Efesooni 3:7 - Mataafa Qulqulloota

⁷ Akka hupna Waaqa koda koono qara'e anti ka daassatase a Waaqa ana' daashenne otootase a fayyaati orxayta kodde.

Efesooni 3:7 ပူးပေါင်းရင်းမြစ်များ

Xuuma Issayyaasi 43:13

Anti xattaaw an Waaqa; umma a harkiyyo kela naman paho in co, umma waan anti' koda a dawro in co.”

Kodampaya 9:15

Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane.

Roomi 1:5

Qoota maxxa Kiristoosi desa orra a Yihutaata in koddinin piisa akka amano ka ishi ajajamo koda'e, isha minannen daassata a erkamampayaadi koddeetoppan ino kayto teyyanne.

Roomi 12:3

Semaliiyyiiw ishina takka takkaayye akka amanteetase a Waaqa ishina' daashe kitto mina'e, naalumaan dikada diisheey, qoota mattaayshinati desa a ishina' parpaaccisnitto qaropa isi peepaanne an dikadanen kiini ka daassata Waaqa a ana' daasamten ishina' lelli.

Roomi 15:16

Wa malla daassase ana' daasamte nefo, otootase a fayya a Waaqa, orra Yihutaata in koddinini torraanne, akkan a qeesitta mina Yesuusi Kiristoosi kela koda kodo malla. Sede nefo orra a Yihutaata in koddinini akka a Hapura Qulqullootan qulqullaawo ka kalisoota a Waaqa xasannitto koddaan dehaado mallan.

Qorontoosi a paayyota 15:10

Amma xoori waan kodde daassata Waaqatinnin kodde. Umma daassase ana' daasamte dalta mali in hasne; laadi a taakkane qaran qapto'en yaale; ma xoori a sede koote daassatase a Waaqa' ana olli kitto diisheey, anan.

Qorontoosi a paayyota 3:5

Hela kuli Abbiloosi maana? Pawloosi kan maana? Ishootta orxayaasene akka amantane ishin kode ka kodase a Poqalla matta mina ishootta kiten koda kooni.

Qorontoosi a lammatta 3:6

Akkan kodampaya a kodayteeta haaraya' koddino'e, isha ettanissa ino' daashe; sede nefo seerase' fitalan taafamen in koddine ma qaarqaarsa Hapura Qulqullootatinni koddite; seerase' fitalan taafame toota qeenni; Hapura Qulqulloota' xoori caatta daanni.

Qorontoosi a lammatta 4:1

Waaqa qoota diissataadin kodoose ino' daashe malla, an xasa an murri an kinno.

Kelaatiya 2:8

Waaqase akka Peetiroosi erkamampayta a Yihutaata' koddo ka koda kodo' kode, ishaaw. Akkan anti erkamampayta a orra a Yihutaata in koddinini koddo ka koda kodo' kode.

Efesooni 1:19

Ka hupnase' xaadi kutta ekkaysatammi in kinnin ino amannaati a atta kitto akkima kutti akka upnaattane qinsanni.

Efesooni 3:2

Akka ishina we patasso'e Waaqa akkima daassataadin faroota a ishina koda kodeeta ana' daashe dukaatan iddakayten.

Efesooni 3:20

Semmalla Waaqase hupnase' xaadi ino karan koda koono qudan waan qinsanninna ka dikanninna qaropa a kuttati jaalissa ka koda ettaninno'e,

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Efesooni 4:16

Meella a dakinta ika lekayta Kiristoosinni oli mina' rakammi, dakinta piisa ka hittinnaan oli mina' qapammi. Semmalla meella piisa, oto matta mina'e kodaaysho a ishootta' daasame koonaaneeyye, dakinta piisa kuttanni ka jaalalaan kokkonnaanni.

Qolaasiisi 1:29

Waaqa qoota hupnaadi a kuttan ana kara koda koono malla, akkan hupnoosetin kodoose' dikkisho'en sooni ka yaalli.

Teseloonqe a paayyota 2:13

Qootaayshin mallaaw waan minan awta piisa Waaqa kalataysanninna'en qapna. Ete' qaalese a Waaqa a ino qara dakayten teyyatteneeyye qaalese ishina amane kara koda koonitto, akka qaaleta nama qara a' teyyanne ma, akka qaaleta Waaqa qara'e teyyatten. Ikkan keeto qaaleta Waaqa.

ipro 13:21

Akka heennaadi kodeeta ettanissane'e a koda paxaara piisa kodeeta' hupna ishina' daasho. Ka wa isha xasanna Yesuusi Kiristoosi qudan ino' kodo. Ulfeena a haka paraparati a Yesuusi Kiristoosi kayo; Ameen!