Efesooni 2:4 - Mataafa Qulqulloota

⁴ Maa xoori, Waaqa a diissatan koope, jaalaladi a ino' qapa' qoota akata kutti malla,

Efesooni 2:4 ပူးပေါင်းရင်းမြစ်များ

Mataafa a Nehimya 9:17

Ishootta umma ke' ajajama itiiten ka kodaddasene orra qawwanna a ishootta' koote teymen. Ka karitta kokkonnayshen ka nyiraamumaassotin karpishshuma Kipsi kelopa oora'e saara reexaden. Atti' xoori a' Waaqa diisata. A' xoonampayta ka suraysattampayta; ka miira'e a' jarjarri a kinnin, jaalalaatti ka koopen, semmalla alle ishootta a' diinne.

Mataafa Masmuureta 145:8

Waaqa xoonampayta ka suraysattampayta a miira' jarjarri in kinnin ka diissatan immakaade.

Mataafa Masmuureta 51:1

Waaqqo, jaalalasene' xaayti pirama in qapnini' minan ana maare; ka diissataayti a koopte minan dapiyyo alle haqe.

Mataafa Masmuureta 86:15

Waaqqo, atti' xoori a' suraysatampayta ka a' diissampayta Waaqa; a kuttati orra kela duupanni ka xoona ka amanuma alle' purte.

Mataafa Masmuureta 86:5

Poqlo, atti ipaxaari ka a' diissampaytaay, ka a ke qinsanna' piisa'e, xoona alle' purte.

Mataafa Sooketa 33:19

Yaahiwwe ka ishi kideewwe, “Paxaarumtiyyo piisan ke turopa qattisha ka maxxiyyo Yaahiwwe ke turan desa salisha. Ka an suraysanno suraysada! ka an ishi diinno diisha!

Xuuma Issayyaasi 63:7

Xoonasene a Waaqa' pirama in qapnini, ka daassatase a ino' daashe kapa'e kalataadi, ka suraysattaadi kapa'e ka xoonasene' xaadi pirama in qapnini kapa'e, paxaarumtase' xaadi kutta a sanynyeeta Isira'eeliti' daashen torra.

Xuuma Ermiyaasi 31:3

Waaqa xatta a sekati ino tura akkaade ka ino' kide, ‘Anti jaalala a paraparatinnin ishin jaalade ka xoonaayyo a pirama in qapninitinni issipa ishin tite.

Xuuma Taani'eeli 9:9

Waaqqo Poqallaano kadin puno ke dakaya tiinneeyye, atti a diissampayta ka a suraysattampayta.

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Luqaasi 1:78

Waaqinno qoota diissampayta ka suraysattampayta kodde malla; la'ayta dina'e moonte ata ino la'ayysha.

Roomi 10:12

Semmalla poqallasene takkan qootan poqalla a orra piisa malla, Yihutaata isho a Yihutaata in koddinini oppa, reexa takka nefo in co. Isha orra a isha qinsanno piisa'e sakaadi koopinni ka daani.

Roomi 2:4

Moon hela paxaarumta Waaqa ka opseetaadi isho duupattaadi a koope tuffanni? Waaqa akka juppootaaytippa ke oorissa malla paxaarumaadi ke' koopshe a upto?

Roomi 5:8

Ma xoori, ino an juppoolaya koddineeyye, Kiristoosi paakkinnoppa' to'e. Sede nefo jaalala Waaqa ino' qapa a atta kitto akkima kutti la'anni.

Roomi 9:23

Wa malla asse kode nefo, mehaddasene a diissata a turan ulfeena' harmisheeti kuttuma ulfeenaadi akkissa malla.

Efesooni 1:7

Daassata Waaqa a koopte minannen diika innaaditin furamme ka haseenta juppootinno akkanne.

Efesooni 2:7

Wa malla asse kode nefo, sapanna itturopa deenaatiiyyi akka daassatase' xaadi koopte ka tura xeela in qapnin qudan a xoonaadin Yesuusi Kiristoosin ino sookshe ino akkissa malla.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Teseloonqe a lammatta 2:13

Ishina a poqallaan jaalatame hellaanno a kiristaanatiiyyi! ino' xoori ishin minan awta piisa Waaqa kalataysatta ino parpaaccisni. Waan malla kalataysanninna' nefo, akka ishina Hapura a Qulqullootatin qulqullaawtan ka dukata amaneetan dintane'e, qoota Waaqa paayyota'ew ishin reexade malla.

Timotoosi a paayyota 1:14

Daassata Poqallaanno amanteeta isho jaalalasene Yesuusi Kiristoosi qudan ca ollini, tupaxata ana qara' tuqmatte.

Timotoosi a lammatta 1:9

Isha, koda paxaara an ino' koone minannen ma, heennaadi ka daassataadinni ino dinshe ka qulqulluma ino hale ka Yesuusi Kiristoosi qudanne, daassatose sapanna turan ino' daashe.

Petroosi a paayyota 1:3

Qoota Yesuusi Kiristoosi tootoppa xa'e minanne, Waaqa Aappa opa Poqallaanno a Yesuusi Kiristoosi isase kippeeta caatta qapto ino' daashe ka diissataadi a kuttatin daloota haarayan hellaadi ino kodade a kalataysamo.