Efesooni 1:4 - Mataafa Qulqulloota

⁴ Akkan qulqullowwa a qaja in qapnin koddino ka fuulaadi tura kinnaanno'e, a piita in uumammin turanne jaalalaadin Kiristoosi qudan ino reexade.

Efesooni 1:4 ပူးပေါင်းရင်းမြစ်များ

Mataafa Saamu'eeli a lammatta 22:24

Anti fuulaadi tura qaja an qapnaanne; ka dapa kela isi tooyte.

Mataafa Masmuureta 135:4

Maana malla, Waaqa issi'i Yayqoopi reexadeey ka Isira'eeli kodatteetaadi a pilaati' kodadeey.

Xuuma Issayyaasi 42:1

Waaqa ikiini, “Tin, orxaytase' xayyo an opeela qapno, ka reexade ka ishin xasoonno ini; anti hapuriyyon isha kara' xaaya; ikka samayta piitaddaati dukaatan' farata.

Mataafa orra Lewi 19:2

“Xora samayta Isira'eeli piisa haasawado ka kide, ‘Anti Yaahiwwe Waaqaayshin akkan qulqullitta kodde mina'e, ishina qulqullowwa kodda.

Mataafa orra Lewi 20:7

Anti an Yaahiwwe Waaqaashinaay, (Yaahiwwe elohim) Isi jaqqa ka qulqullowwa kodda.

Maatiyoosi 24:22

Kadin kuyyawwosene tura in kumma'annin kiiteeyye, nama takka nefo pahani in heenne; Ma xoori orrase reexame malla, kuyyawwosen tura kumma'aadan.

Maatiyoosi 24:24

Orra dartan issi ‘An Kiristoosi’ kiino isho xuumampaya darta'e xa'a ka oton i'ishootta koddiniiyyi orrase a Waaqa reexade kuli kamma daptissa'e, wa kukutta a orra qawwanna isho daxxowwa koda.

Maatiyoosi 24:31

Ikka erkampattowwaadi a nessa kuttan kaasa dawna erka, ishootta ka qindadda afurin desa aanan ka pora a oppa piita oortooyye orra reexame ollopa oorshan.”

Maatiyoosi 25:34

Sitiiyyi nuqusase ka isasene qinda akkittati caati kida, ‘Ishina a aappinno ishina sakeeti, xooya ka mankisteetase a piita uumamte paayyatte ishina harmisamte lehada.

Yohaannisi 10:16

Kahirra apila a xelloose oppa in kinninin qapaaw; ishootta kuli qeedeeta ana parpaaccisni; ishootta nessiyyo dakayan ka xelloota takka koddan; sikimaytaaysho nefo takkaaw.

Yohaannisi 15:16

Ana ishin reexade diisheey, ishina ana a reexanne. Anti ka akka antan ka delta kutta' deltan, deltaayshin ka a kallaannitto koddito'e ishin shuumade. Semmalla wa maxxiyyon qinsannittane piisa Waaqa Aappa i'ishina' daasha.

Yohaannisi 17:24

“Aappo, a piita in uumammin turanne, qoota ana jaalate malla, ulfeenase a ana' daasse, akka akkane'e, sene a ana' daasse akka pora an anti oppa co oppa ana olli kallaadane'en jaalanni.

Kodampaya 13:48

Orra a Yihutaata in koddinin ete sede dakayeeyye, ixasoode. Ka qaaleta Poqalla ulfeesse. Acaatta paraparati reexxame piisa ka amanen.

Kodampaya 15:18

A xattati paayyatte a se piisa upnayshe ana Waaqa asse kiini.’

Kodampaya 18:10

Katamoosen kara orra lekaytan qapaay, qootan anti ke olli co malla, nama takka nefo ke qara rakkoota in qeedo.”

Roomi 8:33

Orra Waaqa reexade ayno ishootta xasasa? A ishootta hanqeellanno ishaay.

Qorontoosi a paayyota 1:8

Kuyyaata a Poqallaanno Yesuusi Kiristoosi lammatta' oorrooyye, akka' qaja mali caattane'e, isha akka haka piraampirati kokkonnaattane'e ishin koda.

Kelaatiya 5:13

Hellaanno a kiristaanatiiyyi! ishina natan kallaatte'e' halaamten; semmalla jaalalan olkela koda koda diisheey, natan sookeese' xaayshin xajeelta so'a immaka'en kodan.

Kelaatiya 5:22

Dalta Hapura Qulqulloota' xoori, jaalala ka xasa ka nakayta ka duupatta ka xoona ka paxaarumta ka amanama

Kelaatiya 5:6

Oton Yesuusi Kiristoosinni' kallaanniiyyi, amanteeta koda jaalalaatin isi akkinnitto diisheey dawra qara muratta ka muratta diissata we' nakanni in kitto.

Efesooni 2:10

Ino kodaddaasene paxaara a Waaqa turan harmishe akkan koono'e, an uumata Waaqa a Yesuusi Kiristoosi qudan lammatta uumame.

Efesooni 3:17

Ka akka Kiristoosi amanteetan karittaayshin kara kinnaado, akka hittina katattan ka a jaalalaan kokkonnaanna kodditane' qinsanni.

Efesooni 4:2

Jaalalaan oli kela duupada ka awta piisa naaluma ka tajjanuma isho oli haadattaan kallaada.

