Efesooni 1:7 - Mataafa Qulqulloota

⁷ Daassata Waaqa a koopte minannen diika innaaditin furamme ka haseenta juppootinno akkanne.

Efesooni 1:7 ပူးပေါင်းရင်းမြစ်များ

Mataafa Iyyoopi 33:24

ka isha suraysatte ka Waaqopa ishi' qinsatte ka kiite, “Wa a ishin hidaappa furmada in ishi' teyeey, akka hawloppopa in lekkannini hidaappa isha fureeyye.”

Mataafa Masmuureta 130:4

Ma xoori juppoota' diissatta ke kapaayye ca; semmalla fuurama ke parpaaccisni.

Mataafa Masmuureta 130:7

Waaqa kapa xoona caay, dina ka isha kapa' pureey, atti Isira'eeli Waaqa kippado.

Mataafa Masmuureta 86:5

Poqlo, atti ipaxaari ka a' diissampaytaay, ka a ke qinsanna' piisa'e, xoona alle' purte.

Mataafa Sooketa 34:7

A xeltada kumadda xoonasene xaadi pirama in qapnin tooytino ka ukkuttuma ka tiyya isho kamma dapayna diinno. Ma xoori a ishin dape, a qatta'o mali a diinni in kinnin ka juppoota a aappada kapa'e, haka xelta sessa ka afuriti'i hella ka oopadda qattaano.”

Xuuma Issayyaasi 43:25

Anti an Waaqa, a isi malla kiino, ka ishin dapaytaayshin alle' diinno ana, umma juppootaayshin an dikni in co.

Xuuma Ermiyaasi 31:34

Waaqa ikiini, “Umma kulipaata, nama takka nefo xelittaadi taaki innaasso'en kollisho ka in kido, ‘Waaqa upnaado’ Maana malla nama a shakka paayyatte haka a kuttati'i piisa ana upnaadaay; anti ka dapaaysho ishootta' diisha; umma juppootaaysho lammatta matte an oorsado.”

Xuuma Taani'eeli 9:19

Oo waaqqo ino dakaye! Ka ino' diishe ka inopa dakkaysado! Ka kodaayti ino' akkishe! Waaqqo katamoosen isho samaytose maxxaaytinni halaameneey, maxxaayti malla kide ka in jaran.

Xuuma Taani'eeli 9:9

Waaqqo Poqallaano kadin puno ke dakaya tiinneeyye, atti a diissampayta ka a suraysattampayta.

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Xuuma Mikkiyaasi 7:18

A nama juppoota diinno ka peela samaytaadi oppa hase qara dapa dikni in kinnin, ata Waaqqo, a xaamo ke paha? Ha atti oto nama suraysannittooyye, xasa ke' dakaanni diisheey haka paraparati a' miironni a' kitto.

Xuuma Sakkaariyaasi 13:1

Waaqase we piisa ettaninno ikiini, “Kuyyaasetiiyyi paada a sanynyeeta Taawwiti isho orra Yursaalami kara kalo juppoota ka nyala kela jaqo panama.

Xuuma Sakkaariyaasi 13:7

Waaqase we piisa ettaninno ikiini, “Atti koraatetayti! Sikmaytase xayyo an ollin moottumminno qara' xa'e ka dayshe; kahirra ka alle' pasen. Anti nefo harkiyyon a shashakka qaropa oorsada.”

Xuuma Sakkaariyaasi 9:11

Qootan kalisoota a diikatin ke olli kodayteeta kodade malla, orra ke tura hidamen qaawa a pisha in qapnin kara nataan sooksha.

Maatiyoosi 20:28

Akkimose mina'ew, inna a nama orra kela orxuma ka orra lekaytan paha'e toota isi daassata de'en diisheey, akka isha kela orxumane in deene.”

Maatiyoosi 26:28

Sede diikase xayyo a kodayteeta haaraya a diissata, juppoota orra lekayta malla tuqamooy.

Maatiyoosi 6:12

Akkiman orra ino ishin dapno diinninno mina'e, atti dapinno ino diisheew.

Mariqoosi 14:24

Yesuusi ka ishootta kide, “Ini diikase xayyo a kodayteeta haaraya, a orra lekayta malla tuqamo.

Luqaasi 1:77

Poqalla ka juppootaysho ishootta diissatanne upna a ishin dinane samaytaadi daasha.

