Efesooni 4:3 - Mataafa Qulqulloota

³ Nakaytan oli qapada ka takkumtase Hapura Qulqulloota kapa teyannitto tooyta' japaada.

Efesooni 4:3 ပူးပေါင်းရင်းမြစ်များ

Mataafa a Nuqussa a paayyota 16:21

Sekkammaayye samayta Isira'eeli lakki'i qite. Paka takka Tipiini inna Kinaati nuqusumissa'e isha quda kodde. Paka takka'ew Omiri quda kodde.

Mataafa Sooketa 28:32

Pora matta kallsatta ishi kode ka akkima minaxata in tiirammini'i, kamaaraadi a xolma qeppishe ka qarandesa qubbaanse.

Mataafa Dehaamta 4:12

Nama oton nama takka a xawwaati co qiiniiyyi, isha puta i'ettansha; ma oton lakki kayaneeyye, takka ka ishootta qiiniiyyi, isqara ikkisatta i'ettanshan; kinjatta sessa a olquda' soohen tapo' mittammi in co.

Mariqoosi 3:24

Mankisteeta takka oto lakki olli qitto ka oli torpinittooyye, kallaanni in kitto;

Yohaannisi 13:34

Akka oli jaalattane'e ajaja haarayan ishina' daanni, akkan anti ishin jaalade; mina'e ishina asseew oli jaalada.

Qorontoosi a paayyota 1:10

Hellaanno a kiristaanatiiyyi, olli' qiteeta ishin oppa in kinnaannin. Piisani olli' kala ka dikatta takka ka karitta takka qapnaada ka kallaadan kiini ka maxxa Poqallaanno a Yesuusi Kiristoosin ishin naappanni.

Qorontoosi a lammatta 13:11

Arepadesa hellaanno a kiristaanatiiyyi! Nakaytan cada. Ka qaja mali kallaada ka dehamiyyo dakaya ka afaa olli' dakaya ka nakaytan kallaada. Waaqase a jaalala ka a nakayta ishin olli caadaay.

Efesooni 4:13

Ka akkan inna Waaqa amaneeta ka upnaatta qudan takkumtase amanteetan teyaannitto oppa kayno ka akka Kiristoosi immakkoota kodde ka qaja in qapnin mina'e, ino' kuli immakkoota koddino malla.

Efesooni 4:4

A' halaamteneeyye akka kippeeta takka' halaamten' mina'e, dakinta takka ka hapura takka ca.

Teseloonqe a paayyota 5:13

Qoota kodaayshoti malla, jaalalaan a kuttaatin ishootta ulfeessa ka ishina nefo, nakaytan ollin kallaada.

ipro 12:14

Qulqulluma mali nama takka nefo poqalla akkeeta ettaninni in cooy, nama piisa olliiyyi nakaytan kallaada ka qulqullumaan kallaatta' japaada.