Efesooni 4:4 - Mataafa Qulqulloota

⁴ A' halaamteneeyye akka kippeeta takka' halaamten' mina'e, dakinta takka ka hapura takka ca.

Efesooni 4:4 ပူးပေါင်းရင်းမြစ်များ

Mataafa Masmuureta 122:8

Hellaanno ka xeliyyaayyo malla, ammikkin kida, “Ke kara' nakayta a koddo.”

Xuuma Ermiyaasi 14:8

oo ke a kippeeta Isira'eeli kodde; ka eta rakkootati ishoottan pahano, maana'e piitinnoppa haptitta koddini? Ka nama apore anno, a halkeetta takka mukitta ela maqe koddini?

Xuuma Ermiyaasi 17:7

“Ma xoori, nama Waaqa amanno, ka kippetaadi isha qara xaayade, oo xaadi maana oloode!

Maatiyoosi 28:19

Semmalla oori aana ka orra piita piisa maxxa aappa ka a Inna ka a Hapura Qulqullootatin jaqqa Ka tamaarewwaayyo koda.

Kodampaya 15:11

Ino akkiman a xaaysho mina'ew, daassatase a Poqalla yesuusin dinninno in amanninnaay.”

Roomi 11:29

Waaqa ete reexade ka daassataadi daashe kammaayye, koda a kode oppaayye dikattaadi purinni in co.

Qorontoosi a paayyota 10:17

Qoota laaqqose takkayteeta koddite malla, ino ka laaqqose takkayteetaaw oltura moossanninno malla, kadin punu lekinnaayye, ino an dakinta takka.

Qorontoosi a paayyota 12:20

Amma' xoori, kadi punu meella lekaya caaneeyye, dakinta xoori takkaaw.

Qorontoosi a lammatta 11:4

Kadi nama takka ishin kapopa deena ka Yesuusise an ino' torrine maliiyyi a pila ishina' torraayye, taaki hapurase a' teyyatten mali a pila' teyyannittaneeyye taaki otootase a fayya a' teyyatten mali a pila' teyyannittaneeyye, jawi' kiiten ka putamten kideeta.

Efesooni 1:18

Kippeeta a atta pahato'e akkima' halaamten ka lehnasene ulfeessame a qulqullowwa lehaadane a atta kitto akkima kutti, akka upnaattane'e, ildaassin a karan xata akka ishina' panamane'en qinsanni.

Efesooni 2:16

Ka masqalase' xaadi a paarkaaluman haattishenne, Ishootta lakki dakinta takka' kode ka Waaqa olli araarshe,

Efesooni 2:18

Ino' pisantiiyyi isha qudanne hapura takkan Aappa kapopa dehaatta in ettaninna.

Efesooni 2:22

Ishina'ew tika a Waaqa hapuraadin kara' kallaanno kodda'e takka oli tura Kiristoosin qupammittan.

Efesooni 4:1

Semmalla anase Poqalla kela koda kodeetiiyyo minan hidame, wa malla halaamteneti'i akka caatta parpaaccisno kallaattane'en ishin naappanni.

Efesooni 5:30

Ino'ew an meella dakinta Kiristoosi.

Qolaasiisi 1:5

Isase' qaaleta dukaata' koddite, otoose a fayya ete paayyota ishin qara kayteeyye, kippeeta a kara kitto iddakayten. Semmalla amanteetaayshin isho jaalalaassin kippeese moonta ishina' harmisamte ka eeyye ishin asannito qara'e qa'aden.

Qolaasiisi 3:15

Wa malla dakinta takka kodditen ka halaamtene, nakaytoseti'iwwiiy, nakayta a Kiristoosi a karittaayshin kara' nuqusumo ka a kalataysanna' kodda.

Teseloonqe a lammatta 2:16

Mattaadi'i, Poqallaanno Yesuusi Kiristoosi isho Waaqa Aappinno, isase ino jaalade ka daassataadin xasa oorsatta a parapara isho kippeeta paxaara ino' daashe,

Timotoosi a paayyota 1:1

Ana Pawloosi isase ajaja a dinshampaytase' xanno a Waaqinnotin ka kippeetase' xanno Yesuusi Kiristoosinni, erkamampayta Yesuusi Kiristoosi kodde kapaayye,

Tiito 1:2

Amanteetose kippeeta caatta parapara' qara'e qa'atte, Waaqase darta kooni in kinnin ka akka caattose ino' daasho'e a etaan paayyannin turanne qaaleta ino' kale;

Tiito 2:13

Seden oori, kippeetase' xanno eeppisamte, deenasene a ulfeena a Waaqase' xanno kuttati a dinshampaytase' xanno a Yesuusi Kiristoosin asanna.

Tiito 3:7

Sede nefo wa malla asse kode, akkan daassataadin hanqeellummo ka caattase a parapara an kippeetan asanninno, lehaanno malla.

Petroosi a paayyota 1:21

Akka Waaqa amantan ka isha kippattane'e Yesuusi qudanne Waaqase tootoppa isha xaashe ka ulfeena ishi' daashe' kippannittan.

Yohaannisi a paayyota 3:3

Akka sede koddito'e nama Kiristoosi kippanno piisa, akka Kiristoosi qulqullaawe mina'e isi qulqullanni.