Efesooni 5:3 - Mataafa Qulqulloota

³ Wa asse pappaha qulqullowwa ettanni in caaneey, wa sharmutuma taaki nyela ika heente taaki qorqommuma paha desa diishema, otootaaysho' nefo ishin oppa dakaatta parpaaccisni in kitto.

Efesooni 5:3 ပူးပေါင်းရင်းမြစ်များ

Mataafa Masmuureta 10:3

Ukkuttoota nama, wa karittaadi xajeella'e jeejjanni; ka hombaallitta' sakni, ka Waaqa jippini.

Mataafa Masmuureta 119:36

Qurqummumaayyo kapaayye, qaaletaayti qaropa ana tiitayshe.

Mataafa Sooketa 18:21

Semaliiyyiiw orra ettanissa qapo ka Waaqa fuurro ka amanammo ka nooddota needdo samaytose piisa oppa reexe; ka shaalaqadda ka motoloqadda ka amsalaqadda isho assiralaqadda ishootta kode ka samayta qara ishootta shuume.

Mataafa Sooketa 20:17

“tika nama pilaati takka nefo in xajeelan, umma iskatteeta taaki orxayta taaki orxayteeta taaki okkaya taaki harrewwa taaki wa a namooseti kodde takkan nefo in xajeelan.”

Mataafa Sooketa 23:13

“Waan anti ishina lele piisa qanqannissa dakkaysada, umma maxxada waaqadda pila pora in halan ikka afaassin oppa in dakaannin.

Mataafa Pahana 28:16

Mukissampayta a dikatta ishi' qaje, karpampayta orra miiddino; a tookta saanta neeqatin deenitto jippino xoori paraadi ideraanni.

Xuuma Ermiyaasi 22:17

Iltaayti ka karittaayti xoori, sassapaan tookta akatta, ka nama a dapa in koonin ikassa ka miiddota isho karpa kodeeta qaropa tiitaawen.”

Xuuma Ermiyaasi 6:13

A shakka ka a kutta piisa tookta juppoota kammaaw pora keeri; qeesewwa isho xuumampaya kuli ka daradaaw kooni.

Xuuma Ermiyaasi 8:10

Semmalla iskattaaysho diirra pilaatin daasha ka dullaasso orra pilaati' daasha; a shakka ka a kutta piisa tookta juppoota kammaaw pora keerri; qeesewwa isho xuumampaya kuli ka daradaaw kooni.

Xuuma Hisqeeli 33:31

Ikka akka orra ollopa deeno mina'e, ke kapopa de'an ka akka samaytiyyo' mina'e, ke tura' kuti'an ka wa a' kiinitta dakayan' Umma in kodan ka afaasso oppa a teyyanna' pahanaadan ka haasawadan; karittaaysho' xoori tooktaaysho qaropaaw tiitaawa.

Mataafa orra Lewi 15:18

Oton diirta iskatteeta olli mukaayye, xorma ka kara urqaayye, a lamatti dakintaaysho pishaan jaqaden; ma xoori haka kalaakalati a nyale'e koddan.

Xuuma Mikkiyaasi 2:2

Dula a faanan nama qara iteyyanni, tika a xajeelen kuli asseew nama qara irreetan quu'anni, umma namumayteeta nama' tooytaanni in caan ka wa qapa' piisa tura saranni.

Mataafa Dikoota 25:1

A Isira'eeleta Shitimi kara safarteeyye, diirraasso iskatta Mo'api'i dahalen.

Maatiyoosi 15:19

Maana malla, nama kareela, dikatta neeqa ka nama ikassa ka dahalta ka sharmuutuma ka hatanta ka darta maakkuma ka maxxa nama pattissa sookniiy.

Luqaasi 12:15

Ka se kammaayye orra piisa kide, “Caatta nama teyantaadi a koopte kapanneey, tooytaada ka qurqummuma kapa sekaada.”

Luqaasi 16:14

Feresaata, qoota kaaja jaalannito malla, waasene a Yesuusi haasawade piisa dakayte ka isha qara seeste.

Kodampaya 15:20

Se kapaayye in ishootta taafna ka kiina, ‘Damta a killana kalisoota kalshen ikka nyalte, in daman; sharmuutuma kapa sekaada. Ka horeeta a in qalammin diika ka kara in tuqmannin a siibsamte ka toote, so'adi in daman ka diika nefo in ikan.’

Kodampaya 20:33

Anti pirreeta ka warqeeta isho mehadda a kalsannaane anama takka' nefo an xajeelle.