Efesooni 5:2

Kiristoosi akka ino jaalade ka daassata isho kalisoota alaawnitto ka Waaqa xasannitto isi kode ka daashe mina'e, ishina' kuli asseew jaalalaan kallaada.

Efesooni 5:27

Ka sedenne tika kiristaana a jureeta taaki fuula poornassa taaki wa a neeqa a asse paha a isheetta qaraayye in kinnaannin mali qulqullitteeta a qaja in qapnin ka siratte' koda ka isturopa dehaysha.

Filippisiyuusi 2:15

Oton i''asse koodditeeyye, xeltose are quumaara koddite ka neeqa oppaayye, hellaa Waaqa a qaja ka puyatama in qapnin ka qulqullaawe'e, kodditan ka piisse oppa akka hikka' mina la'aytan;

Qolaasiisi 1:22

Amma xoori, akka qulqullowwa a nyela ka qaja in qapniniti ishin kodo ka isi kapopa ishin dehaysho'e qoota innaadi dakintan to'en malla, Waaqa issi olliiyyi ishin araarshe.

Qolaasiisi 2:2

Wa an malla soonna' nefo, akka karittaaysho xasa oorsado ikka jaalalaan takka koddan ka teyanta a upna qaja in qapnini qapnaadan ka Kiristoosise juuttota Waaqa' kodde, upnaadan malla.

Qolaasiisi 3:12

Semmalla qoota orra a Waaqa reexade kodditen ka qulqullowwa kodditen ka jaalatamten malla, nama suraysatta ka paxaarumta kodeeta ka naaluma ka tajjanuma isho duupatta uwwisse.

Teseloonqe a paayyota 3:12

Akkiman ino ishin jaalanninno mina'e, jaalala olli' qaptane ka orra pila piisa' qaptane, a Poqalla akka kuttadan ka koopane' kodo.

Teseloonqe a paayyota 4:7

Waaqa akkan qulqullumaan kallaanno'e ino hale diisheey, akkan nyelaan kallaanno'e ino in haleene.

Timotoosi a lammatta 1:9

Isha, koda paxaara an ino' koone minannen ma, heennaadi ka daassataadinni ino dinshe ka qulqulluma ino hale ka Yesuusi Kiristoosi qudanne, daassatose sapanna turan ino' daashe.

Timotoosi a lammatta 2:10

Semmalla akka ishootta' kuli, dinase Yesuusi Kiristoosi qudan teyanno isho ulfeena parapara akkadane'e, anti orra a Waaqa reexade mallan kiini ka we' piisa duupanni.

Timotoosi a lammatta 2:19

Ma xoori kirittase a Waaqa, lellehni in kinnin a qara kobbeeta kitto, isase kiino “Poqalla a xaadi kodde i'upa” ka kiinoowwe, “Nama maxxa Poqalla' haleeno piisa a neequmta kapa sekaado,” Iqa'ada ka kallaada.

Yayqoopi 2:5

Ishina a jaalatame hellaanno a kiristaanatiiyyi, dakkaysada! Waaqa, akka amanteetan teyaantolaya koddan ka mankisteetase a orra isha jaalanno' kippeeta' daashe lehadane'e, teekolaya piisseti in reexanne?

Petroosi a paayyota 1:2

Ishina akka Waaqa Aappa xattaaw koda' qapade qara' reexxame ka Yesuusi Kiristoosi ajajamtane'e ka diikaadin jaqqamtane'e, Hapuran qulqullaaweti a daassata Waaqa isho nakayta a ishina' koopen.

Petroosi a paayyota 1:20

Isha a piita in uumammin turanne upnaysame ma, amma sapanoose a piraampira' qaraayye, ishin malla akkaade.

Petroosi a paayyota 2:9

Ishina' xoori, akka kodase orra qawwanno a Waaqa isase tukkantoppa la'aytase orra qawwanno oppopa ishin halaade salissane'e, a' xelta reexxamte. A'qeesewwa nuqusa ka a' samayta a qulqullaawe, a Waaqa xaadi' kodade.

Petiroosi a lammatta 3:14

Semmalla moottadayyooyye! oto kuyyaata a oppa wessen piisa koddan asatta qara kittaneeyye, akka poqalla ishina a qaja taaki nyala maliiyyi ca' qara de'o ka nakaytan ishina akkado'e japaattan kallaada.

Yohaannisi a paayyota 4:16

Semmalla jaalala a Waaqa ino' qapa in upna ka amanninna. Waaqa jaalala. Nama jaalalaan kallaanno, Waaqanne kallaanni, Waaqa ka ishan kallaanni.

Keleshaata 13:8

A piita uumamte paayyatte, orra piita qara kalo a maxxaaysho maskapase a caatta a laahase qalameeti oppa in taafammini piisa ka pinantaseti sakatadan.

Keleshaata 17:8

Pinantose a akkite, xatta turan ikitta, ma amma in kitto. Ma kuli hiwwalaalla kara sookta ka pateetaadipa anta. A piita uumammitto paayyatte, orra a maxxadaasso maskapa caatta kara in taafammini; orra a piita qara kalo piisa akkima pinantose xatta kitto ka amma in kinnin ka kuli deeto akkaneeyye, oppa'e qawwaawan.