Luqaasi 24:47

Akkimse mina'ew, maxxaadin, juppootoppa ooreta ka haseenta juppoota akkatta, Yursaalami paayyatte piitaddaappa samayta piisa torramto ilelamte.

Yohaannisi 20:23

Ishina oton ijuppoota orra' diinnittaneeyye, i'ishootta diisamta; oton xoori juppoota orra a diinni a kinniniiyyi, ishootta in diisamto.”

Kodampaya 10:43

Nama isha amanno piisa akkima maxxaadin diissata juppoota teyo, xuumampaya piisa isha maakkummi.”

Kodampaya 2:38

Peetiroosi ka ishootta' kide, “Juppootaayshin oppa oora ka akka juppootaayshin ishina' hasto'e, ishina takka takkaayye maxxa Yesuusi Kiristoosin jaqqama, Hapurase a Qulqulloota daassata Waaqa' kodde' teyyattaneey.

Kodampaya 20:28

Hapura Qulqulloota qaratooyampaya'e ishin kode ka ishin shuume; semmalla issi'i isho xellootoseti tooytaada ka tikase a kiristana a Waaqa diika innaaditin furade tooyta.

Kodampaya 3:19

Semmalla akka juppootaayshin ishina' hasto'e alle juppootaayshin oppaayye oora ka Poqallaapa tiitaawa.

Roomi 2:4

Moon hela paxaarumta Waaqa ka opseetaadi isho duupattaadi a koope tuffanni? Waaqa akka juppootaaytippa ke oorissa malla paxaarumaadi ke' koopshe a upto?

Roomi 3:24

Semmalla orra, kodase a dinissa a Yesuusi Kiristoosi' kode minanne, daassata Waaqa pattan hanqeellaawa.

Roomi 3:25

Wa malla Waaqa Yesuusi Kiristoosi kalisoota' kode ka dehayshe, a isha amanna piisa akka diikaadin haseenta juppootaayshoti akkadan malla. Waaqa wa malla sede kode, akka duupattaadin juppoota a tarpite pashsho ka firteetaadi a dukaata akkisho malla.

Roomi 9:23

Wa malla asse kode nefo, mehaddasene a diissata a turan ulfeena' harmisheeti kuttuma ulfeenaadi akkissa malla.

Qorontoosi a paayyota 1:30

Waaqa xoori, akka ishina Yesuusi Kiristoosi olli takkumta qapnaattane'e kode. Semmalla Waaqa, akka Yesuusi Kiristoosi ookuminno ka hanqeellumaanno ka qulqullumaanno isho waan ishin furamma' koddo'e kode.

Qorontoosi a lammatta 8:9

Ishina daassatase a Poqallaanno a Yesuusi Kiristoosi i'upnaatten. Isha kadi punu teyantoolayta koddeeyye, ishin malla teekolayta kodde; sede nefo wa malla asse kode koddeetadin akka ishina teyaantolaya kodditan malla.

Efesooni 1:14

Hapuroose nefo, akka ulfeenaadi' kalata koddo'e, haka Waaqa a xaadi kodde piisa furanno kara'e, lehnaasene an itturopa akkannaati qapteetinno.

Efesooni 1:18

Kippeeta a atta pahato'e akkima' halaamten ka lehnasene ulfeessame a qulqullowwa lehaadane a atta kitto akkima kutti, akka upnaattane'e, ildaassin a karan xata akka ishina' panamane'en qinsanni.

Efesooni 1:6

Wa malla asse kode' nefo, innasene' xaadi jaalatame qudanne, daassatase' xaadi ulfeessamte a patta ino' daashe akka kalataysamto malla.

Efesooni 1:8

Isha ka daassataadi ookuma ka upna pisan ino' koopshe ka tupa xata ino' tuqe.

Efesooni 2:4

Maa xoori, Waaqa a diissatan koope, jaalaladi a ino' qapa' qoota akata kutti malla,

Efesooni 2:7

Wa malla asse kode nefo, sapanna itturopa deenaatiiyyi akka daassatase' xaadi koopte ka tura xeela in qapnin qudan a xoonaadin Yesuusi Kiristoosin ino sookshe ino akkissa malla.

