Efesooni 2:3 - Mataafa Qulqulloota

³ Seturan ino pisaniiyyi anka ishoottoppaayye heenna so'anno isho dikatta mattinno kammaaw anninna ka xajeelta so'annotin kallaanninna ka akka orra pila' mina'ew dalaanno oppaayye miira Waaqa kela kinna.

Efesooni 2:3 ပူးပေါင်းရင်းမြစ်များ

Mataafa Uumata 5:3

Attaami ete paraadi dippa ka kunda sessa kayeeyye, inna isha paha'e xaaye ka ‘Seeti’ kide ka maxxa ishi' kode.

Mataafa Uumata 6:5

Yaahiwwe orra piita qara kalo akkima neeqi ka karittaaysho kara neequmta dikanno akke.

Mataafa Uumata 8:21

Aluma a kalisootaseti ka Yaahiwwe xasayshen, Yaahiwwe ka isi karanxata dikade ka kide, “Nama kadi punu a shakki paayyeew dikatta neeqa qapaayye, amma desa dapa nama' malla piita an jiijo. Umma akka amma' mina'e, lammatta uumata piisa an pashsho.

Mataafa Iyyoopi 14:4

Wa nyale kara ayno wa qulqullaawe' sookissa ettansha? Nama takka nefo sookissa in ettansho.

Mataafa Iyyoopi 25:4

Nama kuli atta Waaqa tura hanqeellayta kodda ettansha? A iskatta kara dalanno ka jureeta dapa ettansha?

Mataafa Masmuureta 51:5

A aayyaanno ana hitteeyyewwen an juppoolayta, anka dapampayta kodde ka dalade.

Xuuma Issayyaasi 53:6

Ha ino piisantiiyyin a kahirra' mina'en rarraataawne patpanne, ka piisani takka takkaayye pelpellaawne; Waaqa ka ishin dapayta a ino piisa isha qara' xaaye.

Mariqoosi 4:19

Ma xoori qoota dikatta piisseti ka jaalala teyanta isho xajeelta a pila a paatapatta a karittaaysho kara co, qaaletase a Waaqa qara pirro malla, dalta dalli in caan.

Yohaannisi 1:13

Ishootta nefo Waaqa oppa daladen diisheey, sanynyeeta nama taaki heenna a nama oppaayye in dalanne.

Yohaannisi 8:44

Ishina a hellaa aappaase xaayshin a taaploosi, wa faanittane nefo xajeelta aappaayshina kodeeta. Isha paayyote paayyatte xattaaw orra lenni; qoota dukaata isha kapaen pannen malla, dukaata quda we takkan nefo in qapo. Isha qootan darampayta ka aappa opa darta piisa kodde malla, oto darta haasawnnooyye, isi kareela qeenni ka haasawanni.

Kodampaya 14:16

Sapanna tarpeetiiyyi Waaqa samayta piita piisa akka saantaaysho qara kallaadane'e ishootta tupadesa diishe.

Roomi 1:24

Semmalla akka dakintaayshotin oli qara kodadda jeera' kodane'e; Waaqa akka xajeeltase xaaysho neeqa nyalaan immakaadeti piddamane'e, ishootta tupaa desa diishe.

Roomi 11:30

Ishina a Yihutaata in koddininitiiyyi, ishina' turanne a orra a Waaqa ajajammon, amma xoori Yihutaata qoota in ajajammin malla, diissata Waaqa'e akkatten.

Roomi 13:14

Semmalla Poqalla Yesuusi Kiristoosi uwwisada diisheey, xajeelta dakintaayshina immaka an dikadan.

Roomi 2:14

Orra a Yihutaata in koddinin a seera in qapnin, uumataaysho oppa wa seera kiinaa'e kooni seminan, kadi punu seera in qapniniiyyi, qoota seera a uumatoppa co a mattaayshoti qapan malla; wa koda ishootta parpaaccisnitta i'upan

Roomi 5:10

Ino an paarakaala Waaqa' koddineeyye toota innaaditinnin Waaqa olli araaramme. Amma eten Waaqa olli araaramme kammaayye, caatta innaadi minannen a qaran qapto' dinnaaw.

Roomi 5:9

Semmalla oton diika Yesuusi Kiristoosin hanqeellaawneeyye, a qaran qapto'e, ishanneewwen aara Waaqa' kela pahana.

Roomi 6:12

Semmalla, juppoota akka dakintaayshin a toonitto qara hupna ukkumeeta qapnaatto ka a xajeelta so'assenati a piddammaati'i ishin kooto'e, ishi in salan.