Roomi 1:29

Semmalla ikka ishin dapayta ka neequmta ka qurqummuma ka falqa ka yoota ka nama ikassa ka peeqqa ka sassapa ka xajeelta neeqa piisan immakaaden. Ka namaaw pora haasawni.

Roomi 16:2

Isheetta' qoota ana isho orra pila' lekayta qaarqaarte malla, akka hellaa a kiristaana' xaykitta' teyyatta ishootta parpaaccisnitto mina'e, akka maxxa Poqallaatin isheetta teyyattan ka wa isheetta parpaaccisna piisan isheetta qaarqaartanen atara ishina' kiini.

Roomi 6:13

Umma meella a dakintayshina meeha falqati in kodan. Ka juppoota'en piddaccisan. Se kapaayye, a tootoppa xa'e ka caati isi koda ka Waaqa isi daasha. Ka meellaassin a dakinta piisa mehadda hanqeellumaati koda ka Waaqa piddacciisa.

Qorontoosi a paayyota 10:8

Ishootta oppaayye orra demo akka sharmuutume, se minan' kuyyaata takka oppa' nama kuma kunda lakki sessa ka ishoottoppa pirame mina'e, ino sharmuutuma diinna;

Qorontoosi a paayyota 5:1

Akkima manynyeeruma ishin oppa co, itorraammi. Umma manynyeeruma asse paho orra a Yihutaata in koddinin' nefo oppaayye in co. “Nama lammitteeta aappaayshoti olli mukno ca” kidammi.

Qorontoosi a paayyota 6:13

“Damta, karitta'e kitta, karitta ka damta' ca.” Ma Waaqa damta isho karitta kuli pashsha; dakintinno qoota Poqalla Yesuusi' kitto, Poqalla Yesuusi ka dakintinno' co malla, dakintinno sharmuutuma' daassata ino parpaaccisni in kitto.

Qorontoosi a paayyota 6:18

Semmalla sharmuutuma kapa sekaada; juppowwa a pila a nama koona' piisa, dakintaadiiyyi laka tule koddini; nama sharmuutummo xoori, dakintaadippa'e juppoota kooni.

Qorontoosi a lammatta 12:21

Oton amma ishin kapopa tiitaawnooyye, “Takka punu Waaqiyyo ishin tura'e ana jeershan” kiini ka fuurri. “Orrase turan juppoota kode ka nyaloosen ka sharmuutumose isho seera dapeetaaysho oppa in oorrin minannen, nyarrahata qara' pi'an” kiini ka fuurri.

Efesooni 5:12

Wa orra tukkanta kara kalo dekandekatti koonaati desa haasawatta jeera.

Efesooni 5:5

Dahalmayta taaki dahalmayteeta taaki a nyela koono, taaki yooyompayta se kideese' nefo, a killanna waaqaysanno akka mankisteeta Kiristoosi isho a Waaqa oppaayye lehanda in akkannin upnaada.

Filippisiyuusi 1:27

Ishina' xoori akka otootase a fayya a Kiristoosi parpaaccisnitto qara' kallaada; sitiiyyi oori kadin punu de'a ka ildaan ishin akkaayye, taaki ishin kapa sekaada ka qootaayshinaayye desa dakayna nefooyye, akka hapura takka qara kokkonnaatten ka qa'atten ka karitta takkan amanteeta otootase a fayya orra qaran kaya' soonnittan in upnaada.

Qolaasiisi 3:5

Semmalla xajeeltase xaayshin a piita' piisa leysha. Ishootta nefo, sharmuutuma ka nyela ka xajeelta sharmuutuma ka neequmta karitta ka qurqummuma sene killanna waaqaysatta kodde.

Teseloonqe a paayyota 4:3

Heenna Waaqa akka ishina qulqullaawtan ka sharmuutuma kapa sekaattan.

Teseloonqe a paayyota 4:7

Waaqa akkan qulqullumaan kallaanno'e ino hale diisheey, akkan nyelaan kallaanno'e ino in haleene.

Timotoosi a paayyota 2:10

Iskatta a kiino Waaqan waaqaysanni, akka parpaaccisnitto qara'e, a koda paxaara kodeetan isi siro.

Timotoosi a paayyota 3:3

a maashshoonni in kinnin, a paata shiishni in kinnin ka tajjanta kodde, a peeqqa jaalanni in kinnin ka kaaja jaalanni in kinnin;

Timotoosi a paayyota 6:10

Sede nefo qoota kaaja jaalatta, paada neequmta piisa' kodde malla; orra demo a kuttati kaaja fade ka saanta amanteeta' qara maqqe ka nyarrahata lekayteetan isi miidde.