Efesooni 3:16

Waaqa teyantaadi a ulfeena oppaayye akka hapuraadi qudan hupna a karan xata ishin kokkonnaysho, ishina' daasho'en qinsanni.

Efesooni 3:8

Anti kadin punu qulqullowwa piisa kelopa xata shakkiiyyi, akkan paxaarumtase a Kiristoosi turaayye xeela in qapnin orra Yihutaata in koddinini' torro'e daassata Waaqatinni faroose ana' daasamte.

Filippisiyuusi 4:19

Semmalla a Waaqiyyo teyanta ulfeenaadi oppaayye Yesuusi Kiristoosi qudan wa ishin' parpaaccisna' piisa ishina' daasha.

Qolaasiisi 1:14

Anka ishin furamme ka hasenta juppoota akkanne.

Qolaasiisi 1:27

Waaqa, orrose amanno'e ulfeena a teyanta juuttotoseti orra a Yihutaata in koddini oppa atta akkima kitto akkissa fade. juuttotose' nefo, Kiristoosise kippeeta ulfeena' kodde ka ishin kara co.

Qolaasiisi 2:13

Qoota juppoota kooten, qalpeese' xaayshin a juppoota ka qara in murammin malla; a' leeteneeyye Waaqa Kiristoosi olli caatta ishina' daashe ka juppootaayshin piisa ishina' diishe.

Qolaasiisi 2:2

Wa an malla soonna' nefo, akka karittaaysho xasa oorsado ikka jaalalaan takka koddan ka teyanta a upna qaja in qapnini qapnaadan ka Kiristoosise juuttota Waaqa' kodde, upnaadan malla.

Timotoosi a paayyota 2:6

Orra piisa juppootoppa furatta'e a kaaja wetin furannaaneti isi kode ka isi daashe isha. Sede nefo, ete etaadi a dukaata kayteeyye, qoota dinissa Waaqati desa maakkummi.

Tiito 2:14

Kiristoosi, akka ukkuttuma piisa kela ino furado ka akkan samaytaadi koddino ka a koda paxaara piisa kodeeta yaatanna' koddino'e, ino jaqqeeta malla toota isi daashe.

Tiito 3:6

Waaqa, daassataadi a xoonaatinni dinshampaytase' xanno Yesuusi Kiristoosi qudanne, Hapuraadi kuttumtan tupaxata ino' tuqa.

ipro 9:22

Keeto, akka seera Muuse qara'e, we lamaya maliiyyi we' piisa diikanneew qulqullaawni, umma haka diika tuqamo maliiyyi, hasenta juppoota teyani in kitto.

Petroosi a paayyota 2:24

Akkan juppoota kapa sekaanno ka hanqeellumaan kallaanno'e, isha' mattaadi' dakintaadin juppootinno masqala qara' haade. Ishina ka faykitteetaadin dinten.

Petroosi a paayyota 3:18

Kiristoosi' mattaadi'i akka Waaqa kapopa ino dehaysho'e, a hanqeellitta kodde kapaayye ino a hanqeelluma in qapniniiti' juppootinno minan takka' rakkoota teyyade ka to'e. Umma sede oppa' oora in qapto. Isha dakintanne to'e, hapuran xoori caattampayta kodde.

Yohaannisi a paayyota 2:12

Hellaayyooyye! juppootaayshin qoota maxxa Yesuusin ishina' diisamte mallan ishina' taafni.

Yohaannisi a paayyota 2:2

Isha juppootinno alle' pashsha. Umma juppootinno pattan ma, juppoota piita' piisa isha minanneew patta.

Yohaannisi a paayyota 4:10

Jaalala kideeta asse; qootan ino Waaqa jaalanne mallannema, qoota isha ino jaalade ka akka juppootinno isha minan patto'e, innaadi ino erke malla.

Keleshaata 14:4

Ishootta qoota issin caan malla iskatta olli mukittaanne in nyalle ka pora a laahase opa anno piisa opa kamma anni. Ishootta Waaqa isho laahaseti'i orroppaayye akka qarpatta mina dehaaden.

Keleshaata 5:9

ka masmuureta haaraya dawaden ka kidene, “Qoota' diikaaytin kaffaappa ka afaddaappa ka sanynyewwaappa isho leknoppa Waaqa' orra fura' qalamte malla, mataafase ollopa marrammo qeeda'e ka kobbewwa fura'e ke mina' qate.