Efesooni 4:6 - Mataafa Qulqulloota

⁶ A piisa qaropeela co ka piisa kara koda koono ka piisa kara kallaanno, isase aappa opa we' piisa kodde, Waaqa takkayta ka caaw.

Efesooni 4:6 ပူးပေါင်းရင်းမြစ်များ

Mataafa Uumata 14:19

Ka Apraami' sake ka kide, “Waaqase kutta piita ka moonta uume a Apraami' sako.

Mataafa Masmuureta 95:3

Maana malla, Waaqa Poqallaanno, Waaqa kuttaay; waaqadda piisa qaropa, nuqusa kuttaay.

Xuuma Issayyaasi 63:16

Atti a aappinno, kadi punu Aprihaami ino in upniniiyyi, Isira'eeli ka matte ino in qapniniiyyi, xattaaw a ino furanno a aappinno kodde Waaqqo ke ini maxxaayti.

Xuuma Milkiyaasi 2:10

Atana ino pisantiiyyi an hellaa aappa takka? Waaqa takka ino piisa uumen kida? Ka kuli maana mallan oli sassapanninna ka kodayteetase a Waaqa aappadaanno olli kodade kamma dapninna?

Mataafa Dikoota 16:22

Muuse isho Arooni xoori piitopa seehen ka fuulaaysho piitan kayen ka qinsaden ka kidene, “Oo Yaahiwwe, ke a hapura a to'ampayta nama piisa qara Waaqa Poqalla kodde Yaahiwwe, hela qoota nama takka juppoota kode minanne samayta piisa qara miirootta?”

Maatiyoosi 6:13

Isase neeqa kela inon pahe diisheey, ekkaysumaappopa in kalshan [Mankisteeta ka hupna ka ulfeena, haka paraparati'i xaaytiiw. Ameen.’]

Maatiyoosi 6:9

Semmalla ishina qinsada ka kida; ‘Aappo xanno ke a moonteeyye kalo, maxxaayti a qulqullaawo.

Yohaannisi 14:23

Yesuusi ka ishi oorshe ka kide, “Nama ana jaalanno, qaaletiyyo tooytaanni; Aappinno nefo ka isha jaalanni; ino ka isha kapopa deena ka isha olli kallaanna.

Yohaannisi 17:26

Jaalaloosen a atti anan jaalatte, akka ishootta qara kinnaadan, anti ka ishootta kara kinnaado'e, ishootta akka ke upnaadane'e in kode. Ka akka ke upnaadane' koda.”

Yohaannisi 20:17

Yesuusi ka isheetta' kide, “Anti ata Aappinno kapopeela an anneey, ana quda in kokan ma hellaanno kapopa aane ka ishootta' kide, ‘Yesuusi ikiini, anti isase Aappinno ka Aappaayshin kodde ka Waaqiyyo ka Waaqaayshin kodde kapopan moontopa fayyada.’”

Roomi 11:36

We' piisa isha qudaaw teyaden ka ishanneew kodden ka isha'ew kodden, haka paraparati a ulfeena isha kayo, Ameen!

Qorontoosi a paayyota 12:6

Kodadda kodamma ika lekayta ca; a piisa kara we piisa koono xoori Waaqa takkaytaaw.

Qorontoosi a paayyota 8:6

Waaqinno xoori A we piisa uume ino ka xaadi koddine Waaqa aappa takkayta patta. A we piisa ishan uumamen, ino ka ishan kallaanninno, poqallaanno yesuusi kiristoosi takkayta patta.

Qorontoosi a lammatta 6:16

Tika qulqulloota a Waaqa killanna olliiyyi, olli' kalayta maana'e qapta? Waaqa akka haasawade ka kide, “Ishootta oppa'en kallaada ka ishootta oppa pora aana, ka Waaqaaysho' kodda, ishootta ka samaytiyyo koddan.” mina'e, ino takka takkaayye an tika qulqulloota a caattampayta Waaqa.

Efesooni 1:21

Waaqa Aappa ete Kiristoosi moonteeyye harkaadi a akkittati' kutiisheeyye, mukissa ka ukkumeeta ka hupna isho poqluma a piisa qaropa jaallo ishi' daashe. Ka piisse are kitto pattoppaayyen ma, piita ituropa deenitto kuli oppaayye maxxa ulfeessame a piisa qaropa qapo ishi' daashe.

Efesooni 2:22

Ishina'ew tika a Waaqa hapuraadin kara' kallaanno kodda'e takka oli tura Kiristoosin qupammittan.

Efesooni 3:17

Ka akka Kiristoosi amanteetan karittaayshin kara kinnaado, akka hittina katattan ka a jaalalaan kokkonnaanna kodditane' qinsanni.

Efesooni 6:23

Waaqa Aappa ka Poqalla Yesuusi Kiristoosi kapaayye nakayta ka jaalala, amanteeta ollin a hellaanno a kiristaanati' kodden.

Mataafa oppa' Ooreta 6:4

Samayta Isira'eelitiiyyi dakkaysada! Yaahiwwe waaqinno takkayta pattan Yaahiwwe.

Yohaannisi a paayyota 3:24

A ajaja Waaqa' tooytaanna' piisa Waaqanne kallaanni; Waaqa ka ishoottan kallaanni. Waaqa akka ino kara' kallaanno, hapurase a isha ino' daashennen upnaanninna.