Efesooni 5:2 - Mataafa Qulqulloota

² Kiristoosi akka ino jaalade ka daassata isho kalisoota alaawnitto ka Waaqa xasannitto isi kode ka daashe mina'e, ishina' kuli asseew jaalalaan kallaada.

Efesooni 5:2 ပူးပေါင်းရင်းမြစ်များ

Mataafa Uumata 8:21

Aluma a kalisootaseti ka Yaahiwwe xasayshen, Yaahiwwe ka isi karanxata dikade ka kide, “Nama kadi punu a shakki paayyeew dikatta neeqa qapaayye, amma desa dapa nama' malla piita an jiijo. Umma akka amma' mina'e, lammatta uumata piisa an pashsho.

Mataafa Sooketa 29:18

Ka so'a laahaseti piisa pora kalisoota qara kupe; sede ana Yaahiwwe'e kalisoota a kupannitto kodditaay ka kalisoota a ana Yaahiwwe dehaatte a apittoppa kupnaan a aluma paxaara qapto ana kodditaay.

Mataafa Sooketa 29:25

A sekkammaayye harkaasso oppa qeede ka kalisootase kupannitto olinni pora kalisoota qara'e, kalisoota ana Yaahiwwe alaawnitto kode ka kupe; sede ana Yaahiwwe'e kalisoota apittoppa kupeetan kallitto kodditaay.

Mataafa orra Lewi 1:13

Namase dehaanno a hoppatta isho loqqa horeeseti pishaan jaqo; qeesitta ka meellaadi piisa porase a kalisoota qara kupo; kalisoose nefo kalisoota a Yaahiwwe alaawnitto ka isha xasannitto a apittan dehaannitto koddita.

Mataafa orra Lewi 1:17

Ka tupa xoolla qapo ka lakki kaa'o; ma olkela in mittinin; ka porase a kalisoota qaraayye qorasene apitta qara ca qara kupo; sede nefo kalisoota a Yaahiwwe alaawnitto ka isha xasannitto a apittan dehaannitto koddita.

Mataafa orra Lewi 1:9

Namase dehanno a hoppatta isho loqqa horeeseti pishaan jaqo; qeesitta ka meellaadi piisa porase a kalisoota qara kupo; isheetta kalisoota a Yaahiwwe alaawnitto ka isha xasannitto a apittan dehaannitto koddita.

Mataafa orra Lewi 3:16

Qeesitta ka kalisoota a damta a apittan dehaannitto a alumaadi Yaahiwwe alaawnitto ka isha xasannitto kodo ka pora kalisoota qara kupo; hallaaka isho moora piisa a Yaahiwwe.

Xuuma Amoosi 5:21

Waaqa ikiini, “Xaysonessuma a' paroppa kodannittane' piisa i'ana' tiiten anka needdade; sede a ana Waaqaysatta ollopa deenittan' nefo ana xasanni in kitto.

Mataafa Dikoota 7:21

Ka kalisoota a kupannitto'ew xorma takka ka laha takka ka haaritta laha a para takka pire takka,

Maatiyoosi 20:28

Akkimose mina'ew, inna a nama orra kela orxuma ka orra lekaytan paha'e toota isi daassata de'en diisheey, akka isha kela orxumane in deene.”

Yohaannisi 13:34

Akka oli jaalattane'e ajaja haarayan ishina' daanni, akkan anti ishin jaalade; mina'e ishina asseew oli jaalada.

Yohaannisi 6:51

Laaqqota a moonte xata lekkatte ka caatta daannitoo ana. A Laaqqose quda dammo piisa haka paraparati kallaada. Akka orra piitati caatta koddito'e, laaqqota an anti daanno so'ayyo.”

Roomi 15:16

Wa malla daassase ana' daasamte nefo, otootase a fayya a Waaqa, orra Yihutaata in koddinini torraanne, akkan a qeesitta mina Yesuusi Kiristoosi kela koda kodo malla. Sede nefo orra a Yihutaata in koddinini akka a Hapura Qulqullootan qulqullaawo ka kalisoota a Waaqa xasannitto koddaan dehaado mallan.

Roomi 4:25

Poqalloosen xanno Yesuusi, isha juppootinno malla toota turopa tuukkame ka ino hanqeellassa malla tootoppa xa'e.

Roomi 8:3

Nukkulluma a qalpeeta nama qaran xaate'e, wa a seera koda malaale'e, Waaqa kode. Ka juppoota minan innaadi a mattaadi, pahana a juppoolayta namatin erke ka dakintaadin juppoota qara' farate ka pashshe.

Roomi 8:37

Semmalla oori Kiristoosise ino jaaladenne wossen piisa puteetannen a pute' piisa qara qapna.

Qorontoosi a paayyota 16:14

Ka wa' koonittane piisa jaalalaan koda.

Qorontoosi a paayyota 5:7

Akkima amma haddaya mali kittan mina'e, akka' puullota haraya a oppa haddaya in kinnin kodditane'e, haddaya jare alle' maysha. Laahase xanno a qaran tarpeeta Kiristoosi iqalameey.

Qorontoosi a lammatta 2:14

Ma xoori, Waaqase awta piisa Kiristoosi qudan putampaya' ino koono ka inon anno ka akka shittoota alaawnitto mina'e upna an qoota Kiristoosi desa qapna akkan pora piisa oppa' kaytinno inon koono, a kalata isha kayo.

Qorontoosi a lammatta 2:15

Ino orra dinno isho a pannooti'i, tankarta alaawnitto mina'en, Kiristoosin Waaqa' dehaanne.

