Efesooni 2:16 - Mataafa Qulqulloota

¹⁶ Ka masqalase' xaadi a paarkaaluman haattishenne, Ishootta lakki dakinta takka' kode ka Waaqa olli araarshe,

Efesooni 2:16 ပူးပေါင်းရင်းမြစ်များ

Roomi 5:10

Ino an paarakaala Waaqa' koddineeyye toota innaaditinnin Waaqa olli araaramme. Amma eten Waaqa olli araaramme kammaayye, caatta innaadi minannen a qaran qapto' dinnaaw.

Roomi 6:6

Dakintase xanno juppoolayteeta koddite, akka ino quda sekaatto, karpishshadda a juppoota koddeetinno ka haso'e, dakintase xanno kerite akka Kiristoosi olli fannisamte in upna.

Roomi 8:3

Nukkulluma a qalpeeta nama qaran xaate'e, wa a seera koda malaale'e, Waaqa kode. Ka juppoota minan innaadi a mattaadi, pahana a juppoolayta namatin erke ka dakintaadin juppoota qara' farate ka pashshe.

Roomi 8:7

Nama wa so'a' dikanno, qoota seera Waaqati ajajammi in kinnin ka ajajama nefo ettaninni in kinnin malla, paarakaala Waaqa.

Qorontoosi a paayyota 10:17

Qoota laaqqose takkayteeta koddite malla, ino ka laaqqose takkayteetaaw oltura moossanninno malla, kadin punu lekinnaayye, ino an dakinta takka.

Kelaatiya 2:20

Anti qootan Kiristoosi olli fannisame malla, arepa desa Kiristoosi ana kara' kallaanni diisheey, anti an kallaanni an co. Amma sede an are dakintiiyyon kallaanno, innasene, a Waaqa ana jaalade ka toota isi daashe, amaneetannen kallaanni.

Efesooni 2:15

Ka samayse lakkippaayye samayta takka haraya a isha olli parkumo, uuma'e dakintaadin ajajadda isho tampeewwa seera alle hattishe ka nakayta kode.

Efesooni 3:6

Sede nefo wa akkinnitta, orra a Yihutaata in koddinin akkima Yihutaata olli lehan a sene lehaado ka meella a dakinta takka' koddo ka otootase a fayya qudanne kippeetase a Waaqa daashe Yesuusi Kiristoosin qoottado akkinni.

Efesooni 4:4

A' halaamteneeyye akka kippeeta takka' halaamten' mina'e, dakinta takka ka hapura takka ca.

Qolaasiisi 2:14

Isha taafetase a ita seera qara kitto ka ino xasasinitto ka ino toorritto alle' haqe ka masqala qara' toomme ka ino kapa sekayshe.

Qolaasiisi 3:15

Wa malla dakinta takka kodditen ka halaamtene, nakaytoseti'iwwiiy, nakayta a Kiristoosi a karittaayshin kara' nuqusumo ka a kalataysanna' kodda.