Efesooni 2:8 - Mataafa Qulqulloota

⁸ Ishina amanteeta qudanne daassataadinni dinten; ini nefo daassata Waaqa diisheey, wa kodaayshinan teyade'en.

Efesooni 2:8 ပူးပေါင်းရင်းမြစ်များ

Maatiyoosi 16:17

Yesuusi ka isha oorshe ka kide, “Simooni inna Yoona! Aappaase xanno moonte kalo sede ke la'ayshe diisheey, nama ke in la'anneey, i'eeppisamte!

Maatiyoosi 20:9

Orra a saateta kudanka takka qara sookade ka de'e ka matta mina xaayya a kuyyaata immakkoota teyyade.

Mariqoosi 16:16

Nama amane ka jaqame idina, a amanni in kinnin xoori qara'e faratamta.

Luqaasi 7:50

Yesuusi xoori i'iskattaseti kide, “Amanteetaayti ke dinsheey, nakaytan kale.”

Yohaannisi 3:36

Nama inna Waaqa amanno, caatta parapara'e qapa; nama a inna Waaqa amanni in kinnin xoori, miira Waaqa'e isha qara caada diisheey, caatta in akkado.”

Yohaannisi 4:10

Yesuusi ka isheetta kide, “Katin daassata Waaqa isho sede ke kiino ‘Pisha ikkayta ana daashe’ Ayno akkima kodde upta kiite, helani ke isha qinsanni heene; isha ka pisha caatta ke daanni heene.”

Yohaannisi 5:24

“Anti dukaatannen ishina kiini, nama qaaletiiyyo dakayno ka isase ana erke amanno caatta parapara'e qapa; isha tootoppa desa caatta oppopa tuulleey, isha qara in faratamto.

Yohaannisi 6:35

Yesuusi ka ishootta kide, “Ha laaqqota caatta ana. Nama ana kapopa deeno pakkanna in doxo, umma nama ana amanno, pakkanna in deepoodo.

Yohaannisi 6:37

Nama a Waaqa Aappa ana daanno piisa, ana kapopa de'a, umma nama ana kapopa deeno, an alle lakopa an daanno.

Yohaannisi 6:40

Aa henna a Waaqa Aappinno, nama inna Waaqa akko ka isha amanno, akka caatta parapara akkado. Anti nefo kuyyaata piraampiratiiyyi tootoppa in isha xaasha.”

Yohaannisi 6:44

A Waaqa Aappa isaase ana erke ana kapopa tiito maliiyyi, nama takka nefo ana kapopa deena ettaninni in co; a ana kapopa deeno nefo, kuyyaata piraampiratiiyyi tootoppan isha xaasha.

Yohaannisi 6:65

Kammadesaaw Yesuusi ikide, “Wan malla ishina kide, ‘A Waaqa Aappa kapa ishi faqqatamto mali, nama ana kapopa deena ettaninni in co, tooy sede.’”

Kodampaya 13:39

nama isha amano piisa, juppootase a kelaayye, seerase a Muuse qudan daasame isha hanqeellassa ettanininnkinnin piisa kelaayye, hanqeellaawa.

Kodampaya 14:27

Ka ete eyye kayeneeyye, orra amanno ollopa halen ka wa a Waaqa ishootta olli caade ka kode ka akka orra Yihutaata in koddini amano'e akka ishootta xarra pane ishootta torren.

Kodampaya 15:11

Ino akkiman a xaaysho mina'ew, daassatase a Poqalla yesuusin dinninno in amanninnaay.”

Kodampaya 16:14

Iskattase ino dakkaysanno oppa takka Liidiya kidammitto ka katama Tiyatirooniiti deete ca; ka ohaata a tiima nakanni; isheetta iskatteeta a Waaqa waaqaysannitto. Qoota Poqalla ishi karittaadi pane malla ikka qaaleta a Pawloosi haasawanno qanqannisa dakkaysanni.

Kodampaya 16:31

Ishootta ka ishi kidene, “Poqalla Yesuusi amane iddintaay. Toolaayti kuli ka dinaay.”

Roomi 10:14

Ma xoori a isha in amannin mali, atta isha hala ettanshan? A qootaadi desa in dakaynin maliiyyiiw, atta amanan? Kollissampayta maliiyyiiw, atta dakaya ettanshan?

Roomi 10:17

Semmalla amanteeta, otootase a fayya dakayaanne teyanni; otootose a fayya'ew, kollissase qoota Kiristoosi desa haasawanno quda teyanni.

Roomi 4:16

Semmalla kippeese amanteeta qara'e qa'atte. Kippeese akkima sanynyeeta Aprihaami piisa'e daassata Waaqan daasamte sedenne upnaysammte. Sede nefo orra a seeran kallaanno patta'en ma orra a Aprihaami mina amane piisa'e koddita. Sedennen Aprihaami aappa opa ino piisa'ey;

Roomi 4:5

Nama kadi punu koda paxaara in qapniniiyyi, oton Waaqase juppoolaya hanqeellanno amanaayye, amanteetaadi hanqeelluma'e ishi' dikammi.

Roomi 9:16

Semmalla reexatta a Waaqa, diissata a Waaqatinni teyanni diisheey, heena nama isho koda namatin opa teyni in caan.

Kelaatiya 3:14

Sede nefo wa malla asse koddite, sakase a Waaqa Aprihaami' daashe akka Yesuusi Kiristoosi qudan orra a Yihutaata in koddinin qara' kayo, ino' nefo ka Hapurase a Qulqulloota, a Waaqa' kide, “Ishina'en daasha” amanteetan teyyanno malla.

Kelaatiya 3:22

Ma xoori kippeetase Yesuusi Kiristoosi amaneetan teyannitto akka orra amanno' daasamto'e, akka mataafa qulqulloota' kiino mina'e piita piisa juppootan hidame.

Efesooni 1:19

Ka hupnase' xaadi kutta ekkaysatammi in kinnin ino amannaati a atta kitto akkima kutti akka upnaattane qinsanni.

Efesooni 2:10

Ino kodaddaasene paxaara a Waaqa turan harmishe akkan koono'e, an uumata Waaqa a Yesuusi Kiristoosi qudan lammatta uumame.

Efesooni 2:5

Kadin punu ishin dapaytinnon a le'e' koddine nefooyye, Waaqa Kiristoosi olli caattampaya ino kode. Ishina ka daassataadin dinten.

Filippisiyuusi 1:29

Wa malla sede qoota Kiristoosi desa ishina' daasamte, akka isha amantan patta mallanne ma, akka isha malla rakkattan kuli malla.

Qolaasiisi 2:12

Awta' kiristinna' xaateneeyye Kiristoosi olli hawlamten ka Kiristoosi olli tootoppa xaaten. Wa malla' tootoppa xaatene' nefo, qoota hupnase a Waaqa Kiristoosi tootoppa xaashe amanten malla.

Teseloonqe a lammatta 1:9

Ishootta ka fuula Poqalla isho ulfeenase' xaadi hupnampaytase kapa xawwi ooran ka pateeta paraparatin qatta'aman.

ipro 6:4

Orra amanteetaaysho marmade atta juppootoppa ishootta oorissa ettanshan? Se turan orrooseti'i, la'ayta ila'aye, ikka daassatase a moonta akken ka Hapura Qulqulloota' qoottaden,

Petroosi a paayyota 1:5

Ishina'ew, dinase kuyyaata piraampirati akkaado'e, amanteeta qudanne hupna Waaqatin tooytaamten.