Efesooni 3:1 - Mataafa Qulqulloota

¹ Semmalla anti Pawloosi ishin orra a Yihutaata in koddinin mallan kide ka qoota Yesuusi Kiristoosi malla hidame.

Efesooni 3:1 ပူးပေါင်းရင်းမြစ်များ

Luqaasi 21:12

Ma xoori a sede piisa in koddinin turanne, orra ishina qaqqapa ka ishin kamma daana ka tikkasene a qinseeta a orra Yihuta isho tika hida opa ishin tarpisha ka qoota maxxiyyo malla saarra piita isho nuqussa turopa ishin qeeda.

Kodampaya 21:33

Ajajampaytase ka Pawloosi qape ka akka sansalaata lakkin hidamo ajaje! Ka sekkammaayye ayno akkima kodde ka maana akkima kode upnaatta fade ka kaassade.

Kodampaya 23:18

Motolaqittase ka innasene qeede ka ajajampaytase kapopan kulle ka kide, “Pawloosise hidame ana hale ka qoota innoosen wa ke lelane qapan malla akkan ke kapopan de'o'e ana naappade.”

Kodampaya 26:29

Pawloosi ka kide, “Kiseeta a shakka koddite a kutta koddite ke patta a in koddinin maliiyyi, a awwe haasoosen xayyo dakaye piisa, hidosen xayyo maliiyyi akka a xayyo mina koddane'e Waaqan qinsanni.”

Kodampaya 9:15

Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane.

Qorontoosi a lammatta 1:6

Oto rakkoota ino qara' kaytooyye ishina' xasa oorsatta isho dina akkannittan. Oton ino xasa oorsanninnooyyeew, rakkootase ino qara' kayte pahato ishin qara' kayniiw akka duupannittan ka xasa oorsannittan.

Qorontoosi a lammatta 10:1

Anti Pawloosi, isase oton ishin kapa cooyye, fuurampayta kidammo ka oton ishin kapa sekiiyyi maxanyaata kidammo, xoona isho paxaarumta Kiristoosinnin ishin naappanni.

Qorontoosi a lammatta 11:23

Hela ishootta orxaya Kiristoosi? Anti a ishootta qara qapto'en an orxayta Kiristoosi. Oton asse kiinooyye a taarayta' mina'en haasawanni a xaaysho qara qapto'en a kuttati yaale ka a lekatin hidame ka a lekatin karafame ka a lekatin toota qara kaye.

Kelaatiya 5:11

Hellaanno a kiristaanatiiyyi! anti haka ammati'i, kadin torrina ka kiina, “Dina'e dawra qara muratta parpaaccisniiyyi.” maana'en haka ammati pora daanammi? Kadin sede qara'e kiiteeyye, helani masqala Kiristoosi orra tura kehaytan koddo.

Kelaatiya 5:2

Tin! anti Pawloosi in ishina' kiini, “oton ‘dawra qara muratta’ ino parpaaccisni” kiitan ka dawra qara murattaneeyye, Kiristoosi we ishin qara in pataysho.

Kelaatiya 5:24

Orra a Yesuusi Kiristoosi kodde, so'a xajeeltaaysho a neeqa isho wa sannaane piisa ollin fannisen.

Efesooni 3:11

Waaqa wa haka paraparati koda' qapade qara'e Poqallaanno Yesuusi Kiristoosi qudan sede dikkishe.

Efesooni 3:13

Rakkoota an anti ishin malla teyyanno ulfeenaayshin; semmalla, rakkootiyyo malla xasa an muranen kiini ka ishin' naappanni.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Efesooni 4:1

Semmalla anase Poqalla kela koda kodeetiiyyo minan hidame, wa malla halaamteneti'i akka caatta parpaaccisno kallaattane'en ishin naappanni.

Efesooni 6:20

Amma sede an are sansalaataan hidame nefooyye otootase a fayya torra'e, an saara erkame. Semmalla akka ana' parpaaccisnitto mina'e, akkan fuura mali haasawado'e, ana' Waaqa qinsada.

Filippisiyuusi 1:7

An amma tika hida' kara co ka an hidammin kuli turanne an dukaatase a otoota fayya' qara tamaakkanno ka isheetta kokkonnannooyye, faroota a Waaqa daassataadin ana' daashe oppaayye, qoota' pisanti qoottatten malla, ishina awta piisa karittiiyyo kara' kittan; semmalla qootaayshinaayye desa asse ana' dakaatta parpaaccisni.

Qolaasiisi 1:24

Amma rakkoota a ishin malla ana qara' kaynittonne in xasoonni; qoota tikase a kiristaana dakinta Kiristoosi koddite desa, akkan rakkoota Kiristoosi quda qoottado'e, a ana' hasten dakintiyyon immaka.

Qolaasiisi 4:18

Nakaytoose ana Pawloosi harka mattiyyootin taafe. akkan sansalaatan hidame matte oorsada. Daassata Waaqa a ishin olli caatto.

Qolaasiisi 4:3

Juuttotase a Kiristoosi an anti minan hidame akkan torra ettaninno'e, akka Waaqa ino' xarra qaaletaadi' pano'e, ino kuli' qinsada.

Timotoosi a lammatta 1:16

Poqalla a toola Onesifoori'i, diissata kodo isha a lekatinni xasa ana' oorshe; umma hidamaayonne in jeerre.

Timotoosi a lammatta 1:8

Semmalla qoota, poqallaannoti desa maakkumanne, in jeeran; umma an asse qootaadi malla hidame nefonne, in jeeran. Ma hupna a Waaqa ke' daannonne, otootose a fayya' malla ana olli rakkoota teyyado.

Filmoona 1:1

Erkana ana Pawloosi isase Yesuusi Kiristoosi malla hidame isho Timotoosi, innasene xanno a kiristaana' kapaayye, Filimoona innasene' xanno a kiristaana jaalatame an ollin koda kooninna,

Filmoona 1:23

Eppafira isase Yesuusi Kiristoosi minan ana olliiyyi hidame, nakayta ke erkini.

Filmoona 1:9

Asse kodeeta kapaayye, anti Pawloosi qimayta a Yesuusi Kiristoosi malla hidame, jaalalaan ke naappattaan reexade.

Keleshaata 2:10

Rakkoota a itturopa ke qara' kayto in fuuran. Tin akka ekkaysamtane'e taaploosi ishin oppa orra demo tika hida' karopa kalsha; akka kuyyaata kudani rakkoota teyyattan. Haka tootati a amaname kodde, xalaala caatta'en ke' daashaay.