Efesooni 4:16 - Mataafa Qulqulloota

¹⁶ Meella a dakinta ika lekayta Kiristoosinni oli mina' rakammi, dakinta piisa ka hittinnaan oli mina' qapammi. Semmalla meella piisa, oto matta mina'e kodaaysho a ishootta' daasame koonaaneeyye, dakinta piisa kuttanni ka jaalalaan kokkonnaanni.

Efesooni 4:16 ပူးပေါင်းရင်းမြစ်များ

Yohaannisi 15:5

“Anti an quduppatta qoyra wayneeta, ishina' nefo a taammaayyo. Nama anan kallaanno, anti ka ishin kallaanno, delta kutta'e dalli; maana malla, ana maliiyyi we takkan nefo kodeeta a ettanissaneey.

Roomi 12:4

Dakintinno takka qudaayye meella lekaya ca, meella piisa ka matta mina' kodaaysho' qapan;

Qorontoosi a paayyota 10:17

Qoota laaqqose takkayteeta koddite malla, ino ka laaqqose takkayteetaaw oltura moossanninno malla, kadin punu lekinnaayye, ino an dakinta takka.

Qorontoosi a paayyota 13:13

Semmalla, amanteeta ka kippeeta isho' jaalala, sene sessa wa hasa qapa'en. Ma xoori a sene oppaayye jaalla' jaalala.

Qorontoosi a paayyota 8:1

Qoota so'a a killoota' qalameeti desaaw, keeto “Pisantin upna qapna;” A koddito ma upna akka nama isi peepo'e kooni. Jaalala xoori, orra kokkonnanni.

Kelaatiya 5:22

Dalta Hapura Qulqulloota' xoori, jaalala ka xasa ka nakayta ka duupatta ka xoona ka paxaarumta ka amanama

Kelaatiya 5:6

Oton Yesuusi Kiristoosinni' kallaanniiyyi, amanteeta koda jaalalaatin isi akkinnitto diisheey dawra qara muratta ka muratta diissata we' nakanni in kitto.

Efesooni 1:4

Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Efesooni 3:17

Ka akka Kiristoosi amanteetan karittaayshin kara kinnaado, akka hittina katattan ka a jaalalaan kokkonnaanna kodditane' qinsanni.

Efesooni 3:7

Akka hupna Waaqa koda koono qara'e anti ka daassatase a Waaqa ana' daashenne otootase a fayyaati orxayta kodde.

Efesooni 4:12

Wa malla sede kode' nefo, tikase a kiristaana dakinta Kiristoosi koddite, akka kokkonnaatto'e; orra amane koda a kodammo'e harrmissa malla.

Efesooni 4:15

Sekapaayye, dukaatan jaalalan haasawanna ka we' piisan Kiristoosise matta kodde opeela kuttanna.

Filippisiyuusi 1:9

Jaalalaassin akka upna ka haasa kara akkeetan immakaadan ka kuttattaan aanane'en qinsanni.

Qolaasiisi 2:19

Nama asse paho, Kiristoosise matta kodde olli takkumta takka nefo in qapo. A dakinta piisa himina ka hittinnaan olopa qapno ka daminno matta. Waaqa pora asse pahonne dakinta piisa'e kuttuma daanni.

Qolaasiisi 2:2

Wa an malla soonna' nefo, akka karittaaysho xasa oorsado ikka jaalalaan takka koddan ka teyanta a upna qaja in qapnini qapnaadan ka Kiristoosise juuttota Waaqa' kodde, upnaadan malla.

Teseloonqe a paayyota 1:3

Koda amanteetaayshinan koonittan ka yaalaayshin a jaalala, isho kippeetase a' Poqalla Yesuusi Kiristoosin qaptan duupattaan asattaayshin fuula Waaqinno ka A aappinno' tura'e awta piisan matte oorsanninna.

Teseloonqe a paayyota 2:13

Qootaayshin mallaaw waan minan awta piisa Waaqa kalataysanninna'en qapna. Ete' qaalese a Waaqa a ino qara dakayten teyyatteneeyye qaalese ishina amane kara koda koonitto, akka qaaleta nama qara a' teyyanne ma, akka qaaleta Waaqa qara'e teyyatten. Ikkan keeto qaaleta Waaqa.

Teseloonqe a paayyota 3:12

Akkiman ino ishin jaalanninno mina'e, jaalala olli' qaptane ka orra pila piisa' qaptane, a Poqalla akka kuttadan ka koopane' kodo.

Teseloonqe a lammatta 1:3

Hellaanno a kiristaanatiiyyi! ishin minannen awta piisa Waaqa kalataysanninna. Kalataysatta nefo i'ino parpaaccisni. Waan malla kalataysanninna' nefo, qoota amanteetaayshin qara'ew kuttattaan annitto, jaalala a' matta mattan olli qaptane ka qara' koopaanneew annaan malla.

Timotoosi a paayyota 1:5

Ajajoose wa malla daasamma' xoori, jaalalasene karitta fayya ka dikatta paxaara isho amanteeta dukaata kara deena;

Petroosi a paayyota 1:22

Akka orra amanno jaalala dukaata' qapnaattane'e, dukaata ajajamaanne napseetaayshin iqulqullassen; semmalla karitta piisanne a kuttati ol jaalada.

Yohaannisi a paayyota 4:16

Semmalla jaalala a Waaqa ino' qapa in upna ka amanninna. Waaqa jaalala. Nama jaalalaan kallaanno, Waaqanne kallaanni, Waaqa ka ishan kallaanni.