Timotoosi a lammatta 3:2

Orra, a issiiw jaalanno ka a kaaja jaalanno ka a issi jeejjino ka ispeepno ka a orra pora onno ka a toollaassoti ajajammi in kinnini ka a kalata in qapnini ka a qulqulluma in qapnini

Tiito 1:11

Sene jaw ki'issa parpaaccisni; ishootta' tookta jeera akkatta malla wa kollissa ishootta parpaaccisni in kinnini kollinni ka toolla piisa pulliiyi.

Tiito 1:7

Saara tika kiristaana' qoota koda Waaqa atara teyyade malla, a qaja in qapnin kodda isha faani ka a isi jeejjini in kinnin ka a irra qara miironni in kinnin ka a maashshoonni in kinnin ka a peeqqampayta in koddinin ka a kaaja kammaaw keerri in kinnin kodda isha faani.

Tiito 2:3

Akkimose' mina'eew iskatta a qime a qalpeetaayshotin Waaqa fuurra ka pora nama haasawni in kinnini ka ikkayta kamma' kammi in kinnini ka a kollissa dukaata' kollinna, akka koddane'e, ishootta dehaame.

ipro 12:16

Nama a sharmuuta kodde, taaki a Eesaawi mina amanteetaadi alle' diishe ka damta eta takka' malla qartumaadi kate akka ishin oppa in kinnaannini'i, tooytaada.

Mataafa Iyyaasu 7:21

mehaddasene an sarre oppa ohaata takka a orra Paapilooni paxaara ka dakara pirreeta kiilota lakki isho warqeeta a kiilota quda paka kayto ana puujjayshe anka teyyade ka tukkaniyyo kela dakara pirreeta xati kela qattishe ka piita kela hawle.”

Petroosi a paayyota 5:2

Xellootase a Waaqa, atara ishina' daasamte siksha. Oto xelloose sikinnittaneeyyeew, irreetan in koddinin ma, akka Waaqa faano qara'e a heennan koddito. Umma yoota kaajatinnin ma, heenna a koda koda' qaptaneetin koddito.

Petiroosi a lammatta 2:10

Xawwi desa sene sharmuutumaaysho a nyale kamma anna ka hupna ukkumeeta a Waaqa tuffanna'e firteetan asa. Kollissampayoosen a darta qoota maxanyawwa ka ispeepampaya kodden malla, oto hupna ukkumeeta amoonta onnaaneeyye, fuurri in caan.

Petiroosi a lammatta 2:14

Ka iskatta a akken piisa ilda sharmuutumatin tooyni, umma juppoota koda qaatinni in caan; umma xajeeltaaysho a juppoota koda faakni in caan. Ka orra amanteetannen qimmin sassapanni. Ka kaaja kakaabbini. Ishootta orra a jiijame.

Petiroosi a lammatta 2:3

Kollissampayoosene a darta qoota kaaja kamma kakkapnaan malla, torra a mattaayshoti sookshene'e pora torrini ka ishin sarri; sapanna lekaya turanne firteeta ishootta harmisamte, pateetta ka dukaatan ishootta asanni.

Keleshaata 2:14

Ma xoori, we takkan takkan an ke qara' puyanna'en qapa. Sede nefo, orra kollissa Pele'aami qapade takka takka otantaayshin oppa ca. Pele'aamise nefo akka samayta Isira'eeli damta killanna kalsamte dameetanne ka sharmuutuman, kehaysado'e isha Palaaqi dehaame.

Keleshaata 2:21

akka juppootaadippa oorto'e, eta in isheetta' daashe. Isheetta xoori sharmuutumaadippa ooreeta in heennaanne.

Keleshaata 21:8

Ma xoori, fuurampaya ka a amanteeta in qapnini ka a nyale ka a nama ikanna ka sharmuutta ka a kodkodda kodanna ka a killanna kodanna ka dartampaya piisa, qeraytaaysho pakateetase a apitta. Isase a daka apitta oppa opayno oppa kodda. Sede nefo tootase a lammatta.”

Keleshaata 22:15

A kutta mina pakkaloode ka kodkodampaya ka sharmuutta ka a nama ikanna ka a killanna kodanna ka a darta jaalanna ka pora darta koona, katamaseneti laka tula caan.

Keleshaata 9:21

Umma nama ikassa ka kodkoda kodatta ka sharmuutuma isho hatantaaysho kammaayye in oorre.

Mataafa Saamu'eeli a paayyota 8:3

Hellaadi xoori saantaadippanne in anne tookta ishootta in parpaaccisnin akkatta'e saanta qara maqqen. Ka nooddota teyyanni ka dukaata qindandesa quu'ini.