Roomi 7:18

Ana karaayye taakki qalpeetiyyo a so'a karaayye, wa paxaara takkan' nefo akkima in kinnin in upa. Kadin punu wa paxaara' koda heenaayye, wa paxaara' kodeeta' hupna an qapo.

Roomi 9:22

A takka punu Waaqa miiraadi akkissa ka hupnaadi sookissa fade ka mehaddasene a miira pateetta' harmisame' kela a kuttati duupade maana' upta?

Qorontoosi a paayyota 4:7

Atti maanaanne orra pila' qara qapta? Wa a nama pila kapa a' teyyannini maana? Ka kuli oto we piisa nama pila kapa teyyatteeyye, maana malla a nama kapa in teyyannini' mina isi jeejjini?

Qorontoosi a lammatta 7:1

Semmalla ishina jaalatame moottadaayyooyye! kippeese piisa qoota ino' daasamte malla, wa dakinta isho hapura nyalinna' piisa oppaayye isi qulqullanna ka Waaqa fuureetan qulqullumaanno a qaja in qapniniiti' koona.

Kelaatiya 3:22

Ma xoori kippeetase Yesuusi Kiristoosi amaneetan teyannitto akka orra amanno' daasamto'e, akka mataafa qulqulloota' kiino mina'e piita piisa juppootan hidame.

Efesooni 2:2

Ka sitiiyyi saantase a piisseti neeqa kamma annittan ka isase hupnaddasene a hapura xayxaytoppa ca ukkummooti ajajammittan. Isha' nefo hapurase neeqa orra ajajammi in kinnin kara koda koono.

Efesooni 4:22

Semmalla aynumayteese xaayshin kere a xatta, a ishin kallaannittan, isase xajeeltase ishin sassapanno ka juppootoppopa ishinan annoon nyapale, akka alle isi quda sookissan ikkollatten.

Qolaasiisi 1:21

Turanne Waaqa kapa' sekaatten ka dikattaayshin isho kodaayshin a neeqaatinni, paarkaala kodditen.

Teseloonqe a paayyota 4:13

Hellaanno a kiristaanatiiyyi! a orra kippeeta in qapnin' mina'e, akka a nyarrahanini'i, qoota orra le'eti desa, akka' dukaata upnaattane'en faaninna.

Teseloonqe a paayyota 5:6

Semmalla ino impasna ka isi tooytaattaan mina' desa kallaanna ka a orra a taaka' mina mukitta diinna.

Timotoosi a paayyota 6:9

A teyantoolaya kodda heena' xoori, ekkaysumaappa'e pi'ini ka turuura xajeelta lekayta, a paata patta a neeqa a orra nyapalinno ka patinno oppa' qapammi.

Tiito 3:3

Ino' nefo setturanne an eeppa a ajajammi in kinnini ka a kamma dape ka a xajeelta ika lekayta isho xasa so'aati karpishshume. Ka falqa ka yootan kallaanna ka needdatame ka oli needdanna.

Petroosi a paayyota 1:14

Ka hellaa ajajamma' kodda. Ka xajeelta neeqa a xatta upna dapnaan qapnaatten alle' diisha.

Petiroosi a lammatta 2:14

Ka iskatta a akken piisa ilda sharmuutumatin tooyni, umma juppoota koda qaatinni in caan; umma xajeeltaaysho a juppoota koda faakni in caan. Ka orra amanteetannen qimmin sassapanni. Ka kaaja kakaabbini. Ishootta orra a jiijame.

Petiroosi a lammatta 2:18

Ka a orra kamma dapaytan kallaanno kela qahe ka a de'eneeyye shakkayta nefo in jarriniti afa isi peepa a paata pattatin haasawanni, ka xajeelta sharmuutuma isho a sootattaatinni ishootta warahasanni ka ishootta sassapanni.

Yohaannisi a paayyota 2:16

Wa piitoppa ca piisa, xajeelta a so'a ka wa ildaan tooynaane ka sennaane isho waan koone ka qapna jeejjatta piitoppa deeni diisheey, Waaqa Aappa kapa deeni in caan.

Yohaannisi a paayyota 2:8

A kodditoma ajaja haaraya a caatta Kiristoosi isho caattaayshin oppaayye dukaata kodde ka akkaaden ishina' taafni. Tukkanta ipatte, la'ayta dukaata ka amma ikki la'aya qara ca.