Efesooni 1:9 - Mataafa Qulqulloota

⁹ Waaqa heennaadi a paxaara'e koddite ikka Kiristoosi qudan akka turanneew koda' qapade qara'e, akkan juuttota heennaadi upnaanno' kode.

Efesooni 1:9 ပူးပေါင်းရင်းမြစ်များ

Mataafa Masmuureta 33:11

Waaqa wa itturopa koda' piisade, haka a paraparati'i qa'anni; dikatta satataadi' nefo haka xeltadaati kayni.

Xuuma Ermiyaasi 2:29

Waaqa ikiini, “Ishina piisani ana qara tiyyaan xaateneey, maana'e ana qara qoojqoojnittan?”

Maatiyoosi 13:11

Yesuusi ka ishootta oorshe ka kide, “Ishina akka haasasene a mankisteeta moonta juutame upnaattane'e i'ishina daasamte. Xaaysho xoori, ishootta'en daasamme.

Luqaasi 12:32

“Ishina kaffadayyooyye! Ishina akka a xelloota shashakka, mina kodde in fuuran. Aappaase xaayshina a moonta mankisteeta ishina daassata heennaadeey,

Luqaasi 2:14

“Moonta'e, Waaqa a ulfeessamo, piita qaraayye, orra a Waaqa ishootta jaalanno piisa'e nakayta a koddo.”

Kodampaya 13:48

Orra a Yihutaata in koddinin ete sede dakayeeyye, ixasoode. Ka qaaleta Poqalla ulfeesse. Acaatta paraparati reexxame piisa ka amanen.

Kodampaya 2:23

Isha' nefo mattaadi'i, akkima Waaqa xattaaw turan koda' qapade ka upnaade qara'e ishina' tarpe ka daasame. Ishina ka akka harka tiyyoolaya oppa' fannisamo ka to'o' kooten.

Kodampaya 4:28

Sede nefo wa malla asse koddite, wa sene a' xatta hupnaayti ka heennaattin koda' qapatte akka dikkadan malla.

Roomi 11:25

Hellaanno a kiristaanatiiyyi, an upnampaya in kidan ka in jeejjaadan; juuttota an ishina' lelo takka ca. Sede nefo Isira'eeleta amana tiittetaadi, haka a Yihutaata in koddinini piisa immakkootan Waaqopa deenaan kara'e koddita diisheey, amana tiitteta kammaaw in caatto.

Roomi 8:28

Orra Waaqa jaalanno ka heennaadi qara' halaame, Waaqa akkima we' piisa a paxaarati ishootta' koono in upna.

Qorontoosi a paayyota 1:21

Orra piisseti akka ookumaayshotin Waaqa upnaatta in ettaninnini'i, Waaqa ookumaadinni ishootta' tura' dufe. Ma xoori, otootase a fayya an kollinninno akka eepuma' mina' dikammittonne, orra amanno dinissa'e, heenna Waaqa'e koddite.

Kelaatiya 1:12

Otoose a fayya Yesuusi Kiristoosi ana' akkishe diisheey, nama takka nefo qara an teyyanne; umma nama takka nefo anan kollinne.

Kelaatiya 1:15

Ma xoori, an andalannin turanne Waaqa ana reexade ka daassataadin ana hale.

Kelaatiya 1:16

Akkan qoota innaaditi desa otootase a fayya orra a Yihutaata in koddinini' torro'e, ete Waaqa ana qudan innaadi akkissa heennaadeeyye, anti nama takka nefo olli an oorsanne.

Efesooni 1:11

Waaqase we' piisa akka heennaadi a koda' qapade qara akka koddane' koono, akka turanneew qootinno desa piisade qara'e, akkan Kiristoosi qudan hellaadi koddino'e ino reexade.

Efesooni 1:8

Isha ka daassataadi ookuma ka upna pisan ino' koopshe ka tupa xata ino' tuqe.

Efesooni 3:11

Waaqa wa haka paraparati koda' qapade qara'e Poqallaanno Yesuusi Kiristoosi qudan sede dikkishe.

Timotoosi a paayyota 3:16

Juuttota amanteetinno akkima kutti oppan desa anta in qapto; isheetta' nefo ikiini, “Waaqa nama kodde ka akkaade, dukaallyta koddetaadi ka hapuran upnaysamte; ikka erkampattowwa tura' akkaade ka lekna piisa tura' torraame. Orra a piita qara co ka isha amane; ikka ulfeenan moontopa fayyade.”

Timotoosi a lammatta 1:9

Isha, koda paxaara an ino' koone minannen ma, heennaadi ka daassataadinni ino dinshe ka qulqulluma ino hale ka Yesuusi Kiristoosi qudanne, daassatose sapanna turan ino' daashe.