinno piisa oppa ino qulqullaysha.