Efesooni 3:16 - Mataafa Qulqulloota

¹⁶ Waaqa teyantaadi a ulfeena oppaayye akka hapuraadi qudan hupna a karan xata ishin kokkonnaysho, ishina' daasho'en qinsanni.

Efesooni 3:16 ပူးပေါင်းရင်းမြစ်များ

Qolaasiisi 1:11

Akka a kuttati' duupattan ka ettanissa qapnaattane'e, Poqalla a Hapurase' xaadi kuttan kokkonnuma piisa ishina' daasho.

Filippisiyuusi 4:13

Kiristoosise hupana ana daannonne, we' piisa in ettaninni.

Xuuma Issayyaasi 41:10

Anti ke ollin caay, in fuuran; anti an Waaqaaytiiy, in tammaqan; in ke kokkonnaysha ka ke qaarqaara, ka harkiyyo a akkitta a hanqeellumaayyotin opeela ke qapa.

Xuuma Sakkaariyaasi 10:12

Ana Waaqa ishootta kokkonnaysha ikka maxxiyyo' kallaadan.” Sede ana Waaqa asse haasawanni.

Timotoosi a lammatta 4:17

Ma xoori, erkanoosen piisa akka ana qudan lelaman orra a Yihutaata in koddinin piisa ka dakayo'e; Poqalla ana olli caade ka ana kokkonnayshe. Anka afaa karma' kela pahe.

Qorontoosi a lammatta 4:16

Semmalla xasa an murri an kinno; kadi punu dakintinno a laka tula' pannittaayye, dakintinno a karan xata kuyyaata mina'e haaraya koddini.

Efesooni 6:10

Oori poqalla ka hupnase' xaadi kokkokan japaada.

Qorontoosi a lammatta 12:9

Ma xoori, isha i'ana' kide, “Hupniyyo qoota nukkullumaattippa immakkootan akkaanno malla, daassatiyyo ke kaya.” Semmalla hupna Kiristoosi akka ana qara caado'e, a tura qaran qapto'en xasoonni ka jeejjatta jaalanni.

Filippisiyuusi 4:19

Semmalla a Waaqiyyo teyanta ulfeenaadi oppaayye Yesuusi Kiristoosi qudan wa ishin' parpaaccisna' piisa ishina' daasha.

Mataafa Masmuureta 28:8

Waaqa orraadi'i, hupnaaysho'e koddini; ka nuqusase' xaadi a daatade'e pora kara pahanaan koddini.

Roomi 7:22

Isi karan xata seera Waaqatin in xasoonni,

Qorontoosi a paayyota 16:13

Impasa ka amanteetan qa'ada, japaada ka kokkonnaada.

Mataafa Masmuureta 138:3

Kuyyaata an kepa ullupadeeyye, i'ana dakayte; ka ana' maxanyumisse ka ana' kokkonnasse.

Roomi 9:23

Wa malla asse kode nefo, mehaddasene a diissata a turan ulfeena' harmisheeti kuttuma ulfeenaadi akkissa malla.

Qolaasiisi 1:27

Waaqa, orrose amanno'e ulfeena a teyanta juuttotoseti orra a Yihutaata in koddini oppa atta akkima kitto akkissa fade. juuttotose' nefo, Kiristoosise kippeeta ulfeena' kodde ka ishin kara co.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Efesooni 1:18

Kippeeta a atta pahato'e akkima' halaamten ka lehnasene ulfeessame a qulqullowwa lehaadane a atta kitto akkima kutti, akka upnaattane'e, ildaassin a karan xata akka ishina' panamane'en qinsanni.

Maatiyoosi 6:13

Isase neeqa kela inon pahe diisheey, ekkaysumaappopa in kalshan [Mankisteeta ka hupna ka ulfeena, haka paraparati'i xaaytiiw. Ameen.’]

Efesooni 1:7

Daassata Waaqa a koopte minannen diika innaaditin furamme ka haseenta juppootinno akkanne.

ipro 11:34

Ka hupna apitta' libbishen ka koraateeta kela pahen ka nukkullumaappaayye kokkonnaaden ka orannaappaayye hupnampaya kodden ka xela oranna a nyaapa kodde ka piita torpa de'e kamma daanen.

Xuuma Ermiyaasi 31:33

Waaqa ikiini, “Ma xoori awse kammaayye, kodayteeta an samayta Isira'eeli olli kodado sede; seeriyyon mattaaysho kara' xaaya ka karittaaysho kara' taafa, ka Waaqaaysho kodda; ishootta ka samaytiyyo koddan.”

Petroosi a paayyota 3:4

Ma xoori, siraassin sira a kerini in kinnini a dakintase karitta kara' dekatteeti ka naaluma isho hapura tajjanuma siratte ka fuula Waaqa turaayye ulfeena a kutta qapa' kodden.

Efesooni 2:7

Wa malla asse kode nefo, sapanna itturopa deenaatiiyyi akka daassatase' xaadi koopte ka tura xeela in qapnin qudan a xoonaadin Yesuusi Kiristoosin ino sookshe ino akkissa malla.

Roomi 2:29

Yihutitta dukaata a karanxata Yihutitta kodde; dawra qara muratta a dukaata'ew, a hapura Waaqa karitta nama qara murro diisheey, akka seeroppa' taafamte mina'e, dawra qara muratta a dakinta'en. Nama asse pahoow, Waaqa qara kalata teyni diisheey, nama qaran.

Mataafa Iyyoopi 23:6

Hela kuli Waaqa hupnaadi a kuttanne ana mina' tamaakkada? Inna i'ana dakaya.

Efesooni 3:15

Toola a piita isho moontan co piisa, maxxaadi a dukaata Waaqa kapaaw akkanni.

Qolaasiisi 2:2

Wa an malla soonna' nefo, akka karittaaysho xasa oorsado ikka jaalalaan takka koddan ka teyanta a upna qaja in qapnini qapnaadan ka Kiristoosise juuttota Waaqa' kodde, upnaadan malla.