Efesooni 4:1 - Mataafa Qulqulloota

¹ Semmalla anase Poqalla kela koda kodeetiiyyo minan hidame, wa malla halaamteneti'i akka caatta parpaaccisno kallaattane'en ishin naappanni.

Efesooni 4:1 ပူးပေါင်းရင်းမြစ်များ

Mataafa Uumata 17:1

A Apraami para kunda sakali' sakali kayeeyye, Yaahiwwe isha tura akkaade ka kide, “Anti an Waaqa we piisa ettaninnooy, awta piisa ana ajajame ka dukaatan kallaado.

Mataafa Uumata 5:24

Henooki qoota pora Waaqatin kallaade malla, Waaqa isha teyyade ikka in akkaannin.

Xuuma Ermiyaasi 38:20

Ermiyaasi ka ishi kide, “Harkaaysho oppa a daasamto ma, nessase a Waaqa an ke lello'ew oowsado ipahatay, umma wa ke qara' kaya in caadan.

Kodampaya 9:31

Tikase a kiristaana piita Yihuta ka a Kelila isho a Samaariya pisa oppa kitto ka nakayta akkatte ka japaatte ka Poqalla ulfeessaanne ka Hapura Qulqullootatinni xasa oorsattaanne, lekumaan kuttatte.

Roomi 11:29

Waaqa ete reexade ka daassataadi daashe kammaayye, koda a kode oppaayye dikattaadi purinni in co.

Roomi 12:1

Semmalla hellaanno a kiristaanatiiyyi, akka isi piisa kalisoota a caatta qapto ka qulqullaawte ka a Waaqa xasannitto' kootan ka dehassane'e maxxase a Waaqa diissampayta koddeetnnin ishin naappanni. Wossen a dehassa ishin parpaaccisnitta' nefo, Waaqa' koda kodeetase a dukaata a kara paxaarumta qapto.

Qorontoosi a paayyota 4:16

Semmalla akka pahanaayyo kamma antane'en ishin naappanni.

Qorontoosi a lammatta 10:1

Anti Pawloosi, isase oton ishin kapa cooyye, fuurampayta kidammo ka oton ishin kapa sekiiyyi maxanyaata kidammo, xoona isho paxaarumta Kiristoosinnin ishin naappanni.

Qorontoosi a lammatta 5:20

Qoota Waaqa ino qudan orra haleeno malla, ino pakka Kiristoosi oppa'en erkamme ka “Waaqa olli araarama” kiininna ka maxxa Kiristoosin ishin' naappanninna.

Qorontoosi a lammatta 6:1

Ino' qootaan Waaqa ollii koda kooninno malla, daassase a Waaqa a' teyyatten patta in hattishanen kiininna ka ishin naappanninna.

Kelaatiya 4:12

Hellaanno a kiristaanatiiyyi! anti ishinan pahanaadeey, ishina ana pahanaadan kiini ka ishin naappanni. Ishina we takkan nefon ana ishin a' dapne.

Efesooni 2:10

Ino kodaddaasene paxaara a Waaqa turan harmishe akkan koono'e, an uumata Waaqa a Yesuusi Kiristoosi qudan lammatta uumame.

Efesooni 3:1

Semmalla anti Pawloosi ishin orra a Yihutaata in koddinin mallan kide ka qoota Yesuusi Kiristoosi malla hidame.

Efesooni 4:17

Semalla arepadesa oori akka a orrase Yihutaata in koddinin a dikattaaysho paata patta kodde mina in kallaadanen kiini ka maxxa Poqallaatin sede kokkonnanni ka ishina' lelli.

Efesooni 4:4

A' halaamteneeyye akka kippeeta takka' halaamten' mina'e, dakinta takka ka hapura takka ca.

Efesooni 5:2

Kiristoosi akka ino jaalade ka daassata isho kalisoota alaawnitto ka Waaqa xasannitto isi kode ka daashe mina'e, ishina' kuli asseew jaalalaan kallaada.

Filippisiyuusi 1:27

Ishina' xoori akka otootase a fayya a Kiristoosi parpaaccisnitto qara' kallaada; sitiiyyi oori kadin punu de'a ka ildaan ishin akkaayye, taaki ishin kapa sekaada ka qootaayshinaayye desa dakayna nefooyye, akka hapura takka qara kokkonnaatten ka qa'atten ka karitta takkan amanteeta otootase a fayya orra qaran kaya' soonnittan in upnaada.

Filippisiyuusi 3:14

Anti loqshaayyo akkatta'en porase opa keerraan ise ana tura co opa keerri; loqshoosen' nefo, isase a malla Waaqa Yesuusi Kiristoosi qudan opeela ana hale.

Qolaasiisi 1:10

Ka akka poqalla'e saanta aparpaaccisnitton kallaattan ka koda a paxaara ika piisa kodeetan dalta daltan ka qinda piisan isha xasassaan ka Waaqa upnaattaan kuttattaan antani'en ishina Waaqa qinsanninna.

Qolaasiisi 2:6

Semmalla akka poqalla Yesuusi Kiristoosi teyyatten qara'e, ishan kallaada.

Qolaasiisi 4:12

Eeppafiraase ishin oppa takka kodde, orxaytase a Yesuusi Kiristoosi, nakayta ishina' erkini. Akka caatta hapuratin japaattan ka qimtane'e ka heenna Waaqa piisan kootane'e isha awta piisa qinseetaadin ishina' soota soonni.

Teseloonqe a paayyota 2:12

Akka Waaqase mankisteetaadi isho ulfeenaadippopa ishin halaade'e, akka parpaaccisnitto qara' kallaattane'e, ino awta piisan ishin dehaamminna ka ishin nyarinninna ka ishin kokkonnaninna.

Teseloonqe a lammatta 1:11

Waan malla awta piisa sede dikattaanne ishina' qinsanninna, Waaqinno akka orra haleettaadi parpaaccisnooti ishin kodo ka heennassin a paxaarumta a' koda' qapattine isho kodaayshin a amanteeta' piisa hupnaadin ishina' dikkisho mallan qinsaninna.

Timotoosi a lammatta 1:9

Isha, koda paxaara an ino' koone minannen ma, heennaadi ka daassataadinni ino dinshe ka qulqulluma ino hale ka Yesuusi Kiristoosi qudanne, daassatose sapanna turan ino' daashe.

Tiito 2:10

ka kaajaasso ishootta kela in hannini, ishootta dehaame; Sekapaayye akka kollissa a dinshampaytinno a Waaqa we piisa oppa ulfeessamo'e awta piisa a immakkootan amanumaaysho akkishen.

ipro 13:21

Akka heennaadi kodeeta ettanissane'e a koda paxaara piisa kodeeta' hupna ishina' daasho. Ka wa isha xasanna Yesuusi Kiristoosi qudan ino' kodo. Ulfeena a haka paraparati a Yesuusi Kiristoosi kayo; Ameen!

ipro 3:1

Se malla ishina a qulqullaawe, Waaqa ka ishin halaade hellaanno a kiristaanatiiyyi! Yesuusise erkamampayta isho saara qeesewwa a amanteetinno' kodde qaropa dikattaayshin oorsada.

Petroosi a paayyota 2:11

Ishina a jaalatame moottadaayyooyye! piisse qara qoota xaykiyya ka kalayta kodditen malla, xajeeltase a so'a napseeta torpino kapa akka' sekaattane'en atara ishina' kiini.

Petroosi a paayyota 3:9

Nama' saka diisheey, neequmta mina'e neequmta in oorshan; umma otitta mina'e otitta in oorshan. Ishina wa malla halaamtene, asse kodeetan akka' saka lehatta malla.

Petroosi a paayyota 5:10

Oto eta shakkaya kara' rakkoota teyyattan kammaayye, Waaqase a daassata piisa, isase Kiristoosi qudan ulfeena parapara oppopa ishin halaade, isha' mattaadi rakkoose ishin qara' kayte kela, ishin sooksha. Ka ishin kammeela qapa ka ishin japeessa ka ishin qaatisha.

Petiroosi a lammatta 1:3

Qootan isase ulfeenaadi isho paxaarumtaadin ino halaade upnaanne malla, hupnaadi a Waaqa caatta isho Waaqa Waaqaysattae wa ino parpaaccisna piisa ino daashe.

Yohaannisi a lammatta 1:5

Iskatteetayti! Amma nefo waan atara ke' kiina sede an ke' taafno, ajaja haaraya ke in pahanaannin. Ajaja an amma ke' taafno, isase' kiino “Oli jaalanna” An paayyote paayyatte issippa qapno.