Efesooni 3:9 - Mataafa Qulqulloota

⁹ Ka akkimoose' mina'ew juuttotase a sapanna tarpeetiiyyi Waaqase we' piisa uume juute, wa Waaqa koda' qapade akkan orra piisa' la'aysho'e daassase ka ana' daasamte.

Efesooni 3:9 ပူးပေါင်းရင်းမြစ်များ

Mataafa Masmuureta 33:6

Moontada qaaleta Waaqatinni kodamen; uumata moonta ka nessaadin kodde.

Xuuma Issayyaasi 44:24

Isase karitta' kara ishin uume ka ishin furanno Waaqa ikiini, “Anti an Waaqa ka we piisa kode, ka xawwaatiiyyi moonta olkela paldishe, ka issin olkelaayye piita afe.

Maatiyoosi 10:27

Semmalla waan anti tukkantoppa ishina lela, ishina la'aytoppa haasawada; wa napahatoppa ishina hushushaytan lelame, pora opeela kide qara xata salisha.

Maatiyoosi 13:35

Sede nefo isase a xuumampayta kide, “Pahanaannen haasa qeeda ka haka piita uumamte paayyatteeyye wa juutame haasawada.” Akka dikkatto malla.

Maatiyoosi 25:34

Sitiiyyi nuqusase ka isasene qinda akkittati caati kida, ‘Ishina a aappinno ishina sakeeti, xooya ka mankisteetase a piita uumamte paayyatte ishina harmisamte lehada.

Maatiyoosi 28:19

Semmalla oori aana ka orra piita piisa maxxa aappa ka a Inna ka a Hapura Qulqullootatin jaqqa Ka tamaarewwaayyo koda.

Luqaasi 24:47

Akkimse mina'ew, maxxaadin, juppootoppa ooreta ka haseenta juppoota akkatta, Yursaalami paayyatte piitaddaappa samayta piisa torramto ilelamte.

Yohaannisi 10:30

Ana isho Waaqa Aappa, an takkan.”

Yohaannisi 5:17

Yesuusi xoori i'ishootta oorshe ka kide, “Aappinno awta piisa koda kooni, anti nefo asseewwen kooni.”

Yohaannisi 5:19

Yesuusi ka ishootta oorshe ka kide, “Anti dukaatannen ishina kiini, inna Waaqa wa Waaqa Aappa koona ikka akke kodeeta maliiyyi, hupnaadi a ukkumeetatin we takkan nefo kodeeta ettaninni in co. Wa Waaqa Aappa koona, inna Waaqa asseew kooni.

Kodampaya 15:18

A xattati paayyatte a se piisa upnayshe ana Waaqa asse kiini.’

Roomi 11:25

Hellaanno a kiristaanatiiyyi, an upnampaya in kidan ka in jeejjaadan; juuttota an ishina' lelo takka ca. Sede nefo Isira'eeleta amana tiittetaadi, haka a Yihutaata in koddinini piisa immakkootan Waaqopa deenaan kara'e koddita diisheey, amana tiitteta kammaaw in caatto.

Qorontoosi a paayyota 2:7

Ino' xoori ookuma an haasawanninno, ookumase a juuttota Waaqa, a Waaqa xatta qattishe ka sapanna turan ulfeeninno' harmishe ikka juutame.

Efesooni 1:4

Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Efesooni 3:2

Akka ishina we patasso'e Waaqa akkima daassataadin faroota a ishina koda kodeeta ana' daashe dukaatan iddakayten.

Efesooni 6:19

Oton juuttotase a otoota fayya' fuura mali la'assa' haasawannooyye, akka qaaleta parpaaccisnito ana' daasamto'e, ana kuli' qinsada.

Qolaasiisi 1:23

Sede nefo, oto ishina kippeetase a otoota fayya qara a' lellehni a' kinnin ka qara' kokkonnaannittan ka qa'annittan ka amanteetan japaannittan pattaayye koddita. Otootose a fayya' nefo isase a' ishina' dakayten ikka orra piita qara co piisa' torramte; anti Pawloosi nefo, otootose a fayyaati'iwwin orxayta kodde.

Qolaasiisi 1:26

Qaalese a Waaqa' nefo, sapanna a tarpeetiiyyi orra tura ijuutamte. Amma xoori Waaqa, orra amanno piisa'e juuttotose la'ayshe.

Qolaasiisi 3:3

Ishina a tootan sekaatta' mina' kitto'e piisse kapa sekaatten; caattayshin ka Kiristoosi olliiyyi Waaqa kara' juutame.

Qolaasiisi 4:3

Juuttotase a Kiristoosi an anti minan hidame akkan torra ettaninno'e, akka Waaqa ino' xarra qaaletaadi' pano'e, ino kuli' qinsada.

Teseloonqe a lammatta 2:13

Ishina a poqallaan jaalatame hellaanno a kiristaanatiiyyi! ino' xoori ishin minan awta piisa Waaqa kalataysatta ino parpaaccisni. Waan malla kalataysanninna' nefo, akka ishina Hapura a Qulqullootatin qulqullaawtan ka dukata amaneetan dintane'e, qoota Waaqa paayyota'ew ishin reexade malla.

Timotoosi a paayyota 3:16

Juuttota amanteetinno akkima kutti oppan desa anta in qapto; isheetta' nefo ikiini, “Waaqa nama kodde ka akkaade, dukaallyta koddetaadi ka hapuran upnaysamte; ikka erkampattowwa tura' akkaade ka lekna piisa tura' torraame. Orra a piita qara co ka isha amane; ikka ulfeenan moontopa fayyade.”

Timotoosi a lammatta 1:9

Isha, koda paxaara an ino' koone minannen ma, heennaadi ka daassataadinni ino dinshe ka qulqulluma ino hale ka Yesuusi Kiristoosi qudanne, daassatose sapanna turan ino' daashe.

Timotoosi a lammatta 4:17

Ma xoori, erkanoosen piisa akka ana qudan lelaman orra a Yihutaata in koddinin piisa ka dakayo'e; Poqalla ana olli caade ka ana kokkonnayshe. Anka afaa karma' kela pahe.

Tiito 1:2

Amanteetose kippeeta caatta parapara' qara'e qa'atte, Waaqase darta kooni in kinnin ka akka caattose ino' daasho'e a etaan paayyannin turanne qaaleta ino' kale;

Petroosi a paayyota 1:20

Isha a piita in uumammin turanne upnaysame ma, amma sapanoose a piraampira' qaraayye, ishin malla akkaade.

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 14:6

Sekkammaayye anka erkampattoota pila a otootase a fayya a parapara qapatte ka samayta a piita qara kalo ka kaffa ka a afa ika lekaya haasawanna isho lekna piisa torra'e moontan xa'annitto akke.

Keleshaata 17:8

Pinantose a akkite, xatta turan ikitta, ma amma in kitto. Ma kuli hiwwalaalla kara sookta ka pateetaadipa anta. A piita uumammitto paayyatte, orra a maxxadaasso maskapa caatta kara in taafammini; orra a piita qara kalo piisa akkima pinantose xatta kitto ka amma in kinnin ka kuli deeto akkaneeyye, oppa'e qawwaawan.

Keleshaata 4:11

“Poqallaanno ka Waaqinno, qoota we piisa uumte malla, we piisa ka heennaatin uumamen. Ka caaden malla, kuttuma ka ulfeena ka hupna ke'e parpaaccisni.”