Efesooni 2:11 - Mataafa Qulqulloota

¹¹ Semmalla ishina turan dalaassin oppaayye a orra a Yihutaata in koddinin, a Yihutaata harka namatin dawra qara muratte ishina' kiinitta, “Ishina a dawra qara in murannini;” sede matte oorsada.

Efesooni 2:11 ပူးပေါင်းရင်းမြစ်များ

Xuuma Hisqeeli 20:43

Eeyye karaayye akka saantadasene' xaayshin ka kodaddasene' xaayshin a issin nyalissene matte oorsatan ka neequmta a' kooten malla isi xaccisattan.

Xuuma Hisqeeli 36:31

Sekkammayye akka kallaatase' xaayshin neeqa ka kodaddaasene' xaayshin nenneeqa isho kodaddasene' xaayshin jippame matte oorsattan ka juppootaayshin isho nyalaassin malla isi jippitan.

Maatiyoosi 20:7

Ishootta ka ishi oorshen ka kidene, ‘Nama ino xaayyadon dapne.’ Isha ka ishootta oorshe ka kide, ‘Ishina kuli duliyyo a wayneeta oppopa sookadaaw ka koda koda.’

Roomi 11:17

Yihutaatase taamma qoyra ekerta a eennaappa' koddite, kati muramta ka pi'itaayye; ishina a taamma qoyra ekerta a kappina' kodde orra a Yihutaata in koddininitiiyyi, ishina ka poraaysho oppa' kodditan ka teyantaaysho isho sakaaysho qoottattaneey;

Roomi 2:26

Semmalla a Yihutitta in koddinin ka dawra qara in murannin, oto ajaja seera' tooytaannooyye, sede a dawra qara in murannin, akka murade kapa'e dikamminni?

Roomi 2:27

Atti ke a seera a taafame qapo ka dawra qara murade, oton seera' qepissaayye, a Yihutitta in koddinin ka a dawra qara in murannin ka seera tooytaanno ke qara' farata.

Qorontoosi a paayyota 12:2

A orra a Yihutaata in koddinin oppa kittaneeyye akka' wa a' upnini kamma anten ka killannasene haasawatta etattaninni in kinnini kamma' saanta qara maqqiten i''uptan.

Qorontoosi a paayyota 6:11

Ishin oppaayye orra demo xatta, asseew paha. Amma xoori maxxa Poqalla Yesuusi Kiristoosi ka hapura Waaqinnotinni juppootoppa ijaqamten ka samayta a qulqullaawe ka Waaqa' xawwi' reexxame kodditen ka hanqeellaawten.

Kelaatiya 2:15

Dukaatan ino' dalaannoppaayye, an Yihutaata diisheey orrase Yihutaata in koddinin a juppoolaya kodde minan.

Kelaatiya 6:12

Orra laka tulan paxaarnaya pahanaatta ka akkaatta faano, akka dawra qara murattane'e ishin kitteessini. Wa malla sede koonaane' nefo, akka masqala Kiristoosi minan pora daanama ishootta qara'en kaynin malla.

Efesooni 2:2

Ka sitiiyyi saantase a piisseti neeqa kamma annittan ka isase hupnaddasene a hapura xayxaytoppa ca ukkummooti ajajammittan. Isha' nefo hapurase neeqa orra ajajammi in kinnin kara koda koono.

Efesooni 5:8

Xatta turan ishina a tukkanta, ma amma, qoota a Poqalla' kodditen malla a' la'ayta; semmalla akka orra la'aytoppa kalo mina kallaada.

Mataafa oppa' Ooreta 15:15

Atti mattaayti'i akka turan piita Kipsi kara karpishsha koddite Yaahiwwe Waaqaayti ka ke furade matte oorsado; anti semmallan ajajose ke daanniiy.

Mataafa oppa' Ooreta 16:12

Ka akka atti kuli xatta piita Kipsi kara karpishsha koddite matte oorsado ka taantewwosen qanqannisso tooytaado.

Mataafa oppa' Ooreta 5:15

Xatta piita Kipsi kara ishin kuli akka karpishshadda kodditen, anti Yaahiwwe Waaqaayshin ka hupnase xayyo kutta ka harkase xayyo kokkokan kara ishin sookshe matte oorsada; se minanne anti Yaahiwwe Waaqaayshin ka akka kuyyaata a nessumiyyo ulfeessitane ishin ajaje.

Mataafa oppa' Ooreta 8:2

Yaahiwwe Waaqaayshin akka ajajaddaadi tooytinittan taaki tooytini a kinnin wa ishin kara ca upnaatta'e ka ishin ekkaysatta'e ka ishin xata shakkissa'e ka parroosen tarpe kunda afur kara'e atta akka koommayse oppaayye ishinan aane piisa matte oorsada.

Mataafa oppa' Ooreta 9:7

Koommaytoppaayye atta akkima Yaahiwwe Waaqaayti miirasse matte oorsado, umma pakkanna sede in teyman; haka a piita Kipsiti xaate ka poroose are co kayte kara'e, Yaahiwwe falqa tupa kitta.

Filippisiyuusi 3:3

Maana malla ino a Hapura Waaqatin waaqaysanna ka taanteta a laka tulan akkaannitton in koddinin mali Yesuusi Kiristoosiiw jeejjaanna, ino dukaatan dawra qara murade.

Qolaasiisi 1:21

Turanne Waaqa kapa' sekaatten ka dikattaayshin isho kodaayshin a neeqaatinni, paarkaala kodditen.

Qolaasiisi 2:11

Ishina' qoota isha amanten malla, dawra qara immuratten; murattaayshin nefo, harka namatin in koddine ma qalpeetase a juppoota hattissa'e, Kiristoosin muratten.

Qolaasiisi 2:13

Qoota juppoota kooten, qalpeese' xaayshin a juppoota ka qara in murammin malla; a' leeteneeyye Waaqa Kiristoosi olli caatta ishina' daashe ka juppootaayshin piisa ishina' diishe.

Qolaasiisi 3:11

Seden oori, Kirikkitta isho Yihutitta ka a dawra qara murade isho a in murannin ka karpampayta asalattane isho a in salattannin ka a natan co isho a nataan in kinnin oppaayye reexama takka nefo in co. Kiristoosi we' piisa ka we' piisa kara ca.

Mataafa Saamu'eeli a paayyota 17:26

Taawwiti ka orra isha kapa qa'ade kide, “Nama Filisteemittose ishsho ka jeerose Isira'eeli kamma jaqo'e, maana kodan? Ata allu Filisteemittose dawra qara in murannin ayno ka xeloose a oranna a caattampayta Waaqa asse kojeessini?

Mataafa Saamu'eeli a paayyota 17:36

Ana orxaytaayti karma ka tipi kulin ishsheey, Filisteemittase dawre qara in murannin, xela oranna a caattampayta Waaqa'e kojeesseey, a pinaanosene oppa a takka mina kodda.”