Qorontoosi a lammatta 8:9

Ishina daassatase a Poqallaanno a Yesuusi Kiristoosi i'upnaatten. Isha kadi punu teyantoolayta koddeeyye, ishin malla teekolayta kodde; sede nefo wa malla asse kode koddeetadin akka ishina teyaantolaya kodditan malla.

Kelaatiya 1:4

Kiristoosi sapanoose are neeqa kela akka inon paho'e, heenna a Waaqa aappinnotinni juppootinno malla isi daashe;

Kelaatiya 2:20

Anti qootan Kiristoosi olli fannisame malla, arepa desa Kiristoosi ana kara' kallaanni diisheey, anti an kallaanni an co. Amma sede an are dakintiiyyon kallaanno, innasene, a Waaqa ana jaalade ka toota isi daashe, amaneetannen kallaanni.

Efesooni 1:4

Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Efesooni 3:17

Ka akka Kiristoosi amanteetan karittaayshin kara kinnaado, akka hittina katattan ka a jaalalaan kokkonnaanna kodditane' qinsanni.

Efesooni 3:19

Ka jaalaloosene a Kiristoosi upna nama' qaropeela ca akka upnaattan ka immakkoota Waaqa piisan immakaattoppa kaytane'en qinsanni.

Efesooni 4:15

Sekapaayye, dukaatan jaalalan haasawanna ka we' piisan Kiristoosise matta kodde opeela kuttanna.

Efesooni 4:2

Jaalalaan oli kela duupada ka awta piisa naaluma ka tajjanuma isho oli haadattaan kallaada.

Efesooni 5:15

Semmalla akka orra ookuma qapo diisheey akka orra ookuma in qapnin mina'e akka a' kallaannini'i, akka kallaannittan qanqannissa isi tooytaada.

Efesooni 5:25

Ishina' diirraayyeew! akkima Kiristoosi tika kiristaana' jaalade ka isheeta malla isi daashe mina'e, ishina asseew iskattaayshin jaalada.

Mataafa oppa' Ooreta 27:6

ka dakadda a in xefamminitinni, Yaahiwwe Waaqaayshina'e pora kalisoota koda ka qara'e kalisoota a kupannitto dehaysha.

Filippisiyuusi 4:18

Daassatase xaayshin a ana erkiten, a ana parpaaccisnitto ka a ana' parpaaccisnitto qaropa koddite, Eppaafrodituusi qara in teyyade; daassatose' xaayshin nefo, akka kalisoota a alaawnitto mina'e Waaqa teyyada ka ishin xasooda.

Qolaasiisi 3:14

Se piisa qaropeelaaw, jaalalasene we' piisa ollopa qapna ka takkumta immakkoota qeenna uwwisada.

Teseloonqe a paayyota 4:9

Qoota oli jaalattati desa qoota mattaayshina Waaqa kapa kollatten malla, qootoseti desa akka nama takka nefo ishina' taafo parpaaccisnin kitto.

Timotoosi a paayyota 2:6

Orra piisa juppootoppa furatta'e a kaaja wetin furannaaneti isi kode ka isi daashe isha. Sede nefo, ete etaadi a dukaata kayteeyye, qoota dinissa Waaqati desa maakkummi.

Timotoosi a paayyota 4:12

Qoota' xayyoolayse koddite malla, nama ke in puyannin ma se kapaayye, haasaanne ka kallaatanne ka jaalalaanne ka amanteetanne ka qaja dapeetanne, orra amanno' pahana a pxaara' kodde.

Tiito 2:14

Kiristoosi, akka ukkuttuma piisa kela ino furado ka akkan samaytaadi koddino ka a koda paxaara piisa kodeeta yaatanna' koddino'e, ino jaqqeeta malla toota isi daashe.

ipro 8:3

Saarra qeesewwa' piisa daassata isho kalisoota kalissa malla shuumammi. Se malla qeesittose' nefoow, wa kalsha takkan qapnaatta isha faani.

ipro 9:14

hapura parapara qudanne diikase a Kiristoosi, a isase, kalisoota a nyala in qapnini isi kode ka Waaqa isi dehayshe, akkan caattampayta Waaqa' kela koda koono'e, desa atta kulii a qaran qapto'e koda paata patta a juppoota oppaayye dikattinno a karan xata jaqqaaw!

ipro 9:23

Semmalla wossen wa moontati' pahana kodde' piisa, saanta asse pahatonne qulqullaawa ishootta parpaaccisni. Wa moonte ca' xoori, kalisoota a sede qara qapton qulqullaawa ishootta faani.

ipro 9:26

Kadin sede qara kiiteeyye haka piita uumamte paayyatte, a lekatinni rakkoota teyyatta isha parpaaccisni heente. Amma xoori, piraampira sapanna' qaraayye, juppoota patissa'e takkan kalisoota isi kode ka akkaade; umma sede oppa' oora in qapto.

Petroosi a paayyota 4:8

Jaalala qoota juppoota lekayteeta akka diisamto' koonaan malla, we' piisa qaropeela a kuttati oli jaalada.

Yohaannisi a paayyota 3:16

Sede a Yesuusi Kiristoosi caattaadi ino malla toota' daashennen jaalala maana akka kodden upnaanninna. Ino nefoow hellaanno a kiristaana malla caattinno toota' daassata ino faani.

Yohaannisi a paayyota 3:23

Ajaja Waaqa akkan maxxa innaadi a Yesuusi Kiristoosi amanno ka akka Kiristoosi ino ajaje qara'e, oli jaalanno.

Keleshaata 1:5

ka Yesuusi Kiristoosi, isase maakkitta amaname kodde ka tootoppa xaanaan' qaarta kodde ka nuqussa piita' mukinno ka ino jaalanno ka juppootinno oppa diikaadin nata ino sookshe kapaayye, daassata Waaqa isho nakayta a ishina' kodden.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.