Efesooni 4:12 - Mataafa Qulqulloota

¹² Wa malla sede kode' nefo, tikase a kiristaana dakinta Kiristoosi koddite, akka kokkonnaatto'e; orra amane koda a kodammo'e harrmissa malla.

Efesooni 4:12 ပူးပေါင်းရင်းမြစ်များ

Luqaasi 22:32

Anti xoori akka amanteetaayti in pannini'in Waaqopa ke' qinsada. Atti oto tiittaawtooyye, hellaassin kokkonnayshe.”

Kodampaya 1:17

Yihuta ino oppaayye takka ka ino olli kodoose' kooni.

Kodampaya 1:25

Wa an qinsanninna nefo, kodase isho erkanoosen a Yihuta poraadi opa annooyye alle diishe nama pakkaadi oppa koddo ka teyyado akka ino akkisso malla.”

Kodampaya 11:23

Isha ka aane ka akka Waaqa samaytaadi daassataadi daashe akke ka xasoode ka akka piisantiiyyi karittaaysho piisan japaadan ka Poqalla amanaman kallaadane ishootta dehaame.

Kodampaya 20:24

Otootase a fayya a daassata Waaqa kollissa'e, Ka kodoose koda'e, ataraan Poqalla Yesuusi qara teyyade ana dikkisho diisheey, caattiiyyo we kapa an dikni an co umma isi an suraysanni an co.

Kodampaya 20:28

Hapura Qulqulloota qaratooyampaya'e ishin kode ka ishin shuume; semmalla issi'i isho xellootoseti tooytaada ka tikase a kiristana a Waaqa diika innaaditin furade tooyta.

Kodampaya 9:31

Tikase a kiristaana piita Yihuta ka a Kelila isho a Samaariya pisa oppa kitto ka nakayta akkatte ka japaatte ka Poqalla ulfeessaanne ka Hapura Qulqullootatinni xasa oorsattaanne, lekumaan kuttatte.

Roomi 12:5

akkimoose mina'e, ino a leka, Kiristoosinni an dakinta takka; qootan meella a dakinta takka' koddine malla, meela piisa matta mina'e olkarandesa saare.

Roomi 12:7

Oton daassatinnon orra kela koda kodeetaayye, kokkonnumaan koda koona; oton daassatinnon kollissaayye, japaanna ka kollinna;

Roomi 14:19

Semmalla wa nakayta qeeda ka waan ollin kokkonnanna kamma anna.

Roomi 15:14

Hellaanno a kiristaanatiiyyi! akka' paxaarumtan immakaatten ka upnaan koopten ka takka takkaayye a oli dehaama ettaninna kodditen in upnaade.

Roomi 15:2

Ino takka takkaayye nama pila akka amanteetaadin kokkonnaado'e, wa isha we pataysha ka isha xasaysha' koona.

Roomi 15:29

Oton ishin kapopa deenooyye, akkiman saka Kiristoosi immakkootan qapado ka ishina ishin de'o in upa.

Qorontoosi a paayyota 12:27

Ishina' nefoow a' dakinta Kiristoosi; ishina takka takkaayyeew, a meella dakintaadi.

Qorontoosi a paayyota 12:7

Matta nama mina'e daassata a Hapura Qulqulloota akkissa oto daasammittooyye tookta olturattati'i daasammi.

Qorontoosi a paayyota 14:12

Ishina'ew qoota' daassawa a Hapura Qulqulloota a kuttati faanittan malla, A qaran qapto'e daassawwa a kiristaana kokkonnaysha akka ishina' koopane' fada ishin parpaaccisni.

Qorontoosi a paayyota 14:14

Oton afaa ika lekayaan qinsannooyye hapuriyyo qinsanni diisheey, mattiyyo kara we in caan.

Qorontoosi a paayyota 14:26

Hellaanno a kiristaanatiiyyi, maana koda ino faani? Oto' qinseeta ollopa antaneeyye, nama takka daassata a masmuureta'e qapa, a pila ka daassata kollissa' qapa, takka'ew daassata a wa juutame laka' sookissa'e qapa, takka ka daassata afaa ika lekayaan haasawatta' qapa; a pila ka a afaa oorissa' qapa; semmalla daassawwosen piisa a kiristaana kokkonnanna' kodda parpaaccisni.

Qorontoosi a lammatta 12:19

Hela ishina piisantiiyyi takka an ino isi qara haasa ikkisanninno'e' kooten ka haka ammati, dikannittane? Ino a orra Kiristoosi kodde fuula Waaqa tura'en haasawanninna, moottadaayyooyye! Ino ishin kokkonnassa mallan sede piisa haasawanninna.

Qorontoosi a lammatta 13:11

Arepadesa hellaanno a kiristaanatiiyyi! Nakaytan cada. Ka qaja mali kallaada ka dehamiyyo dakaya ka afaa olli' dakaya ka nakaytan kallaada. Waaqase a jaalala ka a nakayta ishin olli caadaay.

Qorontoosi a lammatta 13:9

Oton ino nunukkullaya, koddino ishina ka kokkonnaya kodditaneeyye in xasoonninna. Qinseetinno nefo akka ishina qaja a qapnaannin malla.

Qorontoosi a lammatta 3:8

kodase Hapura Qulqulloota qudan teyanno desa, ulfeena atta jaallo qapnaadaaw?

Qorontoosi a lammatta 4:1

Waaqa qoota diissataadin kodoose ino' daashe malla, an xasa an murri an kinno.

Qorontoosi a lammatta 5:18

Sede piisa, Waaqase Kiristoosi qudan issi olliiyyi ino araarshe ka koda araarissa ino' daashenne koddite.

Qorontoosi a lammatta 6:3

Kodinno akka in puyatammini'i, we takkan nefo oppa nama takka nefo tura kehayta an koddini an kinno.

Qorontoosi a lammatta 7:1

Semmalla ishina jaalatame moottadaayyooyye! kippeese piisa qoota ino' daasamte malla, wa dakinta isho hapura nyalinna' piisa oppaayye isi qulqullanna ka Waaqa fuureetan qulqullumaanno a qaja in qapniniiti' koona.

Efesooni 1:23

Tika kiristaana dakinta Kiristoosi; Kiristoosi'iw tika kiristaana isho wa ata hase piisa qara immakkoota.

Efesooni 4:16

Meella a dakinta ika lekayta Kiristoosinni oli mina' rakammi, dakinta piisa ka hittinnaan oli mina' qapammi. Semmalla meella piisa, oto matta mina'e kodaaysho a ishootta' daasame koonaaneeyye, dakinta piisa kuttanni ka jaalalaan kokkonnaanni.

Efesooni 4:29

Afaassin oppa lela a neeqa takka nefo in sooknin. Ma lela a orra dakayyno xasanno ka kokkonnassa we' nakanno ka orra' parpaaccisno haasaawada.

Efesooni 4:4

A' halaamteneeyye akka kippeeta takka' halaamten' mina'e, dakinta takka ka hapura takka ca.

Qolaasiisi 1:24

Amma rakkoota a ishin malla ana qara' kaynittonne in xasoonni; qoota tikase a kiristaana dakinta Kiristoosi koddite desa, akkan rakkoota Kiristoosi quda qoottado'e, a ana' hasten dakintiyyon immaka.

Qolaasiisi 1:28

Akkan nama piisa matta mina a Kiristoosin qaja dape' koono ka dehanno'e, nama piisae ookuma piisa kollissa ka dehaamannen qoota Kiristoosi desa torrininna.

Qolaasiisi 4:17

Ka Arkipaasi' lela ka kida'e, “Koda a poqallaan teyyatte qanqannissa dikkishe.”

Timotoosi a paayyota 1:12

Anti, Poqallaanno Yesuusi Kiristoosi isase' koda ana shuume ka a amaname ana kode ka ana dike ka hupna ana' daashen kalataysanni.

Timotoosi a lammatta 4:11

A ana kapa co Luqaasi patta. Mariqoosi, qoota koda ana qaarqaaro malla, fade ka ishin xooye.

Timotoosi a lammatta 4:5

Atti' xoori qinda pisan a isi tooytaanno kodde ka rakkoota teyyatta' japaado. Ka kodase a otoota fayya' torreeta' kode. Ka kodaayti piisa dikkishe.

ipro 13:17

Saarraassina' ajajama ka hupnaaysho a ukkumeetati' piddama. Ishootta' qoota saaruma a oppa' kaassataman qapan malla, qoota napseetaayshinati desa japaanniiy. Kati ishootta ajajammittaneeyye, ishootta xasanne kodaaysho' kodan. Ataakati nyarrahatanne kodaaysho' kodan. Umma sede ishina we in' nakasso.

ipro 6:1

Se malla oori, kollissase' paayyota' qoota Kiristoosi desa daasame diinna ka a orra qime opa tarpina. Ka kirittase a koda paata patta a juppoota oppaayye ooreeta ka a Waaqa amaneeta, lammatta kateeta diinna.