Efesooni 4:2 - Mataafa Qulqulloota

² Jaalalaan oli kela duupada ka awta piisa naaluma ka tajjanuma isho oli haadattaan kallaada.

Efesooni 4:2 ပူးပေါင်းရင်းမြစ်များ

Mataafa Masmuureta 138:6

Waaqa kadi punu moonte caayye, a xata shakkade'e tooyyanni; ma xoori, lakaddesa jeejjolaya upnaanni.

Mataafa Masmuureta 45:4

Dukaata ka naaluma ka hanqeelluma malla kide ka kuttumaattin putaymaan kulufe; harkaayti a akkitta ka daxxowwa kodo.

Mataafa Pahana 16:19

A isi peepna olliiyyi poojeta qoottatta kapaayye, hiyyeessa olliiyyi isi shakkissa waayyi.

Mataafa Pahana 3:34

Isha a nama qara lelanna qara lelanni; a matta shakkinnaati' xoori, daassataadi daanni.

Mataafa Dehaamta 7:8

Paayyota a we takkane kapaayye, piraampiraaysho'e wayyi; nama a isi jeejjino kapaayyeew nama a duupanno wayyi.

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Sofooniyaasi 2:3

Ishina piita qara' kallaanna ka ajaja Waaqa' tooytaanna ka naalaya kodde' piisantiiyyi, Waaqopa tiitawa ka hanqeeta koda ka koda naalum kamma aana, kuyyaase a Waaqatiiyyi, takka punu miiraadi kelaayye ippahataneey.

Xuuma Sakkaariyaasi 9:9

Atti enenta Siyyooni, akata xasoodo! Atti enenta Yursaalami, xasan ililiwe! Ha nuqusase' xaayti hanqeellayta ka dinshampayta isha naalayta kodda ka harreeta qara' kuti'a, innayya harreeta qara'e kuti'a ka qaraayye ke kapopa de'a.

Mataafa Dikoota 12:3

ma Muuse orra piita qara kalo qaropa a kuttati'in naalayta.

Maatiyoosi 11:29

Qanpariyyo xaysada ka ana kela kollada; anti an tajjanta ka an naalaytaay, napseetaayshina nessuma akkattan.

Mariqoosi 9:19

Yesuusi ka ishootta kide, “Ishina orra amani in kinninitiiyyi, haka aytamiti'in ishin olli kallaada? Ka haka aytamiti ishin kela duupada? Intoonnooy, innoosen ana kapopan xooyaay.”

Kodampaya 20:19

Sullaata a Yihutaata minanne, kati punu rakkoota ana qara kayte nefooyye, naaluma immakoota isho ilmaamaannen Poqalla koda kooni.

Roomi 15:1

Ino a amanteetan kokkonnaade, a nukkullaade qara nukkullumaasso semeeta ino faani diisheey, isi patta xasassa ino faani in kitto.

Qorontoosi a paayyota 13:7

Nama jaalala qapo we' piisa duupanni ka we' piisa qara' xasa xaayanni ka we' piisa kippanni ka we' piisan japaanni.

Kelaatiya 6:2

Ishina matta mina'e olqaraayye haadeta sema, sedenne seera Kiristoosi nakassaneey.

Efesooni 1:4

Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Qolaasiisi 1:11

Akka a kuttati' duupattan ka ettanissa qapnaattane'e, Poqalla a Hapurase' xaadi kuttan kokkonnuma piisa ishina' daasho.

Timotoosi a paayyota 6:11

Atti xoori, nama waaqatiiyyi, se piisa kapa qahe ka hanqeelluma ka Waaqa fuureeta ka amanteeta ka jaalala ka duupattaan japaatta isho tajjanuma kamma aane.

Timotoosi a lammatta 2:25

Isha a orra isha toorro naalumaan oorinno kodda isha faani. Akka dukaata upnaadane'e takka punu, Waaqa faroota a juppootoppa ooreta'e ishootta' daashaay;

Yayqoopi 1:21

Semmalla nyela isho neequmta piisa alle' pashsha. Ka qaalese a Waaqa karittaayshin kara' dishe, isase ishin dinissa ettanisso naalumaan teyyada.

Petroosi a paayyota 3:15

Poqalla Kiristoosi karittaayshin kara ulfeessa ka caattaayshina'e poqalla kodada. Ka oto kippeetase ishin kara kittooyye desa nama ishin kaassanno piisa'e malseeta oorissa'e awta piisa a harmisade kodda.

Petroosi a paayyota 3:8

Arepa desa oori, piisanti, olli kaleetan kallaada ka rakkoota nama takka a mattaayshina' mina' dikada. Ka jaalala hellaa toolatin oli jaalada; ka a orra suraysanna ka naalaya